想生BB 今日: 0 | 主題: 109067

積分: 33

1^#

發表於 18-10-4 09:24 |只看該作者 |倒序瀏覽 |打印

我剛踏入40已是高齡，在年初已離職，諗住right timing 做ivf. 但剛有job offer而又收到消息下個月可以做胚胎植入。現在考慮緊應該延遲3個月後做植入還是唔返工等bingo，我的想法是多收入會減輕家庭經濟上的壓力，但又怕植入後胎兒不穩。
請大家分享吓意見！謝謝！

0 0 0

私人傳訊

Qoo815

積分: 665

2^#

發表於 18-10-4 09:40 |只看該作者

返左新工就會好忙, 放完胎最好放鬆心情
反正產假就無架喇, 如果真係有經濟壓力就無辦法啦, 頂硬上
其實真係好兩難, 想搵多D, 又高齡,
比我會揀放胎, 針都打哂, 卵又抽左, 加油呀

私人傳訊

pigpigFF

積分: 1783

3^#

發表於 18-10-4 09:43 |只看該作者

經濟吾系太有壓力就放左胎再算，始終年紀吾細，
時間不等人，工可以再揾過。

你推遲放，到時如果份工做落有壓力，又吾易請假，
咪仲大影響。

私人傳訊

yhyeung

積分: 4819

4^#

發表於 18-10-4 10:17 |只看該作者

mhkhappy 發表於 18-10-4 09:24
我剛踏入40已是高齡，在年初已離職，諗住right timing 做ivf. 但剛有job offer而又收到消息下個月可以做胚 ...

我卵少，失敗了兩次ivf, 第二次pass 不到PGS甚至是無胚胎可放。我覺得如果之後繼續未成功，我明年會拿bonus 後離職養身子。

開始ivf 後，我收到了無數head hunter 的calls (但之前一年想轉工那時卻一個job 都無），可是我都狠心拒絕了，這對一向有事業心的我並不容易。

而現在我的工作可說是高薪厚職，可是，為了可以有孩子，必要時我可以捨棄。

我覺得其實是你多想有小孩。以前我是很事業至上，但當我開始ivf 而不順利，我自己已經再無心工作。原來工作和錢對我不是真的這麼重要。因為我不想過很多錢卻沒有小孩的家庭生活。

但每人的價值觀喜好不同，真要視乎你有多想要小孩。

私人傳訊

積分: 33

5^#

發表於 18-10-4 10:58 |只看該作者

yhyeung 發表於 18-10-4 10:17
我卵少，失敗了兩次ivf, 第二次pass 不到PGS甚至是無胚胎可放。我覺得如果之後繼續未成功，我明年會拿bonu ...

多謝你意見，我同樣是高薪厚職，到今年才決做ivf。

當我收到offer的反應係唔開心，覺得愧對BB，一個人在家流淚，但生活迫人，生孩子都要有經濟能力去養活他。

但現在天父都給我警號，因為下星期初準備去台灣做ERA所以昨日開始食藥，但副作用係勁頭暈和勁眼訓，下星期跟本無可能返新工。

大家說得對，唔想因為金錢而影響下半生的幸福。

感謝各位！當決定行這條路真是有苦自己知，其他非同路人好難體會。祝大家孕途順利！

私人傳訊

RisaRisa

積分: 1595

6^#

發表於 18-10-4 11:10 |只看該作者

睇你都似係有事業心的人, 做事會認真, 所以我估你返得新工你都會想盡快投入同上手, 到時你會需要更多精神在工作上，即使放胎後亦不能放鬆, 我擔心會影響放胎效果呀。
而且返新工你都唔好意思即刻攞咁多假啦, 但放胎後好多JM都建議點都放返三幾日休息下，幫助著床，成功bingo後懷孕初期好多時又會唔舒服要請假，到時可能你會好為難啊。

既然已高齡，又已踏上ivf的路，不如行埋佢先啦，你要相信自己身體呀! 加油!

私人傳訊

bewithyou00

積分: 659

7^#

發表於 18-10-4 11:41 |只看該作者

yhyeung 發表於 18-10-4 10:17
我卵少，失敗了兩次ivf, 第二次pass 不到PGS甚至是無胚胎可放。我覺得如果之後繼續未成功，我明年會拿bonu ...

小產後都有考慮離職養好身體
但老公唔太同意唔係錢既問題
係擔心我成副心機諗住生仔最後事業又冇仔又冇
所以真係好糾結

私人傳訊

yhyeung

積分: 4819

8^#

發表於 18-10-4 14:26 |只看該作者

bewithyou00 發表於 18-10-4 11:41
小產後都有考慮離職養好身體
但老公唔太同意唔係錢既問題
係擔心我成副心機諗住生仔最後事業又冇仔又冇 ...

我明白呀

其實有時平日唔洗番工（但老公有番工），自己一個人無咩心機，會亂諗嘢。番工反而嗰日過得快d。同埋唔番工又真係無錢搵，如果經濟有壓力都煩。

所以我覺得如果你重後生，年紀無我咁critical (我真係無三幾年可試），如果你份工唔算好忙，其實番工也不壞。

如果我quit 呢份，我一定催毀了我的career,因我現在已爬上了高位，忽然唔做幾年嘢脫節第時一定要大減人工先有得撈。但有得必有失，我都預咗無b 又無事業都想搏一搏。

私人傳訊

bewithyou00

積分: 659

9^#

發表於 18-10-4 17:21 |只看該作者

yhyeung 發表於 18-10-4 14:26
我明白呀

其實有時平日唔洗番工（但老公有番工），自己一個人無咩心機，會亂諗嘢。番工反而嗰日過得快d。 ...

唔算太忙但有時壓力好大
同你一樣都叫做高位人工亦不錯
如果空白幾年就返唔到轉頭了

支持你呀諗清楚自己條路勇住直前！

祝大家快快成功

私人傳訊

pp2011

積分: 1605

10^#

發表於 18-10-4 17:35 |只看該作者

mhkhappy 發表於 18-10-4 09:24
我剛踏入40已是高齡，在年初已離職，諗住right timing 做ivf. 但剛有job offer而又收到消息下個月可以做胚 ...

我今年39，剛剛辭職了，我做這個決定須要好大勇氣，因為在公司已經做到算是高職位，但是我們都很想要孩子，而在年中身體檢查後，我的amh同fsh原來已經不合格了，由年頭看中醫調理，e生説我虛，休息不足，我唯有決定辭職，當給自己一個長假吧！好好休養。

私人傳訊

kl0824

複式洋房

積分: 242

11^#

發表於 18-10-4 23:18 |只看該作者

睇到呢個post 真係覺得揾到同路人，我岩岩小產左2星期，今次係第三次，已列入慣性流產行列。今次由一發現有左就放假休息，休左一個月度就小產左，好唔開心。一個人係屋企休息（老公陪左我幾日就要番工）好多時都諗好多野，同埋想辭職唔做，之前都有諗唔做，點知bingo 左諗住生埋先，可惜........... 而家好想辭職休養身體，因為年紀唔細，但都同你地差不多，份工都算高薪厚職，唔算太忙但幾大壓力。唔知自己想點，就算辭左再想揾份人工低啲但冇咁大壓力的都唔係易事，人地會問點解？如果唔做野又真係會有點經濟壓力，唉.....好煩

私人傳訊

積分: 33

12^#

發表於 18-10-5 15:05 |只看該作者

pp2011 發表於 18-10-4 17:35
我今年39，剛剛辭職了，我做這個決定須要好大勇氣，因為在公司已經做到算是高職位，但是我們都很想要孩子 ...

起初不用返工時好開心，但慢慢覺得好無聊。我以前對工作充滿熱誠，但慢慢就覺得自己無貢獻和價值。

幸好有信仰寄托，每早起身就開YouTube 唱一些勵志和開心的詩歌、報一些興趣班、做手工皂和做運動，總之要比自己一些目標和多些正能量，開心亦是良藥呢！

在此有好多同路人互相支持，大家加油！

私人傳訊

積分: 33

13^#

發表於 18-10-5 15:38 |只看該作者

kl0824 發表於 18-10-4 23:18
睇到呢個post 真係覺得揾到同路人，我岩岩小產左2星期，今次係第三次，已列入慣性流產行列。今次由一發現有 ...

Sorry 聽到你有不快的經歷，多休息和保重！你是做ivf還是自然有？

我之前份工一樣唔忙但好大壓力，要感謝我個無賴老細，令我對返工迷失了意義和方向而決定辭職。

唔做野幾年就預左搵唔返之前個職位和人工，但人生際遇是我們預計不到的，不防隨著自己心意去做。

之前20年我工作賺錢不是全為了自己，到現在我想停下來為自己打算。況且已經40歲了，生BB就是趕上尾班車，得唔得都試一次，以免將來後悔。當然經濟係會有問題，但好一餐唔好都係一餐，豐儉由人。

我們一班同路人要保持心境開朗、多些正能量，好事自然來。加油(emoji)

私人傳訊

bwife

積分: 1325

14^#

發表於 18-10-5 18:52 |只看該作者

如果是新工定係做值入，一定係選值入先。新工未開始，要放棄都冇咁可惜，何況你若成功，可能都會想知大ftm。根本冇心機拼搏。 40歲真係要捉緊時光。醫生會check 你荷爾蒙水平，睇下嗰個月係唔係合適，如果你預算推三個月見得一定可以三個月後做。都要再驗血，體下你身體ready 未

反而若你仲做緊野，我就覺得未必要特登辭職，以免又比自己另一種壓力。

私人傳訊

bell18

積分: 3119

15^#

發表於 18-10-5 19:40 |只看該作者

mhkhappy 發表於 18-10-4 09:24
我剛踏入40已是高齡，在年初已離職，諗住right timing 做ivf. 但剛有job offer而又收到消息下個月可以做胚 ...

其實你找工作易嗎？

如果你做了呢份工之後先放，萬一衰左你會怪自己當初為何不放埋先？

私人傳訊

kl0824

複式洋房

積分: 242

16^#

發表於 18-10-6 12:52 |只看該作者

mhkhappy 發表於 18-10-5 15:38
Sorry 聽到你有不快的經歷，多休息和保重！你是做ivf還是自然有？

我之前份工一樣唔忙但好大壓力，要感謝 ...

本帖最後由 kl0824 於 18-10-6 12:56 編輯

我係自然懷孕，其實我想辭職係因為仲想努力造人，但如果一有左又係唔知點做好？即刻辭職定放埋產假先？到時又係一個難做的決定.....

私人傳訊

jesuis

積分: 763

17^#

發表於 18-10-7 12:09 |只看該作者

mhkhappy 發表於 18-10-4 09:24
我剛踏入40已是高齡，在年初已離職，諗住right timing 做ivf. 但剛有job offer而又收到消息下個月可以做胚 ...

既然你有宗教信仰，諗咁多做乜，不如交比個天決定，即係呢個月你同老公自己試自然，咁都中咪一定生b, 係你嘅，照take offer, 你有咗，至多無薪假，畀自己試三個月，工作穩定但自然都無，再放胎。我有朋友老公精子質素唔得都有奇蹟。你咪交比神去決定，又可以一舉兩得。跳出框框諗吓。

私人傳訊

PetiteAmie