我的奶奶 (純呻)

miriamfans
|
本帖最後由 miriamfans 於 18-10-15 14:12 編輯

結了婚8年 無同住, 我們一家3口住新界佢地住九龍, 奶奶有番工, 老爺無業, 我同佢地關係普通, 無咩2句, 過時過節, 奶奶生日我都有俾錢佢,小朋友放假間中都有叫佢做替工湊幾日, 我爸上年過身後, 我覺得佢對我差左….唔係敏感, 有以下事例:
1: 佢2個無去靈堂同我爸鞠躬, 只係託我老公俾帛金我阿媽, 仲要個信封係d信用卡月結單既信封, 又有少少撕爛…2襯家一直都無來往, 爸爸的事搞掂後我阿媽約過佢地飲茶, 當係禮貌上佢地做左帛金我阿媽回番咁, 事隔年多大家都係無來往…
2: 奶奶自己從來唔會做節, 次次都叫我們一家3口去佢外家食飯, 仲要大一大棚人唔用公筷公更, 試過裝了一兜湯出去, 佢地班友一人一更係個湯兜度舉湯, 我覺得好嘔心, 而且我唔會係果兜野度筆湯飲, 我覺得好肉酸, 大人大姐成村人去痴食, 當然我老公有買d野上去, 加上我自己唔係一個識social既人, 仲要幾年前佔中事件後, 我同我老公同奶奶外家其中一個親戚意見不合搞到差唔多反面, 自此見到面我都係叫一聲就算…..
3: 我每次番外家都好好送, 有雞有湯有游水魚, 依d係最基本, 有時我阿媽仲請我地一家, 包括我妹一家出去食, 相反我次次去奶奶度, 多數d野都唔岩食, 平均1個月去2次, 8年來都無食過10次雞,
湯就未必次次都有煲, 總之佢煮既野, 同我平時放工番去煮既都唔差得遠….
4: 早排奶奶叫了老爺部分親戚上佢家打邊爐, 果次岩岩係中秋後, 天氣唔算好涼, 當時大約有10人去左佢屋企, 我老公同佢講話不如開冷氣, 佢話唔覺好熱, 咁都算…到埋位開枱, 佢都完全無意慾去開冷氣, 之後我忍唔住同我老公講話熱, 佢先死死地去開., 大佬慳還慳, 而家又唔係冬天, 我覺得招呼人上去都唔係咁’刻簿’心地呀? 另外佢買左D野飲, 我老公話雪櫃有咩飲, 佢答叫我自己去睇, 我都覺得奇怪, 平時我多數係飲可樂檸檬茶果D, 一打開完全無野岩我飲, 得啤酒, 一盒1l鮮奶, 忌廉1罐, 幾支鴻福堂羅漢果茶……最後我只好倒水飲, 回到家嬲過頭隊左罐可樂….相反我奶奶好死精, 有次佢2個湊我仔番去我家, 佢問我老公雪櫃有罐甄沾記椰子汁, 仲係我阿媽同妹上年去工展會買俾我, 我一直都唔捨得飲,我老公問我可唔可以飲, 唔通我話唔可以呀? 我頂….全雪櫃最貴果罐就拎來飲, 有可樂檸檬茶D平D既又唔飲, 經過今次以後雪櫃有咩好野我都收埋先,佢點對我我點對佢….
5: 每次佢外家有咩食飯, 佢唔會主動話俾我知時間地點, 次次都係我老公話我知….早排我老公應該係SEND錯左whatsapp, 之後即時delete,我咁岩又睇到間酒樓名, 我問我老公做咩delete,佢幫奶奶辨護話係佢自己約左第2個女人食飯, 我真係慶慶地, 駛咩咁神秘?遲早都知架啦…..我唔信唔係奶奶背後搞鬼…..
6: 昨天我去左自己媽咪度食飯, 無跟c9同個仔去99度, 原來佢地夜晚出左去茶記食, 唔止1次係咁, 之前我試過無番去佢地又係出去食, 俾我覺得個外人係度就費事叫我一齊出, 我問我老公做咩出去食, 佢話之前都有出, 我話唔係呀好少出, 佢又辨駁話有出呀, 之後我問我仔點解出去食, 佢6歲幾, 佢話6點時佢阿麻話無買送問佢去邊食喎…..

就憑以上幾點, 我相信我奶奶完全係當我外人…..我公司同事又係做人奶奶, 佢對佢新抱好好, 又鮑魚又冬蟲草又花膠煲湯,我同事都係普通打工仔,佢同我好fd, 有時有鮑魚都會請我食, 佢對我仲好過我奶奶對我, 所以有時我都好感觸…..唉….打住咁多先…有野記得再打…….
sinohk33
|
人比人,比死人。
Pianocake
|
其實你99都冇乜嘢,係冇俾著數你,冇當你貴賓啫,你都一様咁對返佢啦,有咩好嬲?
HappyBlueberrie
|
期望越大,失望越大
你99唔開冷氣係孤寒大家,唔係淨係孤寒你
佢唔知罐椰汁係你珍藏,知道嘅話可能唔會飲呢
你99外家唔用公筷係佢外家問題,唔係你99家問題,你99家有冇用公筷先?
99家冇好餸招呼你,係睇你啱唔啱食啫,有時簡單野仲啱胃口,或者佢唔識煮山珍海味,你亦都唔一定要食高檔貴價野架
食飯時間地點由你老公講你知咪仲好,唔洗直接同99溝通,我都不知幾想係咁
miriamfans
|
HappyBlueberrie 發表於 18-10-15 13:51
期望越大,失望越大
你99唔開冷氣係孤寒大家,唔係淨係孤寒你
佢唔知罐椰汁係你珍藏,知道嘅話可能唔會飲呢 ...

99家無用公筷, 但唔會拎個湯更就咁係兜湯度筆來飲
jojojojom
|
又比人㮑,典型公主病,小事到不得了
美之選468
|
你99雖然對心抱不算好,但也不算壞,(她沒有主動傷害你)只要你當她是路人甲,對她沒有任何希望,就不會有失望的啦?
miriamfans
|
美之選468 發表於 18-10-15 14:19
你99雖然對心抱不算好,但也不算壞,(她沒有主動傷害你)只要你當她是路人甲,對她沒有任何希望,就不會有失 ...

以前還有少許期望, 現在完全無期望, 人與人之間係相輔相乘的, 你點對人人點對你.....
美之選468
|
miriamfans 發表於 18-10-15 14:21
以前還有少許期望, 現在完全無期望, 人與人之間係相輔相乘的, 你點對人人點對你.....
...

同意。反正她總有一天會老去,你對她也是淡然之,互不拖欠。
miriamfans
|
美之選468 發表於 18-10-15 14:25
同意。反正她總有一天會老去,你對她也是淡然之,互不拖欠。

多謝你中立意見, 我屈係心好唔舒服, 又無咩朋友可以呻, 反而俾人話公主病? 唔知我邊忽有公主病呢?
taiwoon
|
miriamfans 發表於 18-10-15 14:05
99家無用公筷, 但唔會拎個湯更就咁係兜湯度筆來飲

呢個自己唔飲就可以
人地屋企習慣係咁
唯有自己避
036347
|
其實真係好小事。
如果話你奶奶無好餸,戓者人地飲食習慣係咁。另外,佢做左帛金算係咁了,又無講難聽説話。

你唔返就出街食,又唔係乜大問題。有時,我老公唔返,我都懶煮,同仔出街食。


wintermamamama
|
睇晒成個POST,我又覺得無乜大問題喎
樓主奶奶要返工,肯定比較攰
放假仲肯煮飯已經好好
唔通仲煮9送1湯咩?
煮飯其實唔係容易,要買要洗要準備要煮,事後又要清潔
整雞好麻煩的,買隻新解雞返來,要洗好耐,切走D肥膏,瘀血,污糟野.....
樓主有無自己整過雞? 我前日整雞,單單清洗都搞左半個鐘,仲未計醃同煮喎
其實想食雞,不如去斬料啦

打邊爐果單...其實得酒涼茶都好正路丫
老人家應該唔太鍾意飲可樂果D
老一輩的,男既鍾意隊啤,女既鍾意飲涼茶
啤酒涼茶都唔平架,仲貴過可樂
都因為咁,所以先無揀你雪櫃D可樂檸檬茶姐

我明白你想呻~
個人認為,你想人地點對你,首先你要識得點對人好
例如你話奶奶無煮過D好野你食,咁結婚咁多年你有無煮過D咩好野俾奶奶食?
不如你都搵一日買隻新鮮雞返黎煮俾佢食,仲更一煲老火湯,再買條新鮮魚去蒸,再炒多碟菜.....邀請你奶奶上去食
我估佢見到你咁用心煮左一枱好送,下次佢都會識做

我媽咪教我,千奇唔好孤寒人地
放得出黎, 就預左一齊食, 人地食得你幾多,更何況奶奶唔係「人地」,係你既親人
我覺得你都當左佢係外人,先有呢D感覺

對唔住,純粹係我既感覺,唔岩聽就當我廢UP~
點評
Manwah    發表於 18-10-23 16:20
Manwah    發表於 18-10-23 16:20
Manwah    發表於 18-10-23 16:20
joefoon    發表於 18-10-16 03:05
joefoon    發表於 18-10-16 03:05
ilovecafe
|
miriamfans 發表於 18-10-15 11:29
結了婚8年 無同住, 我們一家3口住新界佢地住九龍, 奶奶有番工, 老爺無業, 我同佢地關係普通, 無咩2句, 過時 ...

我覺得無乜野,雖然佢唔系對你好好,但起碼佢唔會要求你做D乜野或者玩你,算係咁啦
章魚妹妹
|
其實真心唔覺你99有咩問題,老實講佢又真係無咩義務煮比你食,又唔同住,出去食都無咩野呀,正常人一個咁都有野入?大家客客氣氣咪算囉!
conniemar
|
我果位極品直情開到口話我父母係「下門襯家」啦,聽完又如果
little06
|
conniemar 發表於 18-10-15 15:49
我果位極品直情開到口話我父母係「下門襯家」啦,聽完又如果

下,咩係下門襯家?第一次聽,但都估到唔慌好野
jojojojom
|
little06 發表於 18-10-15 16:28
下,咩係下門襯家?第一次聽,但都估到唔慌好野

男家就係上門襯家,女家就係下門襯家
little06
|
jojojojom 發表於 18-10-15 16:49
男家就係上門襯家,女家就係下門襯家

長知識,多謝jm

jojojojom
|
如果結婚當日上門襯家奶奶唔著裙掛,女家外母係唔可以自己著,呢D就係傳統
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽