婆媳關係 今日: 0 | 主題: 27693

積分: 595

3^#

發表於 18-10-9 06:26 |只看該作者

Solarflare 發表於 18-10-9 01:07
交bb比99湊, 如果99唔識做, 好有可能會加劇同你搶B (因為佢開始主力湊...就會覺得個b自已生咁)

BB一定會 ...

我係好想自己湊，都出過聲同老公講，但始終經濟問題都要番工，99依家都搶住曬，我好擔心之後嘅日子
講真生左佢出黎，我好想陪佢成長果個係我，做唔到我已經好唔開心，見到99咁爭法，我重難受

私人傳訊

wingwing2009

積分: 2807

4^#

發表於 18-10-9 08:24 |只看該作者

夜晚係你陪BB訓嗎？若係，BB一定會痴你多d！我大囝係跟工人同房，結果一有事就搵工人（因工人日夜湊佢，後黎我覺得唔對路就放工返黎主力帶佢去街行下，暗佢訓。之後開始痴得我好緊要。生細囡時夜晚Bb跟我同房，結果一見我放工回來就第一時間要我抱（連洗手先抱都喊到拆天）所以邊個照顧夜晚係重點！

私人傳訊

Solarflare

男爵府

積分: 7514

5^#

發表於 18-10-9 08:25 |只看該作者

snake729 發表於 18-10-9 06:26
我係好想自己湊，都出過聲同老公講，但始終經濟問題都要番工，99依家都搶住曬，我好擔心之後嘅日子
講真生 ...

搶b呢個問題好易引起婆媳大戰。
男人好多時唔會明白, 因父親對個b既佔有欲無女人咁強 (女人才是十月懷胎辛苦生b果個) 。同埋有阿媽湊, 男人落得清閒, 更加唔會幫你。霸住個b=辛苦係男人既左右銘。

但如果到時真係要搶b。你老公出手會比你出手好, 因為你出手就是衰新抱, 你老公永遠是他仔。

但我assume你地同奶奶係分開住? 諗住夜晚番99度食埋飯開湊走個b係唔係?
咁weekend你地都可留係自已屋企有親子時間。

致於平日, 最好是自已老公出聲... 新抱出手只會被99誤會。
最好同老公講, 你唔係針對奶奶。就算係英女皇湊我個B, 我都會需要親子時間。如果你不幫我爭取, 我唯有自已爭取。到時我地婆媳不如你有排搞。

私人傳訊

namnamnamlolo

珍珠宮

積分: 40957

6^#

發表於 18-10-9 08:45 |只看該作者

回覆樓主:

有得揀就工人湊
我仔好間中俾99湊
已經話最鍾意嫲嫲
因為老人家縱孫就緊架啦
做人媽咪要教
點都會嚴d
所以點都搶唔到囝囝心中既第一位
但會好hurt囉

私人傳訊

積分: 595

7^#

發表於 18-10-9 09:22 |只看該作者

wingwing2009 發表於 18-10-9 08:24
夜晚係你陪BB訓嗎？若係，BB一定會痴你多d！我大囝係跟工人同房，結果一有事就搵工人（因工人日夜湊佢，後 ...

係呀夜晚跟我訓，我開始覺得我收工接觸順b得4個中，夜晚佢訓左，見99時間又長，慢慢我就唔重要，如果好似你咁講就好

私人傳訊

積分: 595

8^#

發表於 18-10-9 09:27 |只看該作者

Solarflare 發表於 18-10-9 08:25
搶b呢個問題好易引起婆媳大戰。
男人好多時唔會明白, 因父親對個b既佔有欲無女人咁強 (女人才是十月懷胎辛 ...

我依家就係唔想關係變差，所以好多野唔出聲，叫老公出聲99會易接受d，因為我試過好聲好氣講，99好似聽唔入耳，太有自己諗法

你講得好岩，我老公覺得佢媽係幫我手，佢一直咁同我講，因為係99同我坐月，直到佢唔俾我掂b，老公都唔覺有問題，再不斷講先叫我唔好諗咁多，我一直講我咁辛苦生出黎就俾左人咁好唔開心，我已經無得自己湊，到底我係呀媽定佢係呀媽，成日同我爭

私人傳訊

積分: 595

9^#

發表於 18-10-9 09:28 |只看該作者

namnamnamlolo 發表於 18-10-9 08:45
有得揀就工人湊
我仔好間中俾99湊
已經話最鍾意嫲嫲

請工人就無可能啦

私人傳訊

hkbusfan

積分: 1406

10^#

發表於 18-10-9 10:01 |只看該作者

snake729 發表於 18-10-9 09:27
我依家就係唔想關係變差，所以好多野唔出聲，叫老公出聲99會易接受d，因為我試過好聲好氣講，99好似聽唔入 ...

你既心情我100%明白, 仲要我99搬埋嚟同我哋住, 真正24小時可以同BB 一齊
有時見佢哄BB, 對BB 嗰種熱情, 雖然知道佢係好鍚BB, 但唔識講, 會有啲不是味兒
我都係放工返屋企到瞓覺之前嗰5個鐘左右可以自己湊返
其餘時間都係交俾99喇
冇辦法, 兩公婆都要返工就係咁

男人真係咁架~ 我老公都唔明我嘈乜, 話99 辭咗份工又搬埋過嚟湊BB, 係好大犧牲, 咁我唔否認, 都好感激佢
佢唔明點解有人幫仲要呻, 有99 哄BB 我可以去休息乜唔好咩?!
但我寧願休息少啲都想擠多啲時間對住BB
媽咪就係想BB 同自己最親, 如果BB 同嫲嫲親啲始終會唔好受

聽好多人講BB 始終會知道邊個先係媽咪, 大大下就自然會痴返媽咪喎
唯有咁樣安慰自己

私人傳訊

粟米沙律

積分: 3647

11^#

發表於 18-10-9 10:49 |只看該作者

你預左三日唔埋兩日, 99就有借口叫你唔好湊B返屋企. 要留係佢度過夜
借口不外乎話要你休息, 要佢仔休息之類
通常男人會覺得, 幾好喎, 有人幫手, 唔洗煩
呢個時候, 你一定一定要企硬, 要之前同老公講定, 叫佢唔好出聲.
如果講唔掂佢. 大喊都要. 你老公先會知道個嚴重性.
生完個B, 日頭已經唔係自己湊, 夜晚仲要因為聽99話而同阿B分開. 不如唔好生.

私人傳訊

積分: 595

12^#

發表於 18-10-9 11:18 |只看該作者

hkbusfan 發表於 18-10-9 10:01
你既心情我100%明白, 仲要我99搬埋嚟同我哋住, 真正24小時可以同BB 一齊
有時見佢哄BB, 對BB 嗰種熱情, 雖 ...

同99住真係好辛苦
坐月時佢過左黎住，我未適應3人生活就要適應4人生活，之後重要成日搵藉口唔走，真係大崩潰

無錯，寧願無休息辛苦d都自己湊
因為我細個呀嫲湊，我痴呀嫲，諗番其實呀媽好傷心，我細個佢有講過說話俾我聽，叫我搵呀嫲

私人傳訊

積分: 595

13^#

發表於 18-10-9 11:20 |只看該作者

粟米沙律發表於 18-10-9 10:49
你預左三日唔埋兩日, 99就有借口叫你唔好湊B返屋企. 要留係佢度過夜
借口不外乎話要你休息, 要佢仔休息之類 ...

佢有講過叫我星期五先湊番，我果時即刻話咁樣你地會好辛苦
而且佢地屋企唔太岩湊過夜，所以我唔會屈服

私人傳訊

Solarflare

男爵府

積分: 7514

14^#

發表於 18-10-9 11:30 |只看該作者

粟米沙律發表於 18-10-9 10:49
你預左三日唔埋兩日, 99就有借口叫你唔好湊B返屋企. 要留係佢度過夜
借口不外乎話要你休息, 要佢仔休息之類 ...

無錯。我老公都係。
未到我大炒大鬧話要同佢同歸於盡果日, 佢都當我發up瘋。
正正常常咁同啲男人講係唔得既。
男人有得舒服佢當然要舒服, 唔想湊。你要佢知道, 你無左同個b既親子時間, 你都唔會比佢好過。之後佢就會識得兩害取其輕, 幫你爭番個b番黎。

私人傳訊

hkbusfan

積分: 1406

15^#

發表於 18-10-9 11:36 |只看該作者

snake729 發表於 18-10-9 11:18
同99住真係好辛苦
坐月時佢過左黎住，我未適應3人生活就要適應4人生活，之後重要成日搵藉口唔走，真 ...

同99 住呢個都係問題, 佢對你幾好都好, 始終你都唔會可以好似以前咁自在, 鍾意喺自己屋企做乜都得
生活上要磨合, 加上因為湊B 真係衍生好多矛盾, 老公又未必咁體諒你作為新手媽咪對照顧BB 既執著
你講得啱, 真係大崩潰

有時候放工返到屋企, 99就話 "BB 今日自己試轉身呀", "BB 識得自己用腳錫個波波呀" 等等等等
佢講得好興奮, 見證BB 好多特別既時刻, 而我都只係可以聽佢講, 錯過親眼見證同親身參與既機會
呢啲位都眼淚在心裏流

私人傳訊