心煩,求意見或開解!

capricornbb
|
本以為嫁孝順仔係好正路,但有咗自己小朋友後(8年),大家事業忙,顧小朋友健康,學業在我身上,但佢有時間就成日返阿媽度,我想佢放多d時間心思喺我哋呢頭家。

呢幾年,感情一日淡過一日,家嘈屋閉,幾乎日日都唔開心,求開解。
lojo11
|
佢完全無幫手?返去睇呀媽有幾密?
lojo11
|
我主力照顧仔學業,健康就兩個都緊張。依家仔大,99有病,都係我主力搵社工、日間中心等等!每次同日間中心溝通都係我做,有時我都會話你叫得我做,點解你唔打出黎send 比人呢?咁我又唔會唔開心,c6做野比我忙好多,大家分擔下!
capricornbb
|
lojo11 發表於 18-10-13 02:05
佢完全無幫手?返去睇呀媽有幾密?
放假都有幫送小朋友出入和帶佢去玩吓嘅,但大多時間都貢上去阿媽度坐,一星期最少一至兩次
lojo11
|
capricornbb 發表於 18-10-13 02:20
放假都有幫送小朋友出入和帶佢去玩吓嘅,但大多時間都貢上去阿媽度坐,一星期最少一至兩次
...

咁都唔算唔理自己頭家!咁其實你心目中嘅要求係點?邊方面你想佢做好d?一星期返99到一、兩次好過同住呀!我同住,我見99多過我c6見佢呀媽!
capricornbb
|
lojo11 發表於 18-10-13 02:30
咁都唔算唔理自己頭家!咁其實你心目中嘅要求係點?邊方面你想佢做好d?一星期返99到一、兩次好過同住呀! ...
我想我哋一家三口多d一齊嘅活動,唔係一得閒就返佢阿媽度,我自己都有"外家",但唔會好似佢咁,亦無可能成日返
lojo11
|
capricornbb 發表於 18-10-13 02:35
我想我哋一家三口多d一齊嘅活動,唔係一得閒就返佢阿媽度,我自己都有"外家",但唔會好似佢咁,亦無可能成 ...

C6唔願同你及小朋友去玩下?其實我仔細時好少一家三口去玩,唔係完全無,8成我c6帶仔去玩(海洋公園、公園),我比較懶同無耐性,又怕迫,性格問題!同c6傾下,大家共識下!
capricornbb
|
本帖最後由 capricornbb 於 18-10-13 02:49 編輯
lojo11 發表於 18-10-13 02:40
C6唔願同你及小朋友去玩下?其實我仔細時好少一家三口去玩,唔係完全無,8成我c6帶仔去玩(海洋公園、公園 ...

謝謝您的開解,是,多數佢帶小朋友去運動一星期最多一次,或海洋公園(一年一次),廸士尼或公園就我帶多,我和他有時星期六或日都要工作,如放假我都想休息,也想一家三口多些一齊活動
lojo11
|
capricornbb 發表於 18-10-13 02:46
謝謝您的開解,是,多數佢帶小朋友去運動一星期最多一次,或海洋公園(一年一次),廸士尼或公園就我帶多, ...

咁你同佢傾下,有時一家三口出動,有時各自帶!我c6主要負責同仔玩,學校活動、功課唔睇、帶出有入就我做。依家仔大,c6就會同仔傾計多,我就同仔玩無聊野多,同埋睇下99嘅野點安排。唔同時期大家分配下,小朋友好快大的。努力呀,兩公婆感情好,先可以比到最大幸福小朋友。
capricornbb
|
lojo11 發表於 18-10-13 02:51
咁你同佢傾下,有時一家三口出動,有時各自帶!我c6主要負責同仔玩,學校活動、功課唔睇、帶出有入就我做 ...
謝謝您,我都心痛最近呢幾個月吵架,影響埋個女,個女試過話: 如果知道您哋咁,我寧願唔出世呀,我好心噏
cedarcone
|
本帖最後由 cedarcone 於 18-10-13 03:22 編輯

話明孝順仔必然用於阿媽度,正常。
優良性格之一,大有機會遺傳俾小朋友,
等於將會同樣孝順你,就算冇100%都有90%已幸福。

唔好聽就叫冷落咗家庭,好聽就叫對你有信心照顧小孩。
好處係一人辦事冇人干涉,否則意見多多容易有磨擦!

話雖如此,一星期返媽度一至兩次唔算多,
大家商討下去分配時間囉!
加油!




lojo11
|
capricornbb 發表於 18-10-13 02:55
謝謝您,我都心痛最近呢幾個月吵架,影響埋個女,個女試過話: 如果知道您哋咁,我寧願唔出世呀,我好心噏
...

你女幾大?都懂事喎!咁你地兩個唔好嘈了,個女會擔心!我同c6夾左唔會係仔面前嘈,但都總有幾次,細個仔會叫我唔好嬲爸爸,又會拖我手去爸爸手到!依家大左,有時同c6來往一、兩句,都未去到嘈,仔都會話我唔好咁,通常都係我燥底
capricornbb
|
cedarcone 發表於 18-10-13 03:09
話明孝順仔必然用於阿媽度,正常。
優良性格之一,大有機會遺傳俾小朋友,
等於將會同樣孝順你,就算冇100%都有 ...
好多謝您嘅分析和開解,心目中正正如此感受,認為孝順係正常嘅事,我自問都係孝順,但我就無可能好似佢咁,咁密返外家做孝順仔,冷落自己家庭或另一半感受

大家工作都忙,而且只會更忙,家庭重擔(金錢、時間、心思)就落喺我身上,想佢公平d對我,平均分擔責任/崗位

我都想我行我素(亦試過唔理佢,令自己開心d),但咁樣做同單親無分別,我亦唔想影響小朋友,見到父母貌合神離,同屋住但無交流

唔知點做,先可以回復昔日和諧氣氛

capricornbb
|
lojo11 發表於 18-10-13 03:12
你女幾大?都懂事喎!咁你地兩個唔好嘈了,個女會擔心!我同c6夾左唔會係仔面前嘈,但都總有幾次,細個仔 ...
就8歲,多謝您,我女同您仔仔一樣咁做,都叫我唔好嘈,想我哋開開心心,因見面時間已少,快講完重點,傾唔到一、兩句便言語不合,見佢無乜反應,不上心,我就忍唔住燥底。
唉~有時我c6覺得我在指責命令佢,但又不得不溝通,平常女兒嘅行程,大家配合安排。我話,我有欣賞佢付出,但我真係好攰,想有人關心理吓我感受,唔係得閒無事,又上去阿媽度

佢阿媽養育佢勞苦20年,我明,但我跟佢一齊捱照顧佢都有十幾廿年,support佢都不少於佢阿媽,唔係比較邊個重要或付出多d,係想佢都對我好d,公平d
lojo11
|
capricornbb 發表於 18-10-13 03:42
就8歲,多謝您,我女同您仔仔一樣咁做,都叫我唔好嘈,想我哋開開心心,因見面時間已少,快講完重點,傾唔 ...

女仔比較早熟,同埋多野諗,佢都會感受到你嘅唔開心!c6 孝順探佢媽媽,佢無錯,只係佢缺少關懷你,如果佢關懷夠,相信探媽媽呢樣野唔會令你覺得對頭家唔公平。或者c6覺得你照顧女而忽略佢,佢都想得到老婆嘅關注!有左小朋友,難免分少左時間比另一半,可能會令兩公婆感情有起伏。我地一家出街,c6係拖99行!我問我仔,我老左你會唔會好似爸爸咁拖住媽媽行?仔話「我依家咪拖緊你囉!」當然十歲後唔再比我拖,我要等到幾十年了!身教好重要,我經常係仔面前讚c6係非常孝順的,等仔都識欣賞爸爸的優點。
spikenard
|
我b近8成由細到大都係我帶佢去任何地方親子,試過佢唔太投入,唔enjoy同黑面後我就唔再期待同唔預佢的參與

去玩……最大目的係開心,是旦有1個去左唔開心,出街就心急回家的話就破壞左去玩的原則

我同小朋友去玩好開心的,我只歡迎自動自覺,佢自己話想參與的活動不然我係本身到而家都係唔會預佢的參與,我經常叫佢留係家打機休息 別去
luckybaby2011
|
capricornbb 發表於 18-10-13 02:20
放假都有幫送小朋友出入和帶佢去玩吓嘅,但大多時間都貢上去阿媽度坐,一星期最少一至兩次
...

一係安排活動、一齊去完再同99食飯?
capricornbb
|
luckybaby2011 發表於 18-10-13 07:08
一係安排活動、一齊去完再同99食飯?
謝謝您的意見,有安排活動,但只係好少機會一家三口,有時間佢都去咗99度hea


99好少煮多個人飯,佢只想見到個仔


99放假一係去朋友度打麻雀,一係就喺屋企等個仔上去坐


capricornbb
|
spikenard 發表於 18-10-13 07:02
我b近8成由細到大都係我帶佢去任何地方親子,試過佢唔太投入,唔enjoy同黑面後我就唔再期待同唔預佢的參與
...
多謝您的分享,我都有試過咁,但唔會好開心,因工作都辛苦,想兩公婆都分擔吓喜樂。


capricornbb
|
lojo11 發表於 18-10-13 04:09
女仔比較早熟,同埋多野諗,佢都會感受到你嘅唔開心!c6 孝順探佢媽媽,佢無錯,只係佢缺少關懷你,如果佢 ...
Lojo11,您真是個不可多得的女人,好心抱

其實以前都試過咁嘅情況,但小朋友升小學,開始多嘢兼顧,但C6返多咗99度,我返少咗我媽咪度

心裡很不平衡,因結婚以來,一直由我媽呢邊關顧我哋呢頭家多d,少則間中放假過來我家探孫(車程1小時45分鐘),大則煲埋湯拿過來俾我哋飲,我女細時我和她間中有病,都來照顧我哋,我哋放假有機會返去,佢都煮好多餸俾我哋食。

又好錫我女,相反,嫲嫲就只顧自己,無任何交流,只在乎佢自己個仔上去搵佢(車程15分鐘)
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽