威爾斯急症室超唔掂

susi1024169
|
三棵樹 發表於 18-10-18 17:00
護士話 BB 多數都會優先睇,當然佢地都會經過分流。
我老公有次胃痛到死咁濟,都等左大半日,結果佢胃發炎 ...

我仔果時登記時個登記員問咩事黎睇,我比我仔隻手臂佢睇,話唔知咩事無曬力,登記完資料,個職員望一望,叫我等一等,唔夠兩分鐘就已經叫名入房見醫生,分流都skip左

我老公都試過腎痛,痛到好誇張,分流直入話懷疑佢急性盲腸炎,即刻推去做左幾樣檢查(x光、超星波、驗尿、驗血)唔夠1個鐘已經check曬所有野,最後係急性腎炎,打針留醫左兩日
cdn
|
我想講,咁佢其實分流得幾好
flori
|
不如你改下標題為浸會超唔掂 起碼威爾斯要你等14個鐘都睇你但係浸會講明唔收你症
米豬蓮
|
我唔去到無乜意識打死唔行入急症,以我病例一發燒就會入院果種,急症室實在太太太太多人等候見到都怕怕
Rjeuxxx
|
vyhc 發表於 18-10-18 13:40
原來私家醫院都得。
我曾經有朋友都同我講過,交通意外同工傷, 一定要去政府急症。
...

應該咁講,你問agent ,如佢唔熟悉一定係叫你去政府,因為如claim 保險要賠, 因受傷而唔返得工,一定要睇下醫生寫幾多日病假,政府醫院寫病假好嚴,所以保險係一定鐘意政府醫院的報告,佢地唔駛再調查。但c+醫生佢地就真係要成個case 查,睇下有無夾埋醫生呃保險等。樓主這case, 有交通部詳細口供,一切野也易做。唔知樓主媽媽駛唔駛claim 因埋病假,如唔計這項,其他醫療的開支係實報實消,保險公司當然想你成個症都係政府醫院睇啦。我當年全睇c+, claim 自己的意外保同醫療大約十日就claim 晒錢。其實可以claim對方第三保,但要自己比住醫療費先,要等法庭判佐對方有罪,再自己追對方保險,真係漫漫長路。問過agent , 唔會因claim過而有了記錄影響日後保費,所以就claim自己的保險。
cattz288
|
vyhc 發表於 18-10-18 13:40
原來私家醫院都得。
我曾經有朋友都同我講過,交通意外同工傷, 一定要去政府急症。
...

工傷唔駛! 不過如果靠勞保索償, 1次得果300蚊, 去私家睇就要自己比balance喇
huiwo太太
|
我覺得威爾斯OK,人手唔夠睇得出,但之前我囝囝撞到頭穿窿流哂血,由入院分流,見醫生護士,照x-ray, 聯針都係3小時完成。

幫手聯針的護士一腳踢,但都十分有善。
karshing
|
water_ma 發表於 18-10-18 01:32
呢D環境要自己扮下野
又話好暈、想嘔
先至有得快

上次係急症室,見到個女人見完分流護士,即刻呯一聲瞓係地下好似暈咗,但護士就話佢,你即係想點,係咪想睇先,然後送咗個女人入去睇先
zoe_fung
|
咁請教樓主情況應該睇咩醫生
cuccw
|
huiwo太太 發表於 18-10-18 22:25
我覺得威爾斯OK,人手唔夠睇得出,但之前我囝囝撞到頭穿窿流哂血,由入院分流,見醫生護士,照x-ray, 聯針都 ...
咁好好呀,上次阿仔又係穿頭,已叫白車止血,我們怕政府要等,自行去私家醫院看急症,也是用三個小時才完成。現在好多人都買保險,私家都要等,不過感覺上私家睇得仔細d,所以一個症等得耐。
C.Humphrey
|
我會改去其他私家睇,浸會唔休做
政府急症非緊急預左等大半日
Jasmine-4711
|
如你不滿非急症去公立医院等得耐,為何你唔鬧唔肯收你的私家医院先?它才最唔掂。
kamiu0090
|
cccsmc 發表於 18-10-18 01:26
尋日朝早我喺馬鞍山撞車,撞親個頭起咗瘤,同埋頭痛,於是白車車咗我去威爾斯急症室。

10點半我完成分流, ...

真係無事都等到變有事
TMC3012
|
好多好多年前, 親戚撞車斷腳見埋骨都要等, 最後直接去私家

之前c6睇完私家門診夜晚仲差左, 去排急證, 次緊急排十二個, 等到成兩點先有得睇
Bbpeony
|
其實d醫護忙,都真係冇辦法。
有次我小朋友敏感,食哂藥冇好到仲越黎越嚴重,之後醫生寫信叫入院檢查。我地都怕等,問左私家先但話冇得即時有化驗報告,所以都去左威爾斯,分流見到都話嚴重,屬於緊急,但一直講播話有急救病人,結果等左差唔多3個鐘先見到醫生,而醫生第一句就係上病房,要留醫(咩檢查都冇做過)。 係無奈,但真係焗等。
karshing
|
Rjeuxxx 發表於 18-10-18 09:36
我係AIA買,我自己試過比車撞,但唔駛出庭,剩係對方要出庭,被告不小心駕駛。我第一時間睇c+ 醫生,c+醫生 ...

原來政府有交通意外支援,長知識!
傻之達人
|
急嗰啲病人唔會俾你喺大堂見到佢,
而係由白車直入咗急症室R房。。。
applejuicebbchi
|
cccsmc 發表於 18-10-18 01:26
尋日朝早我喺馬鞍山撞車,撞親個頭起咗瘤,同埋頭痛,於是白車車咗我去威爾斯急症室。

10點半我完成分流, ...

陀大囡31週時去威院急証,唔洗一個鐘見醫生。我坐遠左,醫護人員係大叫我個名問我點解坐遠左,唔係坐近急証醫生房附近,佢地係緊張病人架。另外,我daddy 整親眼,我老公骨折,我大囡高燒,都係唔洗一個鐘見醫生了。分別係發生2年前,4年前,6年前同14年
前的威記。樓主唔好介意啦。應該衹係非緊急,所以等得耐
Angleman
|
我本身心臟有事,所以每次入威記都一定係緊急,最多唔超過十五分鐘,如果冇即時生命危險,次緊急真係會等好耐架,因為真係有好多好小事既人都去急症睇
Rjeuxxx
|
karshing 發表於 18-10-19 00:06
原來政府有交通意外支援,長知識!

有,而且係不論過失,即比人撞定你撞人,合資格就可領取。合資格人士係要有口供紙,即交通部幫你落的詳細口供,而唔係意外當日警察來到備案的那份口供,而且要有醫生寫病假係因為這種交通意外,通常私加醫生會好願意寫多幾日我當時睇了4 次醫生,總供寫佐21 病假。當中有四日係醫院,照MRI, 同物理治療。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽