我在呢個TOPIC 留言了5-6次, 也不知BK問題定咩....出極出唔到, 激鬼C。
我仔去年小一開學, 都去政府度check(由k2開始排),
臨床心理學家評估完, 係話佢adhd同早期學障徵狀。
之後排精神科, 但要排到出年9月先有得睇。
現階段係冇藥食.....
之後小一, 老師既評語, 都主要係話佢專注力差些, 但與人相處係沒問題, 人亦好helpful 同開朗。其實好多人話睇唔出佢有....不過佢的確係有學習困難, 唔係記到D字。
之後剛剛個暑假, join 了暑期託管, D姑娘就話我仔好不受控, 話佢嚴重了好多。
咁其實表哥性格同我仔好相似, 當年表哥就去了CHECK 感統, 係前庭問題。最後用音樂治療係好了好多, 無需食藥。早排我帶了佢去CHECK 感統, 最後職業治療師評估佢係感覺統合 - 前庭問題....
其實有D小朋友有感統問題, 徵狀同ADHD 好相似。
「未有效處理前庭刺激的兒童往往尋求更多的前庭刺激,試圖使他們的系統成熟,並且可能需要在白天移動很多。 這可能導致煩躁不安以及注意力和注意力的困難,特別是在課堂環境中, 小朋友反應系統意味著大腦沒有充分處理前庭輸入,這可能直接影響他的注意力/注意力,並且由於他們的前庭系統無法過濾和處理輸入信號,兒童也可能遇到協調和空間意識困難的問題。」
現在我仔都跟職業治療師指引, 在家做一些MOVEMENT。
又好似真係好佐少少, 上了小2後, 企理佐, 定佐少少。
(不過亦可能小2老師比較嚴, 我仔欺善怕惡。)
遲下會做埋迫音樂治療, 希望會好D。
其實ADHD 既徵狀, 我仔係中了9成9。
我到現在都好疑惑, 究竟係ADHD定感統。
不過如果感統既治療係對仔仔有幫助, 我當然希望可以見到佢有進步, 而唔洗去食ADHD既藥。
我現在都未敢講, 感統既治療有好好成效(才剛開始)。
不過我覺得樓主可以嘗試了解下, 小朋友會否有感統問題。
如ADHD 方面未正式治療/食藥, 可以不妨試下, 尤其見你對ADHD要睇精神科, 有點抗拒。
倒不如去CHECK會唔會係感統前庭問題, 如是者, 可能在MOVEMENT 同音樂治療, 可以得到幫助。
咁就唔需要ADHD 治療。當然如果最後唔得, 都係要跟返ADHD 治療啦~ 始終要對症下藥嘛!
Childhood is journey, not a race.