工人姐姐衣櫃問題

軒旻媽咪
|
我工人姐姐同我大仔一間房,大仔得4歲,D衫褲細細件所以全部加起來只擺得3格衣櫃。工人姐姐剛來時已同佢講佢可以用4格衣櫃裝衫,另還有2格裝她拖床的枕頭和被。還留了一個大空間給她放她的3個喼。
但我發現她經常將她的枕頭和她睡覺抱的公仔放在我仔張床上,我就打開仔間房的衣櫃睇下,發現除了我仔放咗衫那3格,全部被她裝滿自己東西了。
我唔中意佢將佢D也放喺我仔床上,同埋唔想佢霸曬全部櫃。
想問下BK的JM們,你地會比工人姐姐咁做嗎?
軒旻媽咪
|
佢啱黎的時候衣物味道超大,大到佢一開柜拿自己衣物成間房都果陣味。我特登買左衣櫃除臭,放入去先闢到陣味(都唔知喺咪宜家聞慣咗唔覺
YeungHT
|
規定位置俾佢放,佢哋多多位置都吾夠用,香港地寸金尺土,你可以俾佢放三個喼已經超乎我想像啦!我家姐姐都會側側膊吾多覺咁將佢啲私人物品放出黎,開始就冇話佢,點知越擺越多,出聲講清楚就冇咁離譜。所以每次見到吾對路就要即刻制止。因為佢地下下試我地啲底線。
點評
wcpcelia    發表於 18-10-20 15:48
MichEAL82
|
我個姐姐一入屋就同佢講,佢嘅嘢只可以擺邊道邊道,係指定範圍以外嘅嘢我會直接掉咗佢,唔會事先通知。

所以即使佢而家越買越多嘢,多都指定範圍唔夠位擺,都只夠膽擺上自己張床,搞到自己得返半張床瞓。

佢哋成日陰啲陰啲搏大霧,入屋前一定要講清楚,或而家你覺得有問題一定要出聲,唔係佢個越霸越多位㗎!
軒旻媽咪
|
YeungHT 發表於 18-10-19 12:08
規定位置俾佢放,佢哋多多位置都吾夠用,香港地寸金尺土,你可以俾佢放三個喼已經超乎我想像啦!我家姐姐都 ...

因為啱搬的屋,暫時冇咩雜物,再加屋企做咗好多櫃同地櫃,所以有好多儲物空間。好的,謝謝你呀,返工翻去再同佢講清楚。
軒旻媽咪
|
MichEAL82 發表於 18-10-19 13:01
我個姐姐一入屋就同佢講,佢嘅嘢只可以擺邊道邊道,係指定範圍以外嘅嘢我會直接掉咗佢,唔會事先通知。

所 ...

喺呀!我都覺我個姐姐喺咁,喺咁試底線,今晚我要同佢講清楚!多謝你的回復呀!
red52
|
佢有三個喼 係你屋企做左好耐(emoji)你已經算好好好喇有咁多位畀佢擺 不過吾中意真係要出聲 否則佢越擺越多
軒旻媽咪
|
red52 發表於 18-10-19 13:54
佢有三個喼 係你屋企做左好耐(emoji)你已經算好好好喇有咁多位畀佢擺 不過吾中意真係要出聲 否則佢越擺越多 ...

唔喺,一共做咗三個幾月。上一個僱主度做咗6年后完約直接黎我屋企,做咗一個月先翻印3個禮拜再翻我屋企。
channin
|
小心工人的物品。很多是不明來歷的(例如執番来)會有蝨或是故衣
ninachu
|
軒旻媽咪 發表於 18-10-19 10:22
我工人姐姐同我大仔一間房,大仔得4歲,D衫褲細細件所以全部加起來只擺得3格衣櫃。工人姐姐剛來時已同佢講 ...

比限期佢(兩星期)要清櫃,否則掉

day 1開始我只比工人keep1個喼,4對鞋,2格大櫃桶,多出黎D衫鞋袋我一定掉,工人知我底線,放假佢會清(可能放同鄉個度或寄返去)
ChineseHK
|
所有東西要工人放在她自己房(內有床,衣柜及雜物柜)。。。。除了兩對鞋可放我們鞋柜(她有7 , 8對鞋)
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽