災後處理,大家有何建議呢?

番茄炒蛋
|
我只能說,後輩有福了,因為我們身先士卒,經歷了如此前所未有嘅風球,為下一次可能發生嘅災後應對,提供了經驗參考。
每個人都在為自己嘅立場去指責對方,因為大家都在今次嘅風災裡,受到了影響。
其實未必要停工,但係公共運輸系統又無辦法應付到咁多人嘅出行,平時鐵路同巴士都正常嘅情況下,尚且投訴班次唔密,車次不足,車廂擠逼。今次差唔多完全失去巴士地面交通,鐵路更是⋯⋯都唔知點樣去形容。站內指示不足,信號未達到精確,導致已經少嘅車次,更加緩慢(每年都加價,錢去咗邊?去咗金字塔頂尖嘅果班人手上,有錢嘅更有錢。政府仲要係最大股東⋯⋯)所造成嘅後果便是如此。政府應該預想到如此情況,但係完全無應對辦法。兩方人便是如此一觸即發。正如一場韓劇,開頭精彩衰收尾。
通過今次教訓,大家能探討出一個有效緩解此矛盾嘅方法嗎?

番茄炒蛋
|
番茄炒蛋 發表於 18-9-19 01:02
我只能說,後輩有福了,因為我們身先士卒,經歷了如此前所未有嘅風球,為下一次可能發生嘅災後應對,提供了 ...

我係一介蟻民,想政府比多D支持,或者劃出一部分嘅資金,來應對重大災難嘅善後工作,(1:先做好登記政府臨時工,如有需要,提前發出即時信息。招聘一班人。譬如招聘一班兼職,重金日薪,(按情況開出日薪建議)
2:建立一個特別自然災難應對小組,對各大道路損毀,災後情況,做一個信息收集,未落風球時已經開始規劃已知損毀道路急需清理)哪裡停水調派水車,諸如此類,一落風球,立刻動起來。立刻投入主要道路清理,整頓城市,維持城市順暢運作當中。其實港鐵維修可能需要技術支援,但係巴士路面清理唔需要,能讓巴士順利行使在道路上,整個城市就有大部份能順利運作,順暢起來。各人就可以按部就班,減少影響。
我知道我說的可能很難操作,但是政府不做,還有誰有能力去做?我只能說,凡事都有第一次,這次碰上了,希望能變成教材,吸取教訓,不單止要避免如此情況,還要行先一步防患於未然。
唔知大家有何其它建議。
此帖唔想辯論誰對誰錯,只想知有何應對改善之法。
唔合大家嘅想法,請手下留情,移請它帖。
番茄炒蛋
|
番茄炒蛋 發表於 18-9-19 01:02
我係一介蟻民,想政府比多D支持,或者劃出一部分嘅資金,來應對重大災難嘅善後工作,(1:先做好登 ...

睇來大家對呢D正經Po完全無興趣,都係喜歡八掛,娛樂性質嘅。
siujanjan
|
我諗最大問題係交通, mtr要時間去檢查, 可參考澳門做法停工?
番茄炒蛋
|
siujanjan 發表於 18-9-19 11:30
我諗最大問題係交通, mtr要時間去檢查, 可參考澳門做法停工?

嗯,澳門能做到停工,香港為何做不到,這個是個問題。有班人其實也很反對停工。如果不停工,就要解決交通問題,似乎無人俾到建議。
sjnl43
|
回覆 番茄炒蛋 的帖子

1. 緊急撥款, 等精莊老人報名, 一落波call 臨時工

2. 大中學生, 老師帶隊歡迎家長, 公民教育義務清理!

sjnl43
|
番茄炒蛋 發表於 18-9-19 15:20
嗯,澳門能做到停工,香港為何做不到,這個是個問題。有班人其實也很反對停工。如果不停工,就要解決交通 ...

返正班中學生,牛龜咁大隻, 又停課又好體能, 最好叫佢地做義工!

今次都有家長帶頭自發幫手啦, 政府教育局諗諗佢, 邊間辦學團體無學校參與, 下次申請新校舍...有參考作用


brindlewin
|
番茄炒蛋 發表於 18-9-19 11:23
睇來大家對呢D正經Po完全無興趣,都係喜歡八掛,娛樂性質嘅。

本帖最後由 brindlewin 於 18-9-19 15:58 編輯

政府組織救援振災o k,enforce勞工保障亦應該,

但唔該唔好樣樣插手,當全港市民都係未戒奶嘅巨嬰。
番茄炒蛋
|
sjnl43 發表於 18-9-19 15:26
回覆 番茄炒蛋 的帖子

1. 緊急撥款, 等精莊老人報名, 一落波call 臨時工

呢個好好呀。等D急需賺錢嘅人都有工作機會,做一日等於炒散兩三日。大學生都可以兼職賺零用錢,或者義務清理。消防負責鋸樹,其他人負責搬運移開,夠車輛通過。
molasses
|
首先1. 要界定災難級別, 到邊個程度先有必要停工。2. 然後更改勞工法例, 喺第一點之下提高勞工賠償金額, 咁老闆要買重保險自然會叫啲非必要員工唔好返。 3. 要審視邊啲係緊急工種, 要清來列明。4. 同商界股票市場磋商工作日停工嘅連鎖影響, 例如虧蝕邊個負責。暫時諗到呢啲
sjnl43
|
番茄炒蛋 發表於 18-9-19 16:12
呢個好好呀。等D急需賺錢嘅人都有工作機會,做一日等於炒散兩三日。大學生都可以兼職賺零用錢,或者義務清 ...

班中學生返正停課, 牛高馬大, 個社會將來留返比佢地架, 返正學校又開放, 由老師帶住父母又放心

電視都有做啦, 個男仔自發去, 話係到跑步, 又有小學生執正齊d 磚, 等維修工人易d 跟進

中學生無做唔黎, 無危險啦掛! 教育局積極諗下, 每年組織學生長假去清潔沙灘, 風後幫手

等佢地父母返工都易d

Poyau
|
希望可從經驗中學習
tictactoe
|
本帖最後由 tictactoe 於 18-9-19 18:02 編輯

巴士公司巡查道路有阻塞﹐應儘快通知政府及公眾。巴士不應一刀切停駛,應儘可能改道,縮短路線,繞過或不經過某些塌樹地點,儘可能維持有限度的服務,不應如此大規模停駛。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽