股仔新手上路請教

Lopopo
|
本帖最後由 Lopopo 於 18-10-16 11:10 編輯

股仔新手,剛學睇市盈率
睇到3號仔市盈率27.61
點解仲咁多人追捧?
因為係公用股,所以市盈率就有唔同睇法?

新秦先生
|
煤氣既PE係長期高於恆指平均,同業及三寶,已經過驗證為能夠長期接受溢價既股票,原因可能有2個,第一係盈利增長能夠與股價增長同步,第二個係經常十送一下所產生既自然現象.
市盈率係受兩個流動既數字所操控,就係股價&每股盈利. 股價分分鐘有變化,可以先放低不理;每股盈利又點呢?原理上,假設公司今年整體盈利不變,股價亦不變,咁即是市盈率都不會變. 除非,透過回購並且註銷,去提高每股盈利(同時會將PE拉低);或是透過新增股份,去灘薄每股盈利(PE提升).

市盈率係一個數字,在沒有比較既情況下,數字係完全冇意思,問題就係要搵出能夠相提並論做比較既指標,一般情況會用同業做比較貴平,可惜煤氣嚴格上係冇同業,唯有自己同自己比. 過去5年既PE介乎於20至28,時平時貴,如屬長線投資,不妨研究下佢既運動規律,但又涉及10送1,早買早享受是否成立,又要自己度一度呢條數.

股價與盈利之間有個從屬關係,就係期望. 買股票係買將來,過去只不過係對未來憧憬既一個參考,呢份信心能夠維持到,一般都能夠享受較高PE,例如騰訊得果陣可以去到50都得,而家唔得,30都驚驚地,即是PE屬貴屬平,市況都是需要考慮. 或者係應該再引用更多更多既財務數據,由簡單變成複雜,然後再由複雜轉成簡單,過程完成後就即是創出自成一格既選股方法,之後股票買賣就可以遠離雜音,不假外求.

希望在方向上能夠幫到你一點點,技術上就要靠自己去苦練.


Lopopo
|
新秦先生 發表於 18-10-18 10:20
煤氣既PE係長期高於恆指平均,同業及三寶,已經過驗證為能夠長期接受溢價既股票,原因可能有2個,第一係盈利增 ...

多謝您無私分享
要慢慢了解下先
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽