hugoma2015 發表於 18-10-22 23:17
我系一個隱藏得好深的蕭公子粉,我都想講蕭公子當時無北上發展,真係好可惜!當時唐人的老闆娘親自同TBB要 ...
我地撐到隻艇好遠,不過都要講,講開又講,而家好多觀眾都好buy果種歇斯底里嘅表演方法,只要演員唔係大喊大叫,冇大打出手,情緒冇大上大落就係唔好,但有演技唔係要流於表面,果種丁蟹式發顛係要用嚟演顛人,所以丁蟹至成經典,方進生係富裕人家有學識有理想有品行,佢唔會發顛式去表現自己感情,直至佢俾丁蟹打到顛咗。
不過每個人都有自己喜好,我就比較要求配合角式嘅演技,宗主要隱忍,佢有感情但不能於人前流露,唔係面癱囉,佢對眼嘅感情流露唔係果種死魚眼冇感情。近期霍建華、周迅都俾人不斷鬧,話霍乾隆唔深情、衰格、咸濕、要面,咁佢個角色就係要佢演到咁,而家佢演到啦,又俾人話冇演技!周迅嘅如懿就係唔爭、不屑爭,佢忍耐、淡然處之,又俾人嘈佢蠢、唔化,有冇聽過周迅同導演點樣講如懿呢個角色?如果聽到的話,周迅完全係演得洽如其份。
花旗太太生活在花旗國,留意時差,你問我未必即時答到。