呻 (對間幼稚園無信心 唔通只能轉校...?

JlIl
|
開咗學一個月 心裏有好多結 唯有上黎呻吓
1 開學前完全無通告/通知要買校服
好彩有番學前適應班 見家長係校務處排隊先知買校服
問家長點知 原來姐/哥都係係咁 無話邊日訂校服
要自己係校務處排隊買

開學日見過真係有同學仔著便服番學 跟住家長先識買


2 適應班第一日派書包派餐具
然後老師話要帶乾巾濕巾 排洗.抹嘴
所以用具要有名 貼紙或白板筆寫

第二日老師見有細b未戒片 提家長帶褲/片
驚尿濕嘅就帶底褲仔.襪等等

第三日話女仔要著番打底褲 唔好只著底褲
真正上學日 又話要帶獨立包裝口罩 水壺
大佬 你間學校開咗幾多年學?開學帶乜唔係應該有表一次過講?
點解係一日提帶一樣咁奇怪?


3 開學後向學校查詢到校訓練 交cac份表俾校方後
我自覺被學校睇重
因為我女讀上午班 下午有私人訓練
但校方表示到校訓練係下午
咁一開始我以為係我自己調整星期幾出面/到校嘅事
點知原來學校傾向將我女由上午轉讀下午班 仲話下午班少d人
但我嘅理解係 用下午班嘅上堂時間做到校訓練
其他小朋友教書/玩果陣我女就做訓練?咁算唔算搵我女笨?
咁同上午班比 我女咪仲要慢好多?


唔講第3點 頭2點係家長谷果度都已經被其他家長話咗好耐
而家當然仲有其他問題...
我女咁特別對待 我都對間學校有d懷疑
如果咁樣 係咪只有轉校?
不過我女番學都仲好開心 番黎唱吓歌 做吓功課
完全唔知學校/老師點樣對佢
貓頭雀
|
本帖最後由 貓頭雀 於 18-10-8 00:42 編輯

第一點奇怪, 第二點不奇怪。
第三點,唔太明。


補充,點解第二點不奇怪?
1. 因為有些是常識啊,比如怕尿濕就帶後備衫褲,或帶學習褲
2. 因為隨著正式返學的時間長(過了適應期),就比較易會尿濕褲子,所以提大家
3. 裙子內要著短褲也是常識吧,點知真的有人無著唯有提下大家

貓頭雀
|
貓頭雀 發表於 18-10-8 00:36
第一點奇怪, 第二點不奇怪。
第三點,唔太明。

失去信任, 考慮轉校㕸。
因為若家長不信任, 之後學校做乜,你也覺得不順眼了。

點評
wcpcelia    發表於 18-10-8 12:16
crystal媽咪
|
邊間學校咁鬼渣??新校??
SuperChanB
|
轉校吧
SoNyPig
|
JlIl 發表於 18-10-8 00:27
開咗學一個月 心裏有好多結 唯有上黎呻吓
1 開學前完全無通告/通知要買校服
好彩有番學前適應班 見家長係校 ...

我覺得第三點,校方幾好wor, 佢有考慮過人手比例,始終一般上午人多,況且到校服務又唔係太密。唔會話影響太多。同埋到校完除左家長跟,老師了解過後有時想follow 得好d, 當然要揀係多空檔時間,呢個我反而幾like 學校做法(不過你話下午想再加出外訓練另計)。 另外唔講訂校服混亂,其他安排可接受,家長唔係一時間記到哂咁多樣,佢分段講我又覺得ok~開學我覺得太繁忙,如果校方一次過講哂我個人覺得仲好難搞添。
JlIl
|
貓頭雀 發表於 18-10-8 00:38
失去信任, 考慮轉校㕸。
因為若家長不信任, 之後學校做乜,你也覺得不順眼了。

家長谷20人 我無講話轉
但提出話想轉/後悔入呢間 早知揀附近嘅有5人

JlIl
|
SoNyPig 發表於 18-10-8 01:18
我覺得第三點,校方幾好wor, 佢有考慮過人手比例,始終一般上午人多,況且到校服務又唔係太密。唔會話影響 ...

哦...可能我未了解佢到校時間同次數

同谷家長大多傾向學校出一張通告
列明要帶1-10咁樣好d 訂校服真係暈咗


pm1202
|
睇1、2,行政方面似乎可以好d
流星花丸
|
如果阿女有需要照顧多啲,下午班如果少啲人,對佢係好事
cholewong29
|
間間學校都有問題,睇你緊張邊樣。我最緊要老師質素,個囡返得開心。

睇落似行政問題,你應該同學校反映下,無改善先算
goldpiglet
|
什麼是到校服務/到校訓練?
smiletigger
|
唔知小朋友係唔係N班定K1? 我又覺得幼稚園可能係一般邨校,唔係大連所店,行政未必好有規模果d. 不過我又唔覺得差,我估幼稚園一向行街坊親民風格。
幼稚園本身唔太緊校服,未買就著自己衫佢唔介意,校服校務處買到,,又或校服公司都可以自由買,佢覺得唔通知都ok。
第二点,之前小朋友讀幼稚園時,老師已有講,會嘗試唔出通知,主要想小朋友自己記得同家長講要帶咩、用咩,所以盡量由小朋友自己處理(當然,都要睇帶漏帶錯幾多老師先通知家長)
第三個point, 其實我唔太明訓練咩。不過,幼稚園階段,特殊訓練点都重要過上堂。幼稚園階段,我唔太睇正式主題。
iamyiten
|
JlIl 發表於 18-10-8 00:27
開咗學一個月 心裏有好多結 唯有上黎呻吓
1 開學前完全無通告/通知要買校服
好彩有番學前適應班 見家長係校 ...

到校服務一星期一次左右每次大約45分鐘
言語可能隔週先有。
老師應該在小朋友玩既時候先抽小朋友去上,所以不用大擔心。
chillimom
|
JlIl 發表於 18-10-8 01:34
哦...可能我未了解佢到校時間同次數

同谷家長大多傾向學校出一張通告

家長當自己消費者,咁難服侍?!我覺得1、2點都係好小事。第三點唔識
sunnymama2
|
其實第三點幾好 方便家長和學校。

下午班少人d,跟都跟得好d。

至於買校服,係亂左d 但學校又冇話家長或小朋友,就由佢啦。
tester5
|
本帖最後由 tester5 於 18-10-8 07:15 編輯
JlIl 發表於 18-10-8 00:27
開咗學一個月 心裏有好多結 唯有上黎呻吓
1 開學前完全無通告/通知要買校服
好彩有番學前適應班 見家長係校 ...

返左學1-2個月,大人小朋友都要適應,覺得咩都有問題係好正常,因為你未適應。媽媽是太早下定論了,我覺得可以比d時間,最小半年至1年。慢慢感受下學校的教法是否真的不適合小朋友才轉也未遲。
而且轉也要找學校,唔係咁易搵到另一間,媽媽可以搵下先做下準備功夫,轉唔轉可以慢慢唸。
mandy952
|
JlIl 發表於 18-10-8 00:27
開咗學一個月 心裏有好多結 唯有上黎呻吓
1 開學前完全無通告/通知要買校服
好彩有番學前適應班 見家長係校 ...

咁就轉校?前提係要搵到先好走囉
Dragonmama2012
|
本帖最後由 Dragonmama2012 於 18-10-8 07:24 編輯

校方可以做得更好同你反問一下學校點解要考慮女轉下午班。

我反而安排細嗰個讀下午班,因為下午班人數少啲,關顧得好啲,我大嗰個讀上午班每班比下午班多幾個人,老師工作日日衝鋒陷陣咁。

最緊要你女返得開心,轉左之後如果返得無咁開心,又係另一種煩惱

myaisha0435
|
JlIl 發表於 18-10-8 00:27
開咗學一個月 心裏有好多結 唯有上黎呻吓
1 開學前完全無通告/通知要買校服
好彩有番學前適應班 見家長係校 ...

本帖最後由 myaisha0435 於 18-10-8 07:36 編輯

關於第一點...我大女係轉校生...到現在都未有校服..

全班得佢一個日日便服....我冇咩所謂

關於第二, 我兩個細路學校都係錦.....正常的

關於第三,我細仔k1, 除左在校訓練, 我有另外去私人上訓練,

私人訓練是在他上課時間向學校請兩個鍾假去做....

冇咩特別會跟唔上, 唔洗太擔心

一般訓練都會在小朋友上課其間做,

因為訓練老師需要同幼稚園老師溝通教幼稚園老師點去幫你小朋友,

同時訓練的老師也需要觀察小朋友上課的狀況調整訓練...

所以轉下午班對小朋友來說是最有利的選擇...

我仔語言訓練最近進展良好, 下星期開始由平日跟老師的模擬對話要做下一階段實戰了,

就是小朋友正常上課, 老師在旁邊教小朋友怎去跟小朋友對答, 怎加入其他小朋友中一起玩,

所以...訓練要在上課時間做是有原因,

因為一步一步下去, 最終佢係需要其他同學成為幫助訓練...

我覺得你誤會左學校....
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽