全職媽媽分享美容歷程之一 斑斑斑斑斑斑

Balluno
|
全職媽媽分享美容歷程之一 斑斑篇
(本篇文章只純粹個人意見分享,絕無抄襲抵毀攻擊他人、公司、產品)

自從生完阿仔之後,個鼻啲毛孔粗大左兩倍,雀斑荷爾蒙斑越出越多,塊面由瓜子面變成麵包超人,身型變左米之蓮,再係咁落去,肥師奶呢個朵就揮之不去。
終於上年阿仔入學讀K1,我就多左時間去照鏡,越照越發覺自己點解變成咁醜樣架!
自己都唔鐘意自己。

所以就開始上網搵各大美容產品資訊,首先由去斑開始,試左好多牌子美白淡斑精華,價錢由$100至$2000一支都試過,細牌子大牌子都試過,效果平既真係無咩用,$500以上就真係有美白作用,有光澤,但唔持久,色斑就算係重點淡斑都無用,無淡化,一樣越來越多。

續⋯⋯
夜猫
|
又開新鋪?内容同你前排個鋪一樣嘅
Balluno
|
夜猫 發表於 18-10-5 04:18
又開新鋪?内容同你前排個鋪一樣嘅

好慘呀!
因為有太多媽媽留言PM,PM,PM,,所以被關閉了,我只好重新再貼返之前既內容先可以繼續寫,今次我要吸取經驗
Balluno
|
本帖最後由 Balluno 於 18-10-5 10:15 編輯

提提各位有意支持或者想留言給我既媽媽千其唔好留下「PM」或等同意思既字眼!原來係觸犯版規架!

Balluno
|
全職媽媽分享美容歷程之一 斑斑篇

用左美容產品都無用,唯有進攻美容院美容療程。
本身對連鎖式大型美容院有點恐懼!所以會搵啲小型美容院。

第一次去左樓下商場蚊型美容院試做左個美白水嫩facial $288,感覺同自己係屋企護膚無分別,洗臉,用美白精華按摩,再敷個美白面膜,叫做有人幫你按摩下塊面咁。果度個美容姐姐話要去色斑要做激光儀器先有用架,呢度話$8xx一次⋯⋯⋯我心諗都係再上網格下價先。

續⋯⋯


Balluno
|
全職媽媽分享美容歷程之一 斑斑篇

第二次無意中睇到團購有激光去斑試做價$388,咁抵緊係去試下,尖沙咀小型店
,其實上去果時好緊張,團購咁平感覺上已經有不祥之兆!上到去講咗係團購之後就安排入一間房仔傾談了一輪同我講第一次係$388,話我啲斑咁多又深色一次唔得,最少10次先有明顯效果,即日付款優惠$6xxx,我未試過唔知得唔得架,佢話試完第日先黎要$9xxx,咁我堅持只係試做一次睇效果,咁又叫我試造另一個皮秒激光$688,但我鐘意睇左做咩先上去唔鐘意叫我做第二樣因爲我好驚俾人呃,呢間啲美容姐姐雖然無笑容,但都叫做無連環sale我,過程有啲啲吉吉地,完成之後有幾點紅點,佢話返去唔可以洗臉,咩都無幫我搽就叫我簽個名就走!
咁第二日有兩三點結焦,其他位置紅紅地但啲斑係淺色左少少,但覺得皮膚好乾,本身夏天既皮膚係唔乾,感覺唔太好,好似無咩料到咁

續⋯⋯⋯再尋求更好的
Balluno
|
全職媽媽分享美容歷程之一 斑斑篇

第三次係fb見到好多皮秒激光去斑,好多都好平體驗價,咁見到有個頭200位登記可以免費試做第二代就貪小便宜試下,我都有問左好幾個問題,有冇額外收費,打邊個位置等等,果個人都係咁叫我按預約時間上去就有專人解答,咁擔粗粗上去,又係安排入一間房仔,填完資料,有個美容姐姐就開始講解

個美容姐姐話今次免費做皮秒激光,只會打面珠兩邊位置,如果即日買套票就係全面做同埋今次都可以全面做,佢一講果套票價錢真係嚇到我心都離一離,6次皮秒要成$25xxx,包埋收細毛孔,咩刺激增生膠原蛋白,膚又白又滑⋯⋯⋯⋯⋯⋯⋯⋯
嘩!講真試都未試緊係唔買啦,更何況我心中無預到要咁貴,咁佢係咁繼續講不停講,又話買呢個送乜野面膜送乜野按摩⋯⋯好似唸佛經咁⋯⋯⋯

我堅持唔買,佢講野開始悔氣,又好似串我咁,好記得聽完呢句好嬲,
「你係街試食牛扒都唔會成塊俾你試晒啦!」
我果刻好想試都唔試就走,但既然上到黎俾佢串到咁就睇下免費既野係做啲咩!
廷廷媽
|
其實係咪賣緊廣告?
Balluno
|
廷廷媽 發表於 18-10-5 11:14
其實係咪賣緊廣告?

本帖最後由 Balluno 於 18-10-6 02:46 編輯

我完全無一個字眼賣過廣告,賣廣告要唔要寫到成篇論文出黎?我只係分享我做過既美容經驗俾大家媽媽知,一開始我亦無話要介紹做過邊間俾大家知,係有啲媽媽私下查詢的,我之前既帖未分享完就俾人關閉我先再開返一個,難道個個分享經驗都有賣廣告之嫌?分享用過咩產品又係賣廣告?分享食邊隻奶粉又係賣廣告?我已經叫大家媽媽唔好再打PM咁我點樣賣廣告呀?真係好忟!本來第一次分享咁多媽媽有回覆好開心,但有人咁樣講就令到我沮喪

Balluno
|
全職媽媽分享美容歷程之一 斑斑篇

續⋯⋯
安排入房後,有個美容姐姐幫我洗面,然後叫我等一陣就有專人幫我做㗎喇!
我足足等左半個鐘先有人入嚟,問佢點解等咁耐,佢就聲稱好多客人今日唔夠人手,心諗咁買左套票係咪即刻就夠人手做?
開始打喇!唔使兩分鐘話打完,完全無感覺,幫我搽乜鬼蘆薈啫喱,就叫我收拾好就可以出去有人會接待,我問無面霜幫我搽?佢話免費試做係唔包!

出左房門又叫我去間房仔度填問卷喎!
我等左十分鐘都無人入黎就走出去,啲美容姐姐係咁叫我等多陣,等左半個鐘先有人入黎,個心已經好嬲,入到黎係另一位美容姐姐,又再同我講個套票優惠只限今日,繼續一輪嘴係咁講係咁講,我已經好嬲架喇!問佢「你究竟講完未,我好趕時間!」佢先叫我簽個名先走得

走左先醒起fb果度寫完成左會有野送但無囉!
當晚做完所謂免費皮秒激光,又無幫我搽返面霜,做完兩邊咩感覺都無,啲斑一樣仲係度,淺都無淺色到,前後可以話係無分別!
天下間果然係無免費午餐!

續⋯
Balluno
|
全職媽媽分享美容歷程之一 斑斑篇

續⋯⋯

第四次喇!
再戰皮秒激光,今次去呢間係體驗價$12xx,好似好貴,同我之前試免費或者幾百蚊既係差得遠,我已經唔敢試啲太平既,世上果然係一分錢一分貨,約左時間,上到去地方光猛,沒有壓迫感,接待員有禮,都係坐入間房仔度填下資料,有個美容姐姐介紹咩係皮秒,佢話佢地用係755蜂巢皮秒激光機,唔單止減淡色斑、荷爾蒙斑、老人斑,仲可以打散全面黑色素,還有收細毛孔、減淡細紋、增強膠原蛋白生長⋯⋯⋯⋯講得好詳細唔似之前果幾間一開始就講價錢、講優惠。
講到咁勁,真係好想即刻入房試
等佢介紹埋啲療程計劃就可以入去喇!

入房後,有美容姐姐幫我卸妝同埋洗面,之後很快就開始幫我做療程,我感覺到今次堅架喇!唔會再俾人搵笨。
初初有啲吉吉地,去到近眼同鼻既位置就有啲痛,佢話果個位置比較敏感,有時聽到噠噠聲,打晒成面,感覺塊面㷫㷫地,就即刻幫我敷返個勁冰涼既啫喱面膜,正呀!完成後仲有幫我搽面霜眼霜同防曬,最細心就呢間。提點我之後記得每天都要搽防曬等等護理⋯⋯
最後我係俾左$5xxx 做6次呢個會員推薦新客優惠,除翻開都係8百幾蚊,仲平過體驗價$12xx一次。

續⋯⋯
Balluno
|
全職媽媽分享美容歷程之一 斑斑篇

續⋯⋯

回家照照鏡,原本深色斑位置會有幾點紅點,整塊面紅紅地,無媽媽緊嘅感覺,唔覺得乾,之前聽人講話會好乾,原來蜂巢皮秒真係唔會出現呢啲情況。
大約3天啲紅點已經退晒,我啲斑斑基本上已經淡晒,淺色斑位置無晒,我有塊深色斑就淺色左好多,照鏡時即刻覺得自己塊面好乾淨,好白淨,我個鼻啲粗大毛孔真係收細左啲,黑頭都無埋,真係好開心好開心!

最快大約一個月可以去打一次,已經打左三次感覺超好,斑已經無晒咁制,深色斑就仲有少少印係度,唔止毛孔細左,洗面果時塊面真係滑左好多,真係架!朋友見到我都問我做咩事白左塊面靚左咁多,真係好開心!
呢間美容院真心我去左幾次,只有第一次介紹打斑package,之後都係我主動問其他療程佢先介紹,一啲都唔係果啲一開始就sell ,邊做邊sell,完成又係咁sell唔俾你走,我好憎果啲唔俾人走既感覺!

續⋯⋯
Balluno
|
全職媽媽分享美容歷程之一 斑斑篇

其實我點解用咁多時間分享,係因為呢間美容院我都係其他討論區見到有人分享,膽粗粗問人介紹既先有會員推薦優惠,所以我都想分享經驗俾大家,等大家媽媽唔使好似我咁要撞下試下浪費晒啲湊仔時間又激心又嘥錢!

最後斑斑篇自己既心得就係,唔好貪平以為幾百蚊可以做到數千蚊既療程,唔使錢更加唔好試除非好多時間試下又唔怕俾人迫買野!

大家媽媽千萬唔好留言PM,我唔係賣廣告架,我只係分享呢個打斑療程經驗歷程,間間美容院都有得做架!唔需要去我果間架!

黎緊主要分享幾位媽媽做完既效果,希望各位媽媽做過打斑去斑既經驗都分享一下啦!
Balluno
|
全職媽媽分享美容歷程之一 斑斑篇

自從準備懷孕、懷孕中、產前產後、二手買賣嬰兒用品都係親子王國既Fans,係入面得到好多其他媽媽既分享、資訊,從來無諗過自己會做樓主可以分享自己既感受同經驗,因為覺得會無人睇無人回應,今次就膽粗粗試下,第一次分享竟然得到咁多回應、支持同鼓勵,好開心,好感動,仲有而家有3位媽媽已經親身體驗左呢個打斑療程,有通知返我同多謝我既分享,真係好滿足,好有成功感!
Balluno
|
全職媽媽分享美容歷程之一 斑斑篇

直至目前為止有9位媽媽去過做蜂巢皮秒激光,簡單分享返佢地事後寫俾我既感受。

第一個媽媽事後感覺如下
「去到做完D人都有禮貌,做完塊面紅紅地,D淡斑都無左D, 皮膚唔覺乾,多謝你介紹,D人真係無hard sell ,我買左6次,都唔算貴,Tks」
Balluno
|
全職媽媽分享美容歷程之一 斑斑篇

第二位媽媽既分享
「我今日去左打斑,因為我勁多斑,所以佢話我要打xx次先得,最後我買左2 sets即xx次,咁今日嘅試做就送比我!多謝你的好介紹!我感覺唔錯,淺色嘅都有D冇左,深色嘅冇辦法,要比D時間,希望做完呢xx次可以變返白浄D喇,再次多謝你的分享!」

Balluno
|
全職媽媽分享美容歷程之一 斑斑篇

第三位媽媽分享:

「只做了一次,暫時睇分別不大」

「謝謝你的介紹,做完第二次後,D班班好似淡了」
wingalex
|
Balluno 發表於 18-10-4 23:38
全職媽媽分享美容歷程之一 斑斑篇
(本篇文章只純粹個人意見分享,絕無抄襲抵毀攻擊他人、公司、產品)

想知詳細資料thx
jacky1666_hk
|
想知邊間
Balluno
|
全職媽媽分享美容歷程之一 斑斑篇

第四位媽媽分享

「係勁痛呵,我應該不是好怕痛嗰D人,平時勁M痛都忍到。我有係另一間醫美,做脫毛都無咁痛。」
「差不多,我都知做1次不會有明顯效果。D紅沙仲有少少未退。」
「D紅沙第4天全退哂了。我有日日敷mask。 D斑斑差不多,無淺色到,都估到無可能一次就見效果。」
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽