前規劃署助理署長對人工島的睇法!

-bella-
|
本帖最後由 -bella- 於 18-10-13 17:26 編輯

先聲明不要變成對立面,不要界定[藍][黃],不要冠上[親中]或[反中],討論純以理性角度!

[ 前規劃署助理署長對人工島的睇法視頻 ]


以下轉貼別壇的一些資訊:

如果你唔知香港房屋問題係咩問題,請看以下內容,

香港所謂冇地同房屋問題講左廿幾年
由簽《聯合聲明》,限制港英政府十三年間每年賣地不超過五十公頃開始
平均呎價由1986年的$800,升到1994年的$5500,暴升五倍有多
個個炒樓炒到幾開心,當時買樓已經難,已經無地,已講緊一定要解決房屋問題
結果炒樓炒到泡沫爆破,一下間又話唔起樓、唔造地

2002年,曾蔭權政府推「孫九招」托市,取消拍賣土地、無限期停建及停售居屋、結束出售公屋計劃、將土地供應的時間及選址控制權相讓地產商
同時間,曾蔭權任內完全無為政府覓地做土地儲備,任由地產商買晒香港嘅地,囤積居奇
風頭火勢,政府你唔起樓都算,點解唔覓地??
打個比喻,就好似我知你好窮,你唔洗錢我都明,但你同時間唔儲錢,係做乜野?

為咗保住上一代層樓有價有市,害到下一代活在非常嚴峻既上樓環境裡面
好喇,由1994年到而家2018年,個問題不單冇解決,情況仲差到極點
不單樓價好貴,仲要因為以前政府唔儲地,結果無地起樓,想解決都解決唔到
無地,就只有兩個方法:一)搵地,二)造地

搵地,就有

為原居民預留丁地:900公頃
發展商農地:最少1000公頃
高球場及其他私人遊樂場:170公頃
棕地:1300公頃
垃雜重置碼頭等土地:500公頃
垃雜鄉郊零星空置土地:6500公頃
成本好貴的市區重建項目:1700公頃

造地,就有:

沿岸填海:490公頃
一萬億人工島:1700公頃
垃雜其他填海岩洞等土地:5700公頃

好喇,咁搵地好、造地好,都要錢同時間,就搵個性價比最高的出黎囉
林鄭話填海好,填個島出黎就算唔駛一萬億都要5000億以上
要平,根本就要用發展商農地,用《土地收回條例》,一舖拎返晒1000公頃農地來用,幾千億都省返,補返農地價錢比發展商就得
《土地收回條例》係港英政府遺物,可以強迫將相關的土地及其物業收歸公有去滿足「公眾用途」,市建局一直都有用開呢條條例去收地




(個表係01記者做既)

林鄭就話,唔用得《土地收回條例》架,一用發展商就會同政府打官司,時間好長同埋要用好多錢,
97之後政府用左154次《土地收回條例》,提出司法覆核個案只有8單,涉及處理個案的最長時間,只需12個月,當中仲要無成功案例
退一萬步,好啦要打官司,要錢,律師費會唔會要打一千億?對比人工島,呢個官司用錢數字根本唔算係錢
好地地唔去收地,反而要容許地產商在農地起私樓賺錢,做乜野公私營合作!
究竟點解?政府有權收返1000公頃地,點解唔收,要送錢比地產商洗?????
唔收地然後走去用納稅人一萬億起人工島?????

而家有位前助理規劃署署長走出黎講,以前起新市鎮,不嬲都係收地收返黎,從來都唔係全部填海填返黎,政府絕對有權收地,地產商要嘈賠償唔該去返土地審裁署!

林鄭講嘅野全部係呃人!









海洋
|
點解98~03冇住屋需求嘅?(emoji)
-bella-
|
本帖最後由 -bella- 於 18-10-13 19:27 編輯


伸延資訊:鏗鏘集[土地大辯論]

以不同的視角,看看找尋土地的問題.




新聞透視 土地大辯論
curry451
|
海洋 發表於 18-10-13 17:51
點解98~03冇住屋需求嘅?(emoji)

當你要食二手飯時,仲會諗買樓?,親眼見幾次,西裝骨骨,坐喺麥記週圍望,一見有人食完行開就行去食D殘餘物資
WWT1234
|
-bella- 發表於 18-10-13 18:17
伸延資訊:鏗鏘集[土地大辯論]

以不同的視角,看看找尋土地的問題.

唔知點解總係覺得黃遠輝嘅土地研究⋯
同周永新嘅全民退休研究⋯⋯
兩者有好多有好多相似嘅地方
littlesister
|
97之後政府用左154次《土地收回條例》,提出司法覆核個案只有8單,涉及處理個案的最長時間,只需12個月,當中仲要無成功案例

呢班都係地產商?如果係普通人未必有錢打官司,如果硬收地產商既地,成班會夾埋同政府打官司,不能同日而語
littlesister
|
海洋 發表於 18-10-13 17:51
點解98~03冇住屋需求嘅?(emoji)

工都冇得做,食都冇得食仲會諗買樓?當年好多人原價賣番間居屋俾政府
lymchau
|
以前可以比較容易收地,因為都是市民,都比較順從,但是幾十年後的香港,特別是政府,你估你話收就比你收?現在新界大部分土地都在各地產商手,會比你收?記得當年菜園村收市民農地都搞到咁大件事,而家收地產商話起公屋,咁他們會肯?就是肯同比他們放血差不遠囉!
新填海地地權就會係政府手,發展容易多了!

sinohk33
|
前規劃署助理署長叫乜嘢名?
Amy1974
|
回覆 -bella- 的帖子


規劃署長只有專業知識,無政治觸覺。

香港一直係由地產商控制整體經濟,邊個做特首都要睇佢地既面色。連大陸都唔敢郁動佢地嘅利益,講咁多有乜用?

現實啲吧,只有個海啲海豚唔識得作對。新界人,地產商分分鐘可以搞到 好打得嘅林太 返屋企去做太太。

香港無地產撐住經濟,一早已經冧咗。又唔係未見過銀行擠提,排隊去揸兜銀行攞錢。啲人係咪有失憶症?


Parasoo
|
地產商都唔知囤咗幾多農地等政府收購,問下囤地波收埋幾多地,有現成嘅唔發展,係都要用哂啲儲備填海,香港無哂錢會點?
shareholder
|
無計,有些事政府唔講得出來,收地得罪大地產商,佢即時要上去查找不足跟著腳痛無得撈
點評
wcpcelia    發表於 18-10-15 11:28
echoo
|
"以前起新市鎮,不嬲都係收地收返黎,從來都唔係全部填海填返黎,"點會吖,成個將軍澳包括坑口,寶琳,將軍澳站以前都係海嚟!
亞B女
|
我都見過有人係快餐店食2手飯,都你十幾年前,那時C6話,如果他被炒,會辨返工 ,我話你儍架,洗嘜講大話,係屋企睡下休息下呀ma
mikema820
|
馬鞍山 , 沙田都有填海
-bella-
|
2018年施政報告【檔案解密】
【本報訊】特首林鄭月娥在《施政報告》提出「明日大嶼」填海逾2,000公頃,估計涉5,000億元,被斥燃燒公帑。林鄭前日在立法會借港英時代的「玫瑰園計劃」辯解,呼籲大眾「鑑古知今」。民間團體本土研究社響應林鄭,翻閱英國解密檔案,發現開發東大嶼海域的「始祖」、發展商胡應湘,當年也力促填海大計,但港英政府以計劃過於龐大為由未有接納;反觀林鄭如今配合商界智庫團結香港基金倡議,推動「明日大嶼」,被團體質疑不敢向既得利益者說不。
記者:李雨夢

本土研究社成員陳劍青昨日在facebook發文,公開其研究團隊在英國國家檔案館查閱近月解封的檔案。根據檔案記載,發展商合和主席胡應湘於1986年提出,在現時東大嶼中部水域大規模填海,用作未來香港新國際機場和大型貨櫃碼頭的選址。當時胡應湘四出向中、英、港的政商界推銷名為「西部海港──大嶼山戰略發展計劃」的方案,提出先由私人全資興建填海工程,最後再由政府以協議價錢購入。

質疑計劃過大資源過耗
根據檔案顯示,當時英國商務部以及港督對於有關計劃持樂觀態度,不過港英政府各方官員都對此計劃提出質疑。時任香港財政司翟克誠(Pier Jacobs)提出了技術質疑,包括計劃過大(too big for a single project)、資源過耗(too demanding for resource)、不配合政府本身的發展方向、佔用珍貴海域資源等,又指出胡應湘預計工程僅歷時4.5年,是低估了所需的時間。
檔案亦顯示,時任布政司鍾逸傑以及其他政府官員均曾經對計劃提出質疑,認為政府一旦開綠燈,然後發覺會令納稅人需負上數以十億元的重擔,政府肯定不會受到感謝。港英政府其後責成一個專責小組深入研究,胡應湘則向時任港督衛奕信建議,把政府規劃師「全關起來」(locked in a room),直到他們都同意該計劃方案。衛奕信直指並不可能,又稱政府需要審慎處理各種方案。
陳劍青指出,由於當時胡應湘過於落力游說政商各界,英國政府亦害怕會讓公眾誤會英國政府希望迫使港英政府加速推行該計劃,以影響香港當年的規劃自主。最終由發展商提出的填海計劃無疾而終。

看來好多權力鬥爭和無形之手的暗中角力等等的事在背後,不是這樣簡單...
sweetheartb
|
-bella- 發表於 18-10-13 17:25
先聲明不要變成對立面,不要界定[藍][黃],不要冠上[親中]或[反中],討論純以理性角度!

[ 前規劃署助理署長 ...

居然揀最倒錢落海方案
lambxx
|
本帖最後由 lambxx 於 18-10-13 22:05 編輯

收地!!! 哼。。。你係有地係手。。究竟賣幾多錢1 呎比政府好呢。。10萬蚊??15 萬蚊???咁連埋基建,整好塊地分分鐘貴過填海。。又或者。。好呀,我8萬5蚊1 呎賣比政府。。但係。。我賣呢樹4 個籃球場咁大比你。。政府幫我修橋起路。。正呀。。。咁既話。。政府收黎托咩。
話說。。政府連揾忽仔地起骨灰位都難。。。仲話收地起民居。。。
請講個d人想考下啦。。真係套用北方方言一句"站著不腰疼"
LaLaLaLaLa22
|
sjnl43
|
lymchau 發表於 18-10-13 19:04
以前可以比較容易收地,因為都是市民,都比較順從,但是幾十年後的香港,特別是政府,你估你話收就比你收? ...

由港英政府年代, 到回歸祖國都唔夠地要田! 帶出個訊息, 原住民有食力

咁我更加打死唔會入村屋, 特別原姓居民村!

我標準港女咀藐藐,怕有生命危險
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽