產前抑鬱,想搵人申下

yungyeung
|
本帖最後由 yungyeung 於 18-10-14 02:48 編輯

第二胎,已經感覺到自己有問題,盡量避免接觸朋友,因為一見面時佢地會提到我孕期(陰公,甘慘,又係仔,辛苦⋯⋯種種負面既詞彙都入曬我腦,到我孕期尾聲,真的開始辛苦吾想出席好友的生日p,只想訓,佢哋就想盡方法黎我屋企開p,我已講明黎緊的生日活動就俾我缺席一次,點知竟然話等我生完開刀第二日黎醫院探我一起切蛋糕替好友慶生,果一晚我真的忍不住了
好想問問大家係咪我情緒問題自我中心?生日想齊人開心我明白,但可否體諒下我既感受
連新認識的媽媽友都會定時關心我和大小b既情況,但相識十多年的朋友竟然只係話,你消失左幾個月,xx生日你又吾出現,真的心涼了一半

yungyeung
|
yungyeung 發表於 18-10-14 02:45
第二胎,已經感覺到自己有問題,盡量避免接觸朋友,因為一見面時佢地會提到我孕期(陰公,甘慘,又係仔,辛 ...

我已經講到甘多人去醫院慶生又吾係獨立房會打擾到其他媽媽休息,點知換黎話甘細聲d... ...忍不住我說出不如等我出院回返條氣再請佢地黎屋企睇b,竟然是毫無回應,另一邊就係網上看到各種的暗話說我傷了佢地既心,當下我真的心都碎了,竟然沒有人幫我,說真的係咪我問題?
fa9bb
|
我個case同你相似但不盡相同
我舊年小產之後咩人都唔想見
有啲朋友我當佢係知己
呻左之後每次whatsapp都淨係問我出唔出席咩咩活動
從來冇關心我嘅心情
慢慢都心淡覺得呢啲朋友要唔要都罷
當然有啲朋友都好體諒我嘅情況唔會迫我
過左年幾先再慢慢搵返啲closed d嘅朋友
少人啲咁見面
不過好需要時間宜家都好驚去啲多人聚會

fa9bb
|
本帖最後由 fa9bb 於 18-10-14 05:39 編輯

我初時都唔好意思迫自己試下出席1、2次
但最後發覺唔work自己好唔開心
當然佢地某程度上係想見你先搵你
但你唔需要迫自己去迎合佢地
首先將你感受担白話比佢地知
真心朋友錫你會體諒你
如果唔體諒你老實講呢段友誼都唔值得你勉強去珍惜
呢段時間最重要係你自己感受同照顧好2個bb
我明白你情,真的明白
唔需要迫自己做唔想做嘅事

KILW
|
呢d人唔係朋友黎喎。
咩叫又係仔,除非你自己呻唔想生男仔而佢地附和下你先咁講,否則佢地講野好自我。
出席生日唔比缺席,慘過返工,返工都仲有產假放,但佢地竟然好意思講得出口,話你生完第二日去醫院唔係為左睇你同剛出世嘅b,而係要幫第二個人慶祝生日。有無關心過你生完b係元氣大傷,要休息?
佢地係咪無人要嘅港女黎?似乎完全唔知大肚同做人媽媽係咩一回事。
cpycpyhelen
|
yungyeung 發表於 18-10-14 02:45
第二胎,已經感覺到自己有問題,盡量避免接觸朋友,因為一見面時佢地會提到我孕期(陰公,甘慘,又係仔,辛 ...

其實依家最重要都係bb同媽媽既身體,其他人可以唔洗理佢地
yungyeung
|
孕婦的玻璃心只有做過媽媽的明白,即使我朋友當中有人都已經做左媽媽,可能佢地好彩冇乜孕前情緒問題,係呢度我講左出黎真的舒服好多


laisausau
|
yungyeung 發表於 18-10-14 09:07
孕婦的玻璃心只有做過媽媽的明白,即使我朋友當中有人都已經做左媽媽,可能佢地好彩冇乜孕前情緒問題,係呢 ...

你冇feel錯,有時相識多年好友唔代表可以一直友好到永遠,既然feel到唔對路,就直接講你好攰等之後先見,唔好理丶睇佢地有咩怨言了講真,我大肚時連未婚未育嘅朋友都知孕媽媽/產婦要好好休息,唔想見人,缺席聚會無人會奇怪,覺得應份添
kmyee
|
yungyeung 發表於 18-10-14 02:45
第二胎,已經感覺到自己有問題,盡量避免接觸朋友,因為一見面時佢地會提到我孕期(陰公,甘慘,又係仔,辛 ...

樓主朋友年紀感覺好細個...好吾成熟。我都明咁多年朋友佢地講咩你一定上心。但其實只要自己覺得吾係就吾需要吾開心。比著我。我覺得仔女一樣咁好。就算第2個係仔又如何,吾覺得係d咩陰公事。佢咁講野我覺得應該笑住口鬧番佢轉頭。又咩咁慘。大把人生吾到仔。你應該對於自己有左覺得自豪。又吾係d咩吾見得人既事。有bb係一件非常開心既事。男又好女又好都係自己心肝錠。 佢地吾識講野吾識林你吾洗跟佢地亦吾可以屈住自己由得佢亂up. 生日每年都有。吾出席一2次都要死咩。生仔又吾係每年都有。佢地口up要做既野完全反影佢內心18歲都未有。
carson1128
|
yungyeung 發表於 18-10-14 02:45
第二胎,已經感覺到自己有問題,盡量避免接觸朋友,因為一見面時佢地會提到我孕期(陰公,甘慘,又係仔,辛 ...

孕婦情緒係特別唔同,其實朋友都係‘鄧’你開心,佢哋唔眀白孕婦身體變化同普通人不同。你同小孩出院之後先通知朋友。把口響人哋喥,人哋鍾意講咩咪算!你自己令自己開心D,唔好唔開心!
suki-c
|
人大左,有d人係唔會長大,要學懂取捨,既然遇上這上人,不要放上心!你沒有問題!祝身體健康
sherry70264300
|
妳朋友年紀仲細吧?
識諗既人都會知等孕婦坐月後通知先見b or其他喜慶啦!
唔好話紅事白事唔撞得埋,紅事撞紅事都唔係咁好喎,有可能妳阿b會小氣架!寧可信其有啦!(唔好介意,知唔知咩係紅事白事先?)
妳d朋友以為睇電影橋段咁,發生意外入院好苦悶咩?仲要咁有心入嚟醫院搵妳幫其他老友慶祝?真係笑咗!
講真生產完果吓,攰到咁,人又污where,盡可能都唔想見任何人啦!
朋友細個唔緊要,咪同佢地講,你地有心喇,等坐月後先搵佢地啦,順道慶祝埋阿b出世囉!
唔使煩,呻吓就好了,最緊要唔好免強自己
mamanK
|
支持你,成長左會發現咩先最重要,跟隨自己既心意去生活啦,唔岩聽既可以疏遠
gloriehungws
|
我都覺得樓主的朋友應該仲好細個,當超過30歲後都唔會咁在意慶祝生日呢個節目,有左家庭後,通常生日都會同家人過。樓主可能都怕得失朋友先咁憂慮,如果唔想去索性唔去,生完好累都唔想招呼朋友,醫院探病更加唔可以咁嘈。
candice0088
|
朋友答:又係仔,你應該回番佢:唔係仔就女架啦。兩兄弟不知幾幸福。兄妹都未必有咁close 架!你買衫買鞋又可以唔洗分開買。哥哥著完留比弟弟。又慳一筆啦!最緊要係 將來大個至少唔洗擔心蝕底比人...

你其實係咪出現社交恐懼症? 因為我有段時間都係咁。但我係因為肥左好多怕見人。所以不斷推搪飯局。後尾個人瘦番20磅 變番靚 我就好樂意出席。

你應該係怕你朋友點睇你某一樣野而唔想出去..總有原因。不過無論係咩都好,你現在有大有細勁幸福。無需理會朋友目光。享受最後女王既生活...等bb出世
Vickylxt
|
yungyeung 發表於 18-10-14 02:45
第二胎,已經感覺到自己有問題,盡量避免接觸朋友,因為一見面時佢地會提到我孕期(陰公,甘慘,又係仔,辛 ...

你啲朋友係未大多未婚或未生?如果係唔好怪距地畢竟唔知生B其實會係咁,又唔使覺得自己問題,這又不是你造成嘅錯,做咩要攬上身?唔係距地唔體諒你,係距地未懂得去體諒,真系做佐人媽咪才會明白個中滋味。有咩直接同距地講生完真系好虛弱我又需要休息,多謝距地特登等埋你才開P,要休息好照顧BB仲有個大嘅要湊!距地都係著緊你遮。希望距地諒解啦~
我都二胎,我大B只得歲半,我其實好頭疼!不過我同自己講:順其自然!我要睇開啲,好多野人算不如天算,諗再多都無用⋯

我要做媽媽
|
媽媽,你唔鐘意既話就直接拒絕先喇,可能產後一段時間你冇咩事咁就再同佢地解釋都係OK架。我覺得你唔需要將佢地講既你唔鐘意聽既嘢放大化,你聽下就算喇,咪放心度
sakurayan
|
yungyeung 發表於 18-10-14 02:45
第二胎,已經感覺到自己有問題,盡量避免接觸朋友,因為一見面時佢地會提到我孕期(陰公,甘慘,又係仔,辛 ...

一件事睇清佢地都好,以後少來往,如果真係關心你的朋友,絕對知道你有幾咁需要休息。
musiccisum
|
yungyeung 發表於 18-10-14 03:00
我已經講到甘多人去醫院慶生又吾係獨立房會打擾到其他媽媽休息,點知換黎話甘細聲d... ...忍不住我說出不 ...

佢地係咪無生過BB?
唔好理佢地,自己和BB舒服最緊要
yungyeung
|
多謝你地既安慰同意見,最後我選擇左同朋友講曬出黎,真的舒服曬,而佢地都知道左忽略左我感受表達了謙意
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽