婆媳關係

跳至

首頁

尾頁
   1


別墅

積分: 698


發表於 18-10-18 13:30 |顯示全部帖子
o_____o 發表於 18-10-18 10:13
你99話"唔當佢係阿媽,裝IP cam去監視佢,當佢工人咁,又唔俾錢佢湊女",咁其實你他係咪咁先,佢好似累積 ...

其實件事係,我老公勸我99,叫佢睇實5歲果個細路,叫佢唔好再係梳化頂度係咁跳,我個女都同樣被放響梳化度,咁好危險,然後我99就話我地小題大做,都冇出事,點會跳落去踩中我個女。再同佢講話,個細路一放學返黎,逐件衫褲丟向我個女個頭,最後仲連底褲都丟落頭,蓋住我個女塊面,我99就響側邊係咁笑,直到個細路丟條底褲落我個金度,我個女喊喇,我99先鬧個細路。我老公話咁好有問題,好易出事,點知又俾人鬧,話個細路同我個女玩下炸嘛,我個女都笑架⋯⋯
我裝cam嘅原意並唔係監視佢,亦都冇長時間睇,但自從佢就咁放阿女係屋企,自己走出街後,我就多睇咗個cam,先發現問題


別墅

積分: 698


發表於 18-10-18 13:40 |顯示全部帖子
望月童 發表於 18-10-18 10:23
話我唔當佢係阿媽,裝IP cam去監視佢,當佢工人咁,又唔俾錢佢湊女,鬧我鍾意俾外人照顧,佢肯幫我湊女已 ...

裝cam係一半因為自己陪唔到個女成長而裝,另一半係我99心臟係有事,試過係屋企暈咗,當時係有其他人係度先幫到佢call白車,如果佢照顧個女途中,真係暈咗,出起事上黎,係兩條人命。
我一早俾家用佢,係佢唔肯要,我自問我待佢地兩老不薄,大時大節俾幾千蚊,62話身癢想食個隻藥,每次二千蚊我都照俾,見佢地兩老用手機煲劇,隻眼好辛苦,我買平板電腦俾佢地,佢地個陣用用下嫌load段片太慢,發脾氣丟爛佢,事後冇得睇,我都即刻再買過部新嘅俾佢地,買個小米盒子俾佢地煲劇。話腳痛,我當晚即刻跑去買dr kong 鞋墊、膏布俾佢地。佢兩個新抱都冇咁做過,講到尾,就係因為我係香港人


男爵府

積分: 5711


發表於 18-10-18 13:53 |顯示全部帖子

樓主你一係就自己湊返先
一路繼續排住育嬰園
佢就係睇死你無佢唔得先至當你唔係人咁看待
最多老公返多份辛苦d嘅啫
咩呀,佢老母攪咁多嘢梗係要個仔受下架啦
到時你99發爛渣話要佢個仔咁辛苦
你咪話佢辛苦好過我個囡要搵命搏囉
自己湊嗰陣唔想對住佢咪帶阿女返外家過日晨
最多到夜晚先至返去廢事同佢老母面阻阻嘅啫


別墅

積分: 698


發表於 18-10-18 13:54 |顯示全部帖子
嘉德莉澳 發表於 18-10-18 12:33
其實99係咪有情緒病呀~99見自己同62幾十歲要湊一個你都話百討厭5歲人仔返學出入,再湊埋一個7月個月bb咁 ...

我當初一知有咗,已經講咗話排托兒所,係佢自己鬧我,話一齊住做咩要送佢托兒,話我唔信佢可以湊到兩個細路。我同我老公於是就諗住睇下佢搞唔搞得掂先再決定。加上佢係唔做家務,我就算大住肚,都係我做晒啲家務,照顧62c6,樣樣都要跟足佢要求,全部衫都要手洗,連62條底褲我都要洗埋,個陣仲要一路小心個肚唔好俾個細路整到,一邊湊埋佢。佢每日湊b嘅方式都係拎個奶嘴滅我個女聲,自己就坐係隔離玩手機,我返工個陣,佢就成日係個親戚群組度share啲片出黎,次次都係話後生虐待老人家。
佢有冇情緒病我就唔知,反而我俾佢逼到無時無刻都喊,宜家要見醫生跟進。


別墅

積分: 698


發表於 18-10-18 14:01 |顯示全部帖子
做個靚太 發表於 18-10-18 12:32
3姑6婆做左乜咁利害,可以令到你地決定左搬都無搬到?
對住D咁嘅99,仲要危害到自己嘅仔女,話之99以死威脅 ...

原先係我老公三兄弟連佢啲屋企人同我6299一齊住,咁後尾一知我要嫁入去,同搵緊屋,佢地兩房人就即刻搵地方搬,一聽到我話搵好地方,差未俾訂嘅時候,就同我99講讓間屋俾我地住,佢地已經搞掂晒嘅野。然後再補尾刀,係咁同我99講唔可以俾我地搬走,一個人係屋企會好悶,有個仔係身邊會好啲,我99後尾咪倒轉頭鬧話我地搵屋住,同我老公嘈咗好多次,又搵埋啲姨媽姑姐黎嘈我地,當初佢啲脾氣亦冇咁過份,我咪諗住免得過個老公俾人日日鬧,嫁得入去都應該要盡孝,孝順下佢地兩老,之前未嫁嘅時候,亦叫相處到嘅,於是咪冇搬到。


別墅

積分: 698


發表於 18-10-18 14:13 |顯示全部帖子
吹吹水 發表於 18-10-18 12:59
3姑6婆點夠錢威力勁,你話搬就搬,2+2個都無3萬,當時可能最少。
2老無做野,我諗樓主1家家用都未必多,家 ...

我前排已經打好晒辭職信,同咗我99講,等佢輕鬆啲,唔好咁辛苦,點知又俾人鬧我:點解辭職吖!政府工鐵飯碗,你唔做等我個仔養你吖?辛咩苦吖?你覺得我做唔黎吖?我阿媽、阿妹都係咁樣湊幾個架啦!(PS佢以前係冇湊過佢啲仔,就咁俾佢媽湊就算)然後,又日日鬧鬼我辭職、又搵啲姨媽姑姐黎鬧,最後我老公覺得當時99應該湊得黎,所以都唔同意我辭職。


伯爵府

積分: 19431

2011精緻種植勳章 畀面勳章 BK Milk勳章


發表於 18-10-18 14:16 |顯示全部帖子
ORZ新抱 發表於 18-10-18 14:01
原先係我老公三兄弟連佢啲屋企人同我6299一齊住,咁後尾一知我要嫁入去,同搵緊屋,佢地兩房人就即刻搵地 ...

咁你宜家有咩打算?
如果找本地姨姨湊
出倒幾多錢?


大宅

積分: 2674


發表於 18-10-18 14:32 |顯示全部帖子

回覆樓主:

如果你之前已經預左錢出去租屋及/或湊bb,相信你而家照你當初既plan係冇問題。始終bb既安全係首選,有咩事就一世架啦。趁呢幾日請假搵資料,貴啲都要搵本地姨姨接手湊。一搞掂就通知聲奶奶就得。


別墅

積分: 698


發表於 18-10-18 14:40 |顯示全部帖子
xavierma215 發表於 18-10-18 13:53
樓主你一係就自己湊返先
一路繼續排住育嬰園
佢就係睇死你無佢唔得先至當你唔係人咁看待

最慘我今日遞埋信,我老闆唔批准,話宜家唔夠人做野,要我考慮下先,做多一兩個月先,之後再覆佢,話當冇見過封信。我堅持話個女冇人湊,佢就話叫我放大假頂住先(emoji)(emoji)‍♀️


別墅

積分: 698


發表於 18-10-18 14:42 |顯示全部帖子
雞蛋公主59 發表於 18-10-18 14:32
如果你之前已經預左錢出去租屋及/或湊bb,相信你而家照你當初既plan係冇問題。始終bb既安全係首選,有咩事 ...

我搵唔到育嬰院,話仲係冇位,有百幾人係我前面,啲姨姨我老公就唔放心,所以只係同意話送去托兒所。


大宅

積分: 2674


發表於 18-10-18 14:49 |顯示全部帖子
ORZ新抱 發表於 18-10-18 14:42
我搵唔到育嬰院,話仲係冇位,有百幾人係我前面,啲姨姨我老公就唔放心,所以只係同意話送去托兒所。
...

你老公...即係佢仍然忍受到佢亞媽咁湊冇問題 ,你叫佢自己請假湊囡,請到冇晒年假佢可能有另一種睇法。


子爵府

積分: 12020


發表於 18-10-18 15:51 |顯示全部帖子
ORZ新抱 發表於 18-10-18 14:01
原先係我老公三兄弟連佢啲屋企人同我6299一齊住,咁後尾一知我要嫁入去,同搵緊屋,佢地兩房人就即刻搵地 ...

原來你嫁入去係幫你老公兄弟甩難!佢兩家走得真係快!

當初一早俾晒錢搬走先出聲嘛!


大宅

積分: 4664


發表於 18-10-18 16:13 |顯示全部帖子
ORZ新抱 發表於 18-10-18 14:40
最慘我今日遞埋信,我老闆唔批准,話宜家唔夠人做野,要我考慮下先,做多一兩個月先,之後再覆佢,話當冇 ...

本帖最後由 嘉德莉澳 於 18-10-18 16:14 編輯

政府工,老闆?上級呀?政府工辭職要一個月通知,上級唔收你辭職信(權力有咁大),咁佢點向上頭要人,咁咪永遠唔夠人做野,你唔好理喇,攪掂自己個女同情緒先最重要


公爵府

積分: 28143


發表於 18-10-18 16:13 |顯示全部帖子
ORZ新抱 發表於 18-10-18 14:42
我搵唔到育嬰院,話仲係冇位,有百幾人係我前面,啲姨姨我老公就唔放心,所以只係同意話送去托兒所。
...

你老公有冇腦?你99咁湊法,姨姨正常都會好過佢呀?
根本就算冇個細路係度跳,bb都冇可能擺係梳化啦!碌左落地又唔睇醫生,唔知點解你哋可以忍到囉!
講真,如果你係政府工又真係冇理由辭職,未排到育嬰院咪貴啲俾姨姨湊住先,排到再轉囉!


大宅

積分: 1775

Poo得好勳章 笑得好勳章


發表於 18-10-18 16:50 |顯示全部帖子
你係公務員定政府合約員工?如果是公務員我唔建議你辭職,因人工加跳point 比出面好好多。而且如果是公務員你又做夠2年可申請公務員公屋。我之前排育嬰院1年後才有位,多數是每年8月通知,9月有位。以你依家2人的入息,始終要忍耐,試試找找更高收入的工作。或是一人FTM/FTD,申請公屋。見到你99的反應似乎已好多不滿,裝CAM 同錢方面都要溝通,但錢真係唔可以比少,當家難呀(利申:我女都是99湊,1個月家用2萬)也很現實。


伯爵府

積分: 19431

2011精緻種植勳章 畀面勳章 BK Milk勳章


發表於 18-10-18 16:55 |顯示全部帖子
ORZ新抱 發表於 18-10-18 14:42
我搵唔到育嬰院,話仲係冇位,有百幾人係我前面,啲姨姨我老公就唔放心,所以只係同意話送去托兒所。
...

本地你可以叫佢sent片你睇架


大宅

積分: 1109


發表於 18-10-18 17:03 |顯示全部帖子
ORZ新抱 發表於 18-10-18 14:13
我前排已經打好晒辭職信,同咗我99講,等佢輕鬆啲,唔好咁辛苦,點知又俾人鬧我:點解辭職吖!政府工鐵飯 ...


政府工? 夠資格/年資 拎房屋未?


其實您要想清楚您自已想要咩生活, 然後去做!!!


您係大人, 同時做左媽媽, 唔再係細路女,
果小朋友您唔自已保護就無人保護您小朋友
亦無人保護您。


因為您記著, 您點樣做都會人話/您無法討好所有人, 包括您老公, 您99, 三姑六婆, 您上司。

A 方法又話老公唔得
B 方法又話99唔得。
C 方法又話上司唔得。
D 方法 三姑六婆話唔得。



最緊要想清楚自已條路想點。 然後去做。

想走就搬。就想方法點搬。
想搵人湊, 就去搵有關資料。



您亦唔好覺得您老公有能力解決到問題, 佢係無。






伯爵府

積分: 19431

2011精緻種植勳章 畀面勳章 BK Milk勳章


發表於 18-10-18 17:09 |顯示全部帖子
望月童 發表於 18-10-18 17:03
政府工? 夠資格/年資 拎房屋未?

冇錯
我c6除左比家用
家中所有事都係自己處理面對
做好,交代一聲,佢冇話事權
Bb要報乜班自己去報,
找誰照顧BB冇得話事
負責比錢就可以了


伯爵府

積分: 19431

2011精緻種植勳章 畀面勳章 BK Milk勳章


發表於 18-10-18 17:13 |顯示全部帖子

回覆樓主:

樓主好有修養
遷就到咁多人


大宅

積分: 4292


發表於 18-10-18 17:20 |顯示全部帖子
ORZ新抱 發表於 18-10-18 12:58
其實排緊育嬰院,都仲未有通知,社區保母又full晒

育嬰院唔好諗啦,我排左一年都冇聲氣,索性辭職自己湊,申請公屋,忍幾年走人!

首頁

尾頁

跳至