終於遇到好姐姐但奶奶唔鍾意佢點算

cherriesit
|
首先背景我地兩公婆返工,有一個歲半BB,唔同奶奶一齊住,但奶奶每日下午過來幾個鐘睇住BB+煲湯,姐姐去買餸。之前由BB出世至今個月請咗個姐姐,但偷錢、唔話得、唔同BB玩淨係玩電話,卒之完約即搵新姐姐。嗰陣時奶奶對舊姐姐諸多不滿,但因為我地都對舊姐姐不滿,所以同一陣線,同仇敵愾,反而同奶奶冇咩衝突。
好啦,新姐姐來了。好笑容,識廣東話,鍾意同BB玩,又會教佢嘢,仲要煮飯煲湯樣樣都好掂。我地兩公婆不知幾慶幸。但奶奶一如既往批評姐姐,咩都睇唔順眼,搞到姐姐第二日已經驚到喊⋯
我真係好擔心,因為已經來咗我屋企年幾又冇可能趕奶奶走。但奶奶真係唔鍾意呢個姐姐(又或者呢個世界上冇一個姐姐佢會滿意都唔定),原因如下:
1、樣貌唔靚
2、煮飯方式同自己唔同
3、覺得自己好叻
仲有好多奇怪理由,不能盡錄。
我地真係好珍惜呢個新姐姐,但奶奶又對佢態度好差,可以想像幾難頂!超怕佢唔撈呀
有咩辦法呢?
Yanyan0904
|
直接同99講,依加新姐姐你覺得幾好,樣樣掂,唔想佢太辛苦走上黎
講唔掂就叫c6出聲,再唔掂就話把鎖俾c6整壞左直情換鎖,當然唔好配俾99
stkyo
|
叫99少D過嚟,餸就一日買兩日,湯就周未等你兩公婆放假可以睇BB個陣先煲
SabrinaR
|
本帖最後由 SabrinaR 於 18-10-19 23:50 編輯

同佢講整走左姐姐你要辭職做ftm湊b
到時頭家靠哂佢個仔養
cherriesit
|
Yanyan0904 發表於 18-10-19 23:46
直接同99講,依加新姐姐你覺得幾好,樣樣掂,唔想佢太辛苦走上黎
講唔掂就叫c6出聲,再唔掂就話把鎖俾c6整 ...

我已經和c6溝通,但c6覺得咁樣即係同呀媽講我地要姐姐唔要呀媽⋯⋯同埋我99唔返工,得我c6一粒仔,又冇咩嗜好,每日過來幫手睇住BB已經持續年幾

cherriesit
|
stkyo 發表於 18-10-19 23:47
叫99少D過嚟,餸就一日買兩日,湯就周未等你兩公婆放假可以睇BB個陣先煲

其實一開始係隔日黎、買兩日餸,但隨住BB越來越好玩得意,佢就變咗日日都黎,好掛住個孫。其實我初時都好感激佢肯過來幫手,等姐姐可以出去透下氣,唔使孭住個B買餸,又煲湯比我地飲。我真係好感激佢㗎,但奈何佢份人真係好難相處(連我老公都認),睇人地做嘢就乜都要雞蛋挑骨頭。新姐姐雖然能力好得,又有十幾年經驗,都比佢搞喊
PCCW2319
|
cherriesit 發表於 18-10-19 23:41
首先背景我地兩公婆返工,有一個歲半BB,唔同奶奶一齊住,但奶奶每日下午過來幾個鐘睇住BB+煲湯,姐姐去買 ...

同99講, 呢個姐姐你2公都好滿意。 外面工人比舊工人衰百倍都有。如果呢個姐姐辭工唔做。你地又要花萬幾2萬蚊請新工人。

如果再請個衰或又頂唔順辭職唔做, 又再花萬幾2萬, 請新工人。

提醒你奶奶, 工人會自己辭職唔做, 唔係一定僱主唔滿意至走人。
Lindytiger
|
cherriesit 發表於 18-10-19 23:52
我已經和c6溝通,但c6覺得咁樣即係同呀媽講我地要姐姐唔要呀媽⋯⋯同埋我99唔返工,得我c6一粒仔,又冇咩 ...

好多老人家都會對工人好高要求,初初頭幾個尤其是。可以安排奶奶係屋企既時候,叫姐姐出去買餸,減少相處時間嗎?另一方面,都叫姐姐係煮食方面盡量跟奶奶要求,因為老人家好多時對呢方面都好執著。
cherriesit
|
SabrinaR 發表於 18-10-19 23:50
同佢講整走左姐姐你要辭職做ftm湊b
到時頭家靠哂佢個仔養

我老公已經放話幾次了,次次咁講佢就冇嘢講
但轉個頭又繼續指指點點,篤篤篤
點評
wcpcelia    發表於 18-10-20 17:06
cherriesit
|
PCCW2319 發表於 18-10-19 23:58
同99講, 呢個姐姐你2公都好滿意。 外面工人比舊工人衰百倍都有。如果呢個姐姐辭工唔做。你地又要花萬幾2萬 ...

多謝你嘅提議,我會叫C6提醒佢!
呢個世界最神奇嘅係,舊工人走咗,佢竟然話舊工人幾好幾好,做嘢又快又湊得個B掂,偷錢黑面呼呼喝喝嗰D嘢就唔提,我真係比佢吹漲!
cherriesit
|
PCCW2319 發表於 18-10-19 23:58
同99講, 呢個姐姐你2公都好滿意。 外面工人比舊工人衰百倍都有。如果呢個姐姐辭工唔做。你地又要花萬幾2萬 ...

補充:之前對舊工人最不滿嗰個就係佢。逢禮拜日就開批鬥大會,逐樣數人地
Lindytiger
|
cherriesit 發表於 18-10-20 00:05
補充:之前對舊工人最不滿嗰個就係佢。逢禮拜日就開批鬥大會,逐樣數人地
...

典型覺得工人咩都唔及自己好既長老
PCCW2319
|
cherriesit 發表於 18-10-20 00:04
多謝你嘅提議,我會叫C6提醒佢!
呢個世界最神奇嘅係,舊工人走咗,佢竟然話舊工人幾好幾好,做嘢又快又湊 ...

你奶奶可能以為簽左2年約, 工人一定唔可以自己辭工, 除非僱主炒佢魷魚。
美之選468
|
你99都好挑剔吓wo ? 但第一個理由很奇怪,如果姐姐靚就不用做工人啦? 直接做明星啦? 話是話.....你99到底是請工人還是揀明星呀?
Lindytiger
|
不如問下奶奶,如果佢咁唔鍾意,不如唔好要工人。咁佢帶埋阿b 出街買餸、病左都要湊住bb 係咪ok? 如果奶奶話ok, 就試多次。試完幾個月應該會唔再做百彈齋主
Nbs
|
應該無一個姐姐你99 係會滿意,你請邊個都係一樣。
你係僱主你先係boss, 話比姐姐聽唔使理唔使介意99, 直頭唔使聽佢講。其實話之你99 幾唔滿意,你滿意姐姐就得喇,tum 返姐姐開心啦。好既姐姐真係難求,佢唔做你嗰到都大把其他地方做架。 (我自己都識幾個人搵緊姐姐,包括自己)
850212
|
好難攪,呢啲老人唔會改 ,一係大大獲鬧佢一次,收鎖匙,不過你地應該做唔出,一係扮話要辭職,個工人咁唔掂要自己湊返,要講到似層層令奶奶信以為真。
imlcc
|
cherriesit 發表於 18-10-20 00:04
多謝你嘅提議,我會叫C6提醒佢!
呢個世界最神奇嘅係,舊工人走咗,佢竟然話舊工人幾好幾好,做嘢又快又湊 ...

同我阿媽一樣,之前見親我就數舊工人不是,到舊嘅走咗新嘅嚟,就開始係咁讚舊工人,話新嗰個唔好,我都廢事理佢,叫佢一係炒咗個新工人,以後唔請,老豆入老人院,屋企嘢佢自己做哂,佢即時收聲,但第二次見面佢又再次無限loop,好似失憶咁。
cherriesit
|
Lindytiger 發表於 18-10-19 23:59
好多老人家都會對工人好高要求,初初頭幾個尤其是。可以安排奶奶係屋企既時候,叫姐姐出去買餸,減少相處 ...

其實一直都係奶奶來,工人去買餸。所以佢其實都幫輕好多!但煮餸方面,其實現工人好多習慣係正常、衛生、科學、好食過我奶奶,其實我地都唔係好想佢跟奶奶嗰套。舊姐姐乜都唔理,奶奶點都得,但新工人有自己堅持,覺得為BB健康唔可以用奶奶嗰套,所以都激嬲奶奶。
具體事件,比如我奶奶蒸魚或肉從不計時,只是憑感覺熟咗就食。但新工人話肉餅要蒸十五分鐘,時間未夠,(據工人講D蛋液有些都仲係液體狀⋯),我奶奶即刻話我幾十年人都係咁煮餸,你依家話我唔識煮餸?!但新姐姐就覺得為咗BB健康要出聲。(關於奶奶煮飯,仲有好多好多我C6都難以忍受嘅習慣,以及衛生堪憂,呢度講唔到咁多。簡單講一個例子就係我c6曾經試過食炒白菜食到百潔布,即刻嘔出來+終生難忘。另外例如:浴室企缸斬雞,因為覺得好油⋯
cherriesit
|
Lindytiger 發表於 18-10-20 00:07
典型覺得工人咩都唔及自己好既長老

Exactly!另外我覺得佢其實可能覺得自己是一家煮婦、同埋負責煲湯比我地嘅身分受到少少威脅
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽