白蟻藥令到小朋友敏感

pooh02070
|
其實想問下大家意見, 最近因屋企廚房發現有白蟻, 所以找滅蟲公司來處理, 做前我已問是用什麼藥, 不能影響小朋友, 該公司人員說是安全, 所以我才安排做。 做當天我帶兩個仔去公園玩因唔想佢地聞到味同接觸, 完成沒味才回家, 過後亦有抺乾淨, 點知過了幾個鐘細仔眼突然腫晒包括眼珠, 我立即call 白車, 事後醫生說是化學敏感, 好彩吃抗敏藥沒事了, 而我大仔任何事都沒有。

其實想問下大家我應該要追究該滅蟲公司嗎? 我知每人體質不同敏感突發沒人知, 因我已再三叮囑要小心因好怕影易小朋友,我自己做媽媽都好後悔安排人來做滅蟲, 雖然已經大清潔過間屋, 但心仍有不安, 該公司知我仔出了事的但沒對我們做任何事後服務等等, 我心有點忿怒, 現應如何事好?
GIBAI
|
pooh02070 發表於 18-10-16 09:08
其實想問下大家意見, 最近因屋企廚房發現有白蟻, 所以找滅蟲公司來處理, 做前我已問是用什麼藥, 不能影 ...

我會提醒該公司有小朋友因此敏感,希望佢地為有小朋友既家庭做前要提醒客人留意
也會在不同親子群組,例如FB的幼兒群組開帖提醒各家長注意
至於追究,我諗都好難,最緊要小朋友已康復,是我就不會去追究了,除非該公司態度惡劣,我就會開名提醒家長
belolo
|
佢話唔影響小朋友= d藥對一般人體無害。但你小朋友唔好彩過敏,大家都唔想的。要追究除非你有講明有d乜唔可以用而佢又用左,如果唔係好難追
李豆豆
|
咁你話唔話到俾滅蟲公司聽你小朋友對乜野敏感? 講左事照用就佢問題,但如果你自己事唔知既,佢點會知?
熊貓小姐
|
要賠錢嗎?其實世界上咁多野,有啲人對粒芝麻都敏感,只能怪你個仔唔好彩,況且食咗藥都冇事啦,你想追究咩
crystal媽咪
|
pooh02070 發表於 18-10-16 09:08
其實想問下大家意見, 最近因屋企廚房發現有白蟻, 所以找滅蟲公司來處理, 做前我已問是用什麼藥, 不能影 ...

係小朋友本身已經有敏感??
pooh02070
|
我都唔知自己個仔有敏感呢d 問題, 因未發生過, 所以先問大家應該點處理好, 因錢已洗左, 做又做左, 而滅蟲公司知道發生左呢件事都無任何見意只係話自己用既藥係無問題。

第一位回覆那位jm 好好, 我都應該要提一提返間滅蟲接order 時要同客人講明對某d 人會可能有敏感情況囉
chillimom
|
你其實想追究啲乜?對小朋友無害,即係對人體無害啊,就算係大人,人哋化學滅蟲都可能敏感啦。點會知喎
Kapo1021
|
你小朋友有敏感唔代表隻藥對小朋友有害,而且應該係小朋友隻手接觸過殘留既㓕蟲藥之後又卒眼所以敏感,導致眼腫和眼珠既黏膜腫脹,我間唔中都會咁,之後我就發現原來我食完飯啲油黏咗落食手再卒眼就會咁,跟住每次食完飯用皂液洗手就無再發生啦,其實有時未必係啲野有問題而係自己個體質問題,不過我本身就有哮喘,皮膚敏感,鼻敏感.
pinkochang
|
滅蟲公司唔會好似醫院咁有表俾你填對乜嘢食物、藥物敏感,
如果佢既滅蟲藥的確對一般小朋友無害, 但個別令你細仔敏感,
呢樣係細仔的體質問題, 我覺得唔可以入滅蟲公司數

例如兒童食品, 有敏感小朋友的家長會主動睇食物成份,
而唔係話見到標榜係兒童食品就俾小朋友食,
食完有事就話間廠做兒童食品但令到兒童敏感
pooh02070
|
Kapo1021 發表於 18-10-16 14:14
你小朋友有敏感唔代表隻藥對小朋友有害,而且應該係小朋友隻手接觸過殘留既㓕蟲藥之後又卒眼所以敏感,導致 ...

係呀黏膜腫埋, 我地都未見過所以真係當時嚇傻左
pooh02070
|
chillimom 發表於 18-10-16 14:10
你其實想追究啲乜?對小朋友無害,即係對人體無害啊,就算係大人,人哋化學滅蟲都可能敏感啦。點會知喎
...

其實我唔係想追究d 咩, 做父母當然會好驚同擔心啦,我通知佢地就好似當無咩野咁所以個心有d 唔舒服囉
ctsang
|
我有個朋友,佢公司成棟大厦洗中央冷氣,佢洗完冷氣第二日返工就出事,入咗醫院icu好幾日,醫生話佢應該對唔知咩化學物過敏,成棟大厦都無人有事,得佢有事,佢成廿三十歲人先第一次係咁
Lovelovebear
|
應該無得追究,除非你事前好清楚同白蟻公司講個仔對邊幾種化學物品敏感,而工作人員聽完都話無問題先有機會拗下
lojo11
|
既然小朋友無事就算啦!攪掂白蟻都重要!
點評
wcpcelia    發表於 18-10-16 15:02
馬爾泰若㬢
|
即係你喺街買一包花生糖,問人哋包花生糖小朋友食唔食得?人地答你個個都食得,點知你個小朋友食完就敏感,因為你唔知佢對花生過敏,你會去話番賣嘢嗰個人?
李豆豆
|
pooh02070 發表於 18-10-16 14:49
其實我唔係想追究d 咩, 做父母當然會好驚同擔心啦,我通知佢地就好似當無咩野咁所以個心有d 唔舒服囉
...

咁你想人地點?

Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽