已用上將接近4年,德國牌子,大陸造,便宜,操作簡單,幾好用,不過機面張操作指示貼紙上D英文文法就笑大人過口。Giw-12N2TG,這款是機背排氣,Giw-12UPN2TG則是機頂排氣。我就用13公升那款Giw-13BMW(TG),
Power大些,連安裝$3600,提起安裝就把火,裝之前我已識做醒左一舊水比個死人總代理師傅叫佢裝得企理D,點知條友都係好似好趕時間咁,拆舊爐時大大力扯鬆了水喉的魚尾碼,事後搵玻璃膠冚窿掩飾。我諗都是煤氣公司貴既原因之一。之後我打電話比佢,條友仔好口爽應承我來搞番掂,最後梗係大隻廣啦!如果,你真係裝的話,要睇緊D個師傅,尤其是裝完後一定要檢查清楚。