懷孕初期可以去旅行嗎?

waiwai0302
|
本人上週用驗孕棒發現有左,但本身10月15日會岀發去歐洲旅行,請問可以照去嗎?
freshrose
|
waiwai0302 發表於 18-9-28 08:02
本人上週用驗孕棒發現有左,但本身10月15日會岀發去歐洲旅行,請問可以照去嗎? ...

頭三個月好唔穩定,其實有咩事都係自己承擔返,你承受到咪照去

我自己懷孕初期又攰又嘔又流啡,唔好話坐飛機,連坐一個鐘巴士都頂唔順
Bbtravel
|
醫生應該就話無問題嘅,但我今年1月中發現有左,1月尾去左個一早計劃好嘅旅行,始終旅行係會攰同埋周圍一切嘅都會影響到自己情況,當時覺得自己可以handle到。我出發前都睇咗好多post問咗唔少人意見,返嚟答案都係一半一半,所以好想襯個肚未大,做多啲自己鍾意嘅事。

去完返黎即做產檢BB安然無恙,8週1,有閃閃,十日後無左啲害喜症狀有啲擔心,所以再去產檢證實BB size 一直停係8週左右,無大過亦無閃閃⋯

雖然好多人同我講,早期流產基本上唔關我做過啲咩事,但我始終有少少自責,諗如果無去到旅行、會唔會自己夠休息、就會冇事呢?


Bbtravel
|
Bbtravel 發表於 18-9-28 08:26
醫生應該就話無問題嘅,但我今年1月中發現有左,1月尾去左個一早計劃好嘅旅行,始終旅行係會攰同埋周圍一切 ...

所以好睇你點樣睇呢一胎,你自己本身身體狀況如何,有咩事發生你接唔接受到等等。因為我相信每一個人都有自己嘅決定權,有啲人去完旅行又確實冇事,仲陀得好穩。

我月中又證實有咗,今次已經推晒所有旅行同出Trip,邊度都唔去乖乖地留係屋企休息,始終之前個經驗令我有少少陰影,今次做足晒所有野,唔想再俾自己後悔。


melomelomelody
|
我6月驗到有左,本身7月出發去台北。
醫生話近近地都可以,要攰喺屋企都係攰,但係萬一有咩喺當地睇醫生唔方便,呢個先係考慮因素,最後我個人攰到根本體力支持唔到,所以冇去到。

但8月已經過左12週,個人體力慢慢ok,13週照出發同老公大女去日本,不過全程都係易攰,每日出去幾個鐘就返酒店休息下,再出過去。食嘅野唔多,去嘅地方唔多,完全hea遊。

重點,旅遊保我買嗰隻保出發時懷孕已夠12週或以上嘅孕婦,同埋只保你感冒肚屙呢d普通唔舒服睇醫生,其他野唔包。 所以我旅程中,去廁所係驚嘅,怕太攰會見紅流啡,好彩冇事。
hamsterma
|
waiwai0302 發表於 18-9-28 08:02
本人上週用驗孕棒發現有左,但本身10月15日會岀發去歐洲旅行,請問可以照去嗎? ...

最好先聽下醫生嘅建議,頭三個月要注意
dolldollk
|
歐洲諗到坐飛機都辛苦
我要做媽媽
|
初期既話我建議你都係問下醫生意見,而且你去歐洲。我覺得都睇每個媽媽既身體狀況既
waiwai0302
|
尋晚一聽到話唔比去,心情已好差,喊左成晚。
jojojojom
|
自己衡量,BB重要定旅遊重要
love_bbbabe
|
做媽媽嘅就要對BB負責!去唔到旅行一啲都唔可惜,之後一樣可以去!但係BB就唔同!你自己考慮清楚啦
RisaRisa
|
近近地東南亞都話可以考慮下, 但歐洲好遠喎, 搭咁耐飛機怕你辛苦咋
你同老公再商量下啦......
carshek
|
waiwai0302 發表於 18-9-28 08:02
本人上週用驗孕棒發現有左,但本身10月15日會岀發去歐洲旅行,請問可以照去嗎? ...

我係3個幾月果陣搭過去加拿大,我真心覺得都真係幾辛苦.....好睇冇出事(emoji)我一定唔會再係大肚果陣搭咁長途機
KILW
|
jojojojom 發表於 18-9-28 11:26
自己衡量,BB重要定旅遊重要

係囉,如果無得去旅行喊哂,咁去左旅行而個b萬一無左,樓主唔喊嘅就照去啦。
我個朋友本身大肚初期有少少作小產跡象,醫生唔建議旅行,佢照去,返香港後就無左,傷身又傷心。自己決定,後果自負。
saver_red
|
waiwai0302 發表於 18-9-28 11:09
尋晚一聽到話唔比去,心情已好差,喊左成晚。

想去咪想囉, 自己承受到後果就得
jiffjiff
|
回覆 saver_red 的帖子

錢可以冇左搵返, 仲可以摼返d錢比bb開支, 但如果大吉利事, 個心一世唔安樂, 樓主3思!
RubyYu07
|
都係要睇你自己既身體狀況。而且你係去歐洲,旅程比較遠,行程都比較多
長琦良美
|
waiwai0302 發表於 18-9-28 11:09
尋晚一聽到話唔比去,心情已好差,喊左成晚。

唔去喊得傷心d, 定去旅行時有事無左個胎喊得傷心d?

當然,唔去令你喊既機會係100%, 去而有事既機會一定唔係100%
pigpigFF
|
初期吾敢搏,始終吾太穏定。
雖然都見好多人有去,但要睇自己身體情況。
有左個人會好攰,你要預行幾個鐘就要休息,吾會似以前咁有精神chur
Elysewa926
|
我有照去旅行,不過出發前睇左產檢問了醫生意見和上網睇定當地既婦產科/醫院起邊。
老公驚我辛苦所以吾係坐經濟艙,但坐飛機都好累,要定時企起身行下和行程上盡量優閒為主。
我返到黎之後再做產檢都無咩,可能開心的關係bb和我都重左.....反而我剛懷孕時食幾多體重都不停跌,仲被姑娘話我吾可以再跌。
所以都係睇返自己個情況
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽