呻:同阿媽有個心結解唔開 

hykeee
|
阿媽表面上好錫我,但其實我知佢想過落左我,係果陣己經落唔到,佢自己講既,之後生左就覺得我阻住佢,當然而家佢否認啦,我都表現得好好無令佢失望,因為我知唔係咁佢就唔會錫我人前人後都母慈女孝咁,原來心底始終忘記唔到
nikfan
|
hykeee 發表於 18-10-12 13:10
阿媽表面上好錫我,但其實我知佢想過落左我,係果陣己經落唔到,佢自己講既,之後生左就覺得我阻住佢,當然 ...

你個結,好小事wor

有你嘅時候,可能本身好傍侊,驚自己處理唔到,俾唔到最好嘅野你,有咁唸過亦唔難理解


正如D人話生舊义燒,好過生你咁
叮妹
|
本帖最後由 叮妹 於 18-10-12 13:38 編輯

我都試過比大家有機會和好,但永遠衹系好一短時間我又吾好佢又吾妥我鬧交收場、近年唯有吾見至好D,一年和氣地傾兩次電話
lovelywww
|
回覆 hykeee 的帖子

生育到照顧要考慮好多野
最重要係你媽媽選擇養大你
仲介懷做咩?人生不如意事十常八九
無話可說
|
算啦,我媽都講到明生我出黎係為求唔使返工呀,咁又可以點 佢要扮野就扮到夠,唔好影響我生活就算
叮妹
|
佢亦都講明我女結婚吾洗請佢,有成日話內孫買金外孫吾會買
seaman1982
|
勁小事,果時我老豆同阿嫲都想落左我。
我一點也不放在心上,只係有時閒話家常佢地有時會提。當時佢地有當時既考慮,我覺得咁都嬲好小氣
Ashleycorina
|
佢可能只係一秒咁想,但佢最後都生左你,事實係佢生左你,仲做左你媽媽係咪?
你唔好怪佢啦,再唔開心下去,你們只會嘥時間去唔開心㗎。不如開開心心生活。

我第一次大肚,我身體有問題,剛好生活又好大變化,我都係人,我都有情緒,我都擔心自己無能力做好媽媽,所以有一秒都想過唔要。最後我有生,仲放棄份工做FTM。我曾經有試過guilty 自己咁想,老公話事實證明,你生左佢全心照顧佢,就好夠,以前點諗係d乜
TingTing
|
算啦!人生就係恩怨愛恨㗎啦,退一步,海濶天空,隨心隨緣吧~
點評
wcpcelia    發表於 18-10-12 14:58
叮妹
|
無話可說 發表於 18-10-12 13:38
算啦,我媽都講到明生我出黎係為求唔使返工呀,咁又可以點 佢要扮野就扮到夠,唔好影響我生活就 ...

本帖最後由 叮妹 於 18-10-12 13:45 編輯

我老帽又系隻字不提佢因打麻雀勾佬走佬,佢果邊D親友衹會話我冇情義<勾佬仲吾止一個,系兩個,我讀幼稚園時帶番來偷情,佢著咩色底褲我仲記得、我呀爸好林吾敢出聲,她成日晚上以為我訓左就同我老豆講數、又成日話要分開我同細佬去保良局果D,果屎我成日偷喊,叫自己要做個好孩子呀媽至要我
PonyoBB
|
一個女人想落咗親生骨肉,一定有重大原因,多數喺經濟或婚姻問題,斷估唔會你未出世已經討厭你,嘗試了解下媽媽當時點解想咁做。

佢生咗你出嚟,無虐待你又對你唔錯,你又何必為咗佢當刻嘅一個念頭唔開心呢。
Poyau
|
䆁懷放下
jumphigh
|
佢唔想要嘅係一個未出世嘅bb, 嗰個bb同而家嘅你 其實係兩樣嘢。 唔知點講你可以明, 當時係佢肚入面嘅bb嘅意義只係佢嘅孩子, 一日未出世嗰個都唔係真正嘅你, 由你出世開始你媽媽 照顧你錫你真心愛你, 佢就已經做咗媽媽嘅本份, 冇對你唔住。
正正因為由你出世開始你媽媽愛你錫你, 你都應該同樣愛佢錫佢, 唔應該再去 纏繞住 你未出世前嘅事, 希望你會諗得通
hykeee
|
回覆 PonyoBB 的帖子

你好聰明,不過係婚姻同經濟雙重失敗下養大既仔女受幾多氣你又知唔知,總之係我欠左佢咁,有段時間我諗過去保良局可能仲好,你諗下一個細路仔咁諗係幾咁絕望。
cara.mak
|
你既心結會否小題大造左。 你都識講你媽錫你,咁就夠啦。
hykeee
|
回覆 叮妹 的帖子

我直情係聽你唔乖就唔要你大,到而家佢都係咁同d孫講,唔乖就丟你出街,唔錫你,所以我都唔俾佢地單獨見咁多
Lopopo
|
hykeee 發表於 18-10-12 13:10
阿媽表面上好錫我,但其實我知佢想過落左我,係果陣己經落唔到,佢自己講既,之後生左就覺得我阻住佢,當然 ...

表面上、行動上錫你
即係打從心底愛你

曾經想過落你,但你而家都長大成人,曾經想過只係當時一個念頭。

hykeee
|
回覆 seaman1982 的帖子

竟然係閒話家常
PonyoBB
|
hykeee 發表於 18-10-12 13:54
回覆 PonyoBB 的帖子

你好聰明,不過係婚姻同經濟雙重失敗下養大既仔女受幾多氣你又知唔知,總之係我欠左 ...

想像到呀,小朋友喺咁負面嘅環境長大係好影響,又好無辜,不過你媽媽當時承受嘅壓力都好大,唔識宣洩又無助先會咁對你地。事情都過咗咁耐,你要讓自己喺唔開心既童年走返出嚟先,慢慢就可以放低對佢嘅怨恨。
無話可說
|
叮妹 發表於 18-10-12 13:44
本帖最後由 叮妹 於 18-10-12 13:45 編輯

我老帽又系隻字不提佢因打麻雀勾佬走佬,佢果邊D親友衹會話我 ...

嘩,好恐怖!我媽未衰到咁,不過生完都係唔湊唔理,又唔返工,咩都要阿爸做,阿爸唔想我地單親所以強忍!最後係心臟病發,鬱鬱而終
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽