好想轉工

三五成群
|
唉!好辛苦,好想呻下!
公司來左新同事,佢好有才華,老細也非常看重佢,我的職級比佢高小小,叻人我也遇過不少,但似佢討厭就⋯⋯
這人出現卻令我吃不消,佢表面好客氣,成日話under我,我其實無咩架子,只想做好份工,況且佢有才華,我亦敬佢三分
但這人處處做小動作,成日check住我做咩,我所做的,佢一定要改甘D,成日有意無意攪D問題出來為難我⋯⋯
佢做事要做得好,一定要取得人的讚美,揚曬比人知,又話要低調,你叻過佢,佢又唔高興,立即有小動作,話你有咩唔掂。佢要話比全世界知佢好勤力,但佢交貨漫,阻住成個部門通作,攪到我好炆,但又唔敢話佢
(待續)

三五成群
|
正因老細好器重佢,我地個個唔敢出聲。
我對正佢,同佢合作,佢鬼甘慢,最嬲係佢自己野未做,成日check住我,改我D野,好無家教囉,攪到我精神壓力好大⋯⋯
我好想轉公,我知我走就中左佢詭計,佢就順利上我個位,但我無理由為左同佢鬥而犧牲自己的快樂架!大佬,佢可以唔放工日做夜做,我有家庭架!
我好唔開心呀!除左佢,公司還有其他小人,睇住你點死,好似延禧攻略甘,明明想整死佢,睇下邊個忍唔住先出手,果個就係被利用借刀殺人,我唔想係被利用果個
(待續)
三五成群
|
有D同事表面好仁慈,其實毒過毐蛇,就係為上司歡心,唉!好討厭呀!
好想轉工呀!但都要時間守候啦!
我只係上來呻下,希望無煩親大家啦!
crystal媽咪
|
三五成群 發表於 18-10-7 01:05
唉!好辛苦,好想呻下!
公司來左新同事,佢好有才華,老細也非常看重佢,我的職級比佢高小小,叻人 ...


有家庭,要走要考慮嘅嘢就多啲。
如果唔可以裸辭,就邊搵工邊做住。頂住先
cedarcone
|
我其實無咩架子,只想做好份工<就憑尼兩句便可克服一切。

唔好俾周遭既人和物影響到自己 !
否則舊人變新丁 ! 變相自我降級。
做返原本崗位我行我素 !
經驗及年資就係正能量,更勝小動作。
為自己打氣百毒不侵 !

討論區惟一就係打字安慰,
明白要親力其境才感受到滋味。
與其想轉工,倒不如幻想小人離去,
若果捱到就捱住先,自動消失唔值囉!
或者隨遇而安。加油 !





Nancy20090615
|
唉, 真係做得唔開心就邊做邊搵, 如果人工福利都係好過出便, 就繼續同佢鬥長命喇.
mw7183
|
三五成群 發表於 18-10-7 01:07
有D同事表面好仁慈,其實毒過毐蛇,就係為上司歡心,唉!好討厭呀!
好想轉工呀!但都要時間守候啦!
我只 ...

唔好傻中人計
最緊要上司唔太難頂,同事唔洗理做好本份對得住自己就夠,加油
sambebe
|
三五成群 發表於 18-10-7 01:07
有D同事表面好仁慈,其實毒過毐蛇,就係為上司歡心,唉!好討厭呀!
好想轉工呀!但都要時間守候啦!
我只 ...

好有共鳴,希望大家都睇遠少少,唔好理啲小人,我都受到夠,但係頂吓一年,頂吓又一年,小人去了又來,原來自己仲喺到,要強勢,唔好中佢計呀!
三五成群
|
多謝大家
可惜個老細都不是好人呢!不停要追求卓越,唔理員工死活。
那位同事事實上是個叻人,但又愛管人,表面仁慈,但成日珍機踩人
佢對公司有貢獻,自然老細器重啦!點會理佢人品點啫,正因爲佢某D野好強,其他野唔做都隻眼開隻眼閉,但我同佢夾要食埋佢D野,做左,老细還以爲佢做果下激氣呀!
而且有時見老細值情當我死的,一切以為佢做,如果我告狀,佢一定以為我嫉妒佢,所以一肚氣⋯⋯
做到甘無引,不如走囉
三五成群
|
早幾年前,老細叫我負責某部門,卻說將會有個勁人來,一來就唔駛我負責,心裡已經不是味兒,既然你睇唔起我,咪走囉,好啦搵到份工話請,點知新老細打去問舊老細,個舊老細竟然勁話我唔掂,結果人地唔請我,但舊老細留我,仲升職加薪⋯⋯甘我就留低
但我個心仲好唔份氣架,成日想住自己是否真係甘無用
Money.ngaiTse
|
三五成群 發表於 18-10-7 01:05
唉!好辛苦,好想呻下!
公司來左新同事,佢好有才華,老細也非常看重佢,我的職級比佢高小小,叻人 ...

我之前做得最耐嗰份工,都試過呢個情況。真係好慘。所以我好明白你嘅感受。
hungchanx
|
根本間間人多嘅公司都係一樣 唯增值下自己 或自己開公司啦
三五成群
|
Money.ngaiTse 發表於 18-11-4 09:09
我之前做得最耐嗰份工,都試過呢個情況。真係好慘。所以我好明白你嘅感受。
...

唉!原來甘多人都有此情況,在此呻下,可以釋放下!
近日我還見到一些工作經驗淺的同事,比一班老seafood欺凌,一見到個同事犯錯就咬住唔放。自己只可以心裡同情佢,但唔敢開聲
Money.ngaiTse
|
三五成群 發表於 18-11-4 14:09
唉!原來甘多人都有此情況,在此呻下,可以釋放下!
近日我還見到一些工作經驗淺的同事,比一班老seafood ...

老資格嘅會欺凌人, 係因為佢哋怕畀呢班人取代。 不過呢啲心態真係好唔啱。好差。o(︶︿︶)o
咁你依家喺公司過成點
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽