幾廿歲人,都係第一次見打風後的災情係咁嚴重,滿街塌樹、碎玻璃、交通近乎停頓、一些地方甚至停水停電……
有些社區的市民自發性合力、無私咁去幫忙清理自己社區,令我覺得香港的公民意識強咗,有點感動,香港人與自私精之間已不一定有著等號。
要知道今次塌樹真係好嚴重,事有緩急之分,首要嘅係清理阻塞馬路的障礙物,開通交通。眼見政府工人都已好努力咁清理,好辛苦,但真係需要時間去做。打風過後才兩天,市面都恢復得算唔錯啦,起碼已可正常復工復課,但報章就寫到”政府無能,市民唯有靠自己”。其實如果小市民有時間、有能力嘅,為自己社區出一分綿力又有何不妥? 事無大小都要下下等政府、趨政府、鬧政府,又有何意義?