該如何應對...

C.yan110
|
由我第一次拍拖時去老公屋企, 第一眼見到佢媽(即家下99), 已覺得佢係一個超級麻煩既女人(唔知大家信唔信, 真係有樣睇~), 不出所料, 佢唔單止煩, 仲好現實!!! 我同老公計劃結婚, 佢已經問個仔結左婚比幾錢家用佢... 同過佢幾次食飯, 次次都話係咪阿仔比錢... 買左D咩, 又左問右問D野幾錢... 總之我見佢每一次, 佢口中都必定會提到錢... 我真係聽到都覺得好反感好煩!!!~~

我同老公係最近新婚既, 當然佢父母係一D錢都冇出過啦! 咁我覺得都無咩問題既, 但婚後99指責我地買咁多紅酒(我地只係預每枱2支, 男家親戚有人鍾意飲紅酒的, 最後剩左10支左右), 我地只係唔想人地高高興興黎, 唔想人地想飲無得飲而覺得掃興啫, 同埋重點係我地比錢, 佢咁都要話我地!! 同埋佢明知我地剛先結完婚用左好多錢, 佢偏偏仲要係呢個時候問個仔攞錢整屋... =.=" 間屋既問題以前都已經係度, 佢早唔問遲唔問, 係要係呢個時候問, 我老公計過數覺得我地唔係好夠錢, 所以就婉拒左99, 咁99就即刻發難話對個仔好失望呀, 講到個仔結左婚搬左出去就唔理原先屋企點... 唉, 個問題係時間上... 我地呢刻真係元氣大傷無錢, 老實同佢講, 佢唔理解仲要咁話我老公, 搞到佢都好唔開心... 結婚原先係開心事黎, 但我地都開心唔到!!... BTW, 我同老公好好無問題既, 係身邊太多事令我地心情唔好.
anyuser18
|
個阿媽都唔識做人阿媽
個仔一結婚就玩嘢
即係推個仔走!!!
自己仔都唔體諒吓
咪話個仔同新抱唔想睬佢,真係自己攞嚟!
點評
JD930    發表於 18-10-23 11:03
HappyBlueberrie
|
本身你老公同佢媽關係好唔好架?
啱啱結完婚真係元氣大傷,
要慢慢先儲得返舊錢,
你99應該要體諒囉,
下下講錢,真係百行以錢為先
新婚無謂為你99故意做出來嘅"問題"煩,
好好享受2人世界

P.S. 唔洗一齊住已經好好
MeowMuiMui123
|
由佢。自己推走個仔。
氹多d老公。令佢開心d。
瑤瑤~
|
我明你而家一定會好難受, 但放心啦, 將來你回望返呢段往事, 你會覺得好慶幸佢地做d咁既野出黎
因為有呢d事發生, 你c6只會對佢地越來越反感/抗拒, 而你只需要做好本份, 同老公互相扶持, 一齊捱過呢d困境, 你老公會更加擺你0係第一位, 到時就有好日子過
我覺得男家衰唔緊要架, 最緊要係衰到出面, 一黎你有得提防佢, 二黎你老公都無得呃自己話老婆你太敏感諗多左啦, 佢都已經搵唔到藉口去維護佢d屋企人了
我都係過來人, 有一班好衰既男家親戚, 但我結婚多年, 已經捱過左最難受既時間, 現在同老公感情好好, 回望過去真係好多謝男家親戚對我咁差, 我今日點樣對返佢地我都唔會覺得唔好意思
C.yan110
|
HappyBlueberrie 發表於 18-10-12 19:37
本身你老公同佢媽關係好唔好架?
啱啱結完婚真係元氣大傷,
要慢慢先儲得返舊錢,

我老公本身係孝順仔黎, 思想比較簡單, 同屋企人關係都幾好既. 同佢拍拖時佢會講下屋企野我知, 個時已經聽到佢話如果佢公司出左bonus比佢(佢人太單純, 阿媽問乜都好如實咁答), 佢媽會係咁問佢出左幾多錢, 跟住就叫佢比起碼一半出黎... 我聽到O左咀... 我覺得個仔出黎做野無耐, 佢都需要儲下錢為自己將來打算下架... 邊會有個阿媽咁樣炸自己個仔架? 講明要個仔比一半bonus佢... 咁我覺得出左bonus, 個個月比家用大份些少係應該既... 但唔係咁樣叫人地一定要比多出黎咁囉!...
之後開始有見下佢屋企人, 但每一次我係佢媽(家下99)口中聽得最多就係個"錢"字... 真心聽得多覺得好煩好討厭!!! 但我知道點都好, 為左老公, 唔想佢難做人, 我要習慣同扮聽唔到... JM講得岩, 好彩佢屋企細人多, 唔可以容納到我搬去住, 如果一齊住真係一定唔會有好結果... 家下耐唔耐先見下, 我仲可以頂得到!

HappyBlueberrie
|
C.yan110 發表於 18-10-15 10:42
我老公本身係孝順仔黎, 思想比較簡單, 同屋企人關係都幾好既. 同佢拍拖時佢會講下屋企野我知, 個時已經聽 ...

好多阿媽要求仔女出來做野時比一半家用
目的在於喺親戚朋友面前要威
有d仔女孝順嘅會順佢地意
有d就比較著重自己將來結婚買樓用,比唔到太多家用
做女朋友就好難管呢d野
但而家做左老婆就要管下老公
唔係話阿媽要幾多就比幾多
除非你同老公財政完全獨立
否則第時生b供書教學d錢從何來?
唔通問返99拎咩
從來都係有錢旁身最穩陣


newspaperhang
|
好簡單,如果樓主你有返工,問你d 野幾錢你咪話「有限錢,搵得黎洗得去」
C.yan110
|
HappyBlueberrie 發表於 18-10-15 19:09
好多阿媽要求仔女出來做野時比一半家用
目的在於喺親戚朋友面前要威
有d仔女孝順嘅會順佢地意

絕對認同你講既野~

我都同我老公講話唔係教佢講大話, 但有時做人點都要少少保留, 唔係個阿媽叫你點就點, 做人要有獨立思想, 有D野太過份既係要適時拒絕既!! 所以之後話要整屋單野, 我老公終於識拒絕了. 當然能力許可, 比D出黎有咩所謂, 但家下我地又唔係搵得多錢嘛, 結婚個度都未回氣... 我老公都承認99一講到"錢"就真係好唔掂~~

C.yan110
|
各位JM, 我真係一波未平一波又起...

話說我老公二姑媽嫁女, 佢地一家係住加拿大個邊, 因香港都多親友, 所以下月就返黎擺酒, 咁個日係平日同埋我老公應該要OT(公司做緊大PROJECT), 咁所以我老公就覆話應該去唔到(但當然人情照比)... 好啦, 以為事情就咁完... 點知早2日, 老公個大姑媽走去同62講話覺得我地離曬譜, 人地咁遠返黎擺酒, 我地竟然唔去!!!! 話我地不知所謂... 疑於62同大姑媽關係一向幾好, 加上99又冇啦啦彈句話, 其實你(我老公)去唔到, 你老婆(我)都要去, 你地要搵人做代表去, 你老婆(我)咁唔識人情世故... ... 唉, 咁情況下就被迫一定要去...

個問題係點解要咁講野同迫人去呢? 人地二姑媽主人家都冇出聲, 阿大姑媽你出咩聲呢????... 講真, 我同老公新婚, 佢邊個親戚打邊個親戚都未分得清... 要我自己去, 我真係唔知做咩...
Evildada
|
C.yan110 發表於 18-10-22 11:54
各位JM, 我真係一波未平一波又起...

話說我老公二姑媽嫁女, 佢地一家係住加拿大個邊, 因香港都多親友, 所 ...

不如你果日都OT啦,免除不必要麻煩
C.yan110
|
回覆 Evildada 的帖子

無啦, 男家落左ORDER我一定要去!
咁我同屋企人講, 佢地都話我5岩, 就算老公去5到, 我都一定要去~~
家下知道了, 無論點男家要我做咩我都要做... 係我5岩...

點評
JD930    發表於 18-10-23 11:04
anyuser18
|
C.yan110 發表於 18-10-22 17:05
回覆 Evildada 的帖子

無啦, 男家落左ORDER我一定要去!

本帖最後由 anyuser18 於 18-10-22 17:17 編輯

你屋企講乜你參考好啦!
擺明做箭豬梗唔好單拖去
佢講乜咪由佢講
返工大哂㗎
唔通你無咗份工佢哋養你?
一於企硬,公司ot,唔去
但態度可以平和,話唔好意思推唔到公司啲job
不過以上由老公回
你唔好出面唔好出聲

你家唔撐你,以後對自己的家都唔好咁老/腦實嘞
C.yan110
|
回覆 anyuser18 的帖子

嗯, 其實由頭到尾都係C6同佢男家個邊溝通, 我冇出過聲...

最煩係男家個邊大家族, D阿姨鍾意搞活動, 我覺得老一輩鐘意無所謂, 但5好硬性要我地呢一輩既人一定要參與囉!
大時大節當然無可口非, 但聖誕節佢地搞PARTY都要我地一定要去, 咁我會覺得佢地咁樣係咪有D過份呢???...

anyuser18
|
C.yan110 發表於 18-10-22 17:39
回覆 anyuser18 的帖子

嗯, 其實由頭到尾都係C6同佢男家個邊溝通, 我冇出過聲...

本帖最後由 anyuser18 於 18-10-22 19:33 編輯

咁佢哋有佢哋文化,不能要佢哋改變。最緊要你老公態度係點,預咗都有磨合期。人無一樣,家族都款款不同。你覺得過份時,佢哋亦覺得你過份,佢哋又人多勢眾。所以最緊要自己企定,同老公一致啦,真係做唔到就要搵方法卸,唔係點捱
ml628
|
C.yan110 發表於 18-10-22 11:54
各位JM, 我真係一波未平一波又起...

話說我老公二姑媽嫁女, 佢地一家係住加拿大個邊, 因香港都多親友, 所 ...

二姑媽嫁女,好親架喎,唔去。。。講唔通喎
mayman1
|
如我C6不去 , 我一定不會出現 , 我有我自由 , 你99採取不接電話就可以聯啦( 我自己真是這樣 ) ,費事講金 多 .
Miss.Hui
|
C.yan110 發表於 18-10-22 17:39
回覆 anyuser18 的帖子

嗯, 其實由頭到尾都係C6同佢男家個邊溝通, 我冇出過聲...

都明白,明明好地地新婚都想開開心心
但無奈地,成班男家親戚真係唔多識做
想多人去就擺星期日啦
擺平日就係咁架啦
如果你老公去唔到,你一定唔好去
啲說話多到溶左你都唔知咩事!
C.yan110
|
ml628 發表於 18-10-22 21:08
二姑媽嫁女,好親架喎,唔去。。。講唔通喎

家下知道了...
就算全部D人我5識都要去嘛...

C.yan110
|
回覆 Miss.Hui 的帖子

無得我選擇5去...
6299落左ORDER一定要去, 我老公去5到我點都要到...
佢D親戚搞活動都係, 一定要到...

學有D JM講, 我只可以跟, 因為我嫁左入去... 好多野5到你願5願意, 鍾意5鍾意...
但我真係好需要時間去適應佢地既模式...

謝謝各位JM既留言同意見!!

Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽