係咪一定要食飯先有奶??

jjj1314
|
聽家姐講餵人奶一定只可以食飯先有奶,我想問其實以米製既粉麵(米粉/米線/瀨粉/河粉/銀針粉...)代替得唔得?

因我本身腸胃唔好,食親飯(不論白飯/炒飯/汁撈飯)都胃酸倒流甚或至胃痛,有左之後胃酸倒流/胃痛更嚴重,所以有左之後都幾乎冇食過飯咁滯,擔心以後日日三餐都食飯會唔會食到胃穿窿

Lyllianlo
|
jjj1314 發表於 18-10-15 17:28
聽家姐講餵人奶一定只可以食飯先有奶,我想問其實以米製既粉麵(米粉/米線/瀨粉/河粉/銀針粉...)代替得唔得? ...

我本身都唔信,但試過唔食飯真係少左奶,食少d奶飯都少左,可能個個人唔同,你可以試下食飯同唔食飯,有冇分別
我自己所有上奶野都冇效,只係食多d飯同飲水,先穩定到奶量,如果你試過某d上奶野有幫助,都可以唔食飯,食上奶野代替
EstrellaDamm
|
本帖最後由 EstrellaDamm 於 18-10-16 14:53 編輯
jjj1314 發表於 18-10-15 17:28
聽家姐講餵人奶一定只可以食飯先有奶,我想問其實以米製既粉麵(米粉/米線/瀨粉/河粉/銀針粉...)代替得唔得? ...

吓,點會呢?如果其他國家人士本身主糧唔係飯,莫非冇人餵得成人奶?

我兩個小朋友都全人奶,細嗰個啱啱一歲繼續餵緊。我習慣一日通常只一餐係食飯,大肚如是,餵母乳如是,除咗坐月先會一日兩餐飯,因為有人煮。早餐食麵包麥皮乳酪之類,午餐通常食三文治/意粉/批,晚上先食飯。

話要食飯,其實可能因為飯係廣東人嘅 comfort food,食 comfort food,身心都滿足,所以有奶。好明顯我 comfort food 唔係飯。。。你如果食飯覺得辛苦,成日胃痛,都對造奶無幫助㗎喎。

其實食咩都好,食得飽,水分足,營養均衡就可以,唔使太擔心。


Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽