都係少d帶小朋友去公共圖書館睇書

幻想曲
|
本帖最後由 幻想曲 於 18-10-20 00:19 編輯

大家是否經常帶小朋友去圖書館睇書?喺就留意呢篇報道:

公共圖書館地氈書本成細菌溫床 或會感染流感及腸病毒

近日馬鞍山圖書館兒童部的衛生情況令人關注,更有網民形容「一入門口已經聞到陣臭味」,兒童圖書館是小朋友經常流連的地方,特別是周末及長假期,事件令其他區的家長亦為之擔憂,畢竟看書看到病,任何家長都不能接受。

衛生是承辦商與家長的責任 有機會中流感

中文大學兒科學系教授韓錦倫認為:「圖書館衛生情況惡劣,一方面是政府清潔承辦商責任,另一方面是家長和使用者的責任,欠缺公德心,有家長沒有管好自己的小朋友,例如在館內吃喝等。」

韓教授更直言,地氈這個設計存在很多問題,現時很多新興建築都開始避免使用,其一是難以清潔,如有小朋友嘔吐便十分麻煩,還容易累積塵垢,小朋友在圖書館骯髒的地氈上安坐看書,有機會染上手足口病和腸病毒,亦會有機會引起敏感和氣管問題,情況和波波池相近,流感病毒都會有機會傳染得到。

書本衛生問題難以拆解

記者早前在九龍城和新蒲崗公共圖書舘共借了8本書,每本書的封面也用濕紙巾加酒精抹後,發現整張紙巾滿佈黑色污漬,相當嚇人!而在兒童圖書所見,有小朋友一邊看書一邊挖鼻,亦有小朋友將書放在地上閱讀,也有人一邊喝飲料一邊看書,更甚的是見過有小朋友打噴嚏噴到書本上,令人擔心到圖書館書籍的衛生問題。當你借書回家,甚至放在床上閱讀,這不就是代表着將細菌帶回家?

現時香港各區的公共圖書館並沒有圖書消毒機,館方會相隔多久清潔圖書?康樂及文化事務署回覆記者查詢時指館方沒有指定清潔書籍的日期,只要見到書籍有污漬就會清潔,「日常負責借還圖書館資料的職員、負責排序及重新上架的員工,若發現書籍、舊報紙或雜誌等圖書館資料附有污漬或不潔物,會將該些資料即時抽起,另行處理及清潔,經清潔後的資料會重新上架,安排外借。」康文署強調基於衛生原因,附有嚴重污漬而未能清潔及繼續借閱的圖書館資料,圖書館會考慮安排註銷。

韓教授認為,公共圖書的衛生情況可以說是解決不到之事,一般人只可以用酒精抹一抹封面,內頁紙的部分則難以處理,用酒精只會破壞書本耐用度,更重要的是,觀看者為小朋友,你叫小朋友看書時不要「摸鼻捽眼」相當有難度,家長惟一可以做的就是看書前後記得洗乾淨雙手。

物極必反 過分乾淨也不是好事

中文大學兒科學系教授韓錦倫最後強調,因為衛生問題而令小朋友失去閱讀興趣是相當可惜之事,不過亦提醒家長不要追求過分的「乾淨」。其實已有不少研究指出,都市人反而比較多「敏感」問題,例如氣管、皮膚等,而從事畜牧業家庭,例如比利時養奶牛或內地的養雞場,他們的生活環境相對都市更「不乾淨」,但他們反而更健康,因此過分乾淨其實免疫能力都會有影響。

From : hk01
appledai
|
這都驚,怎麼出門?
yurijm
|
而家公共圖書館都有電子書借閱
呢篇報導應該介紹下嘛
最好加強推廣
電子書真係幾方便㗎

點評
wcpcelia    發表於 18-10-21 17:11
Poyau
|
謝謝提醒 睇完消毒雙手
EstrellaDamm
|
幻想曲 發表於 18-10-20 00:17
大家是否經常帶小朋友去圖書館睇書?喺就留意呢篇報道:

公共圖書館地氈書本成細菌溫床 或會感染流感及腸 ...

冇驚咁多。睇完書洗手囉。
龍貓車
|
我都係因為呢個原因從來都無喺圖書館借過書
自己想睇嘅就會去買
bluetulip
|
本帖最後由 bluetulip 於 18-10-20 04:16 編輯

其實何止公共圖書館,所有公家嘢都咁上下,莫非要用保鮮紙包住個細路,留佢係溫室生活?
鍾意睇書的細路,屋企就算有錢有地方都滿足唔到佢,所以去圖書館係好開心,就算唔帶佢去公共圖書館,學校都有圖書館堂同閱讀課,日日都要帶本公家書返屋企,與其斬腳趾避沙蟲,不如提醒佢睇完要洗手
bosch
|
我諗d 仔女應該污糟過d 書。
忌廉寶寶
|
龍貓車 發表於 18-10-20 02:53
我都係因為呢個原因從來都無喺圖書館借過書
自己想睇嘅就會去買
...

但係而家書局d書都係任人睇,但感覺上乾淨d
其實我覺得佢可以拆一本出黎比人揭,其他用膠袋包番,咁有心想買既人睇完sample可以確保自己嗰本係全新

MeowMuiMui123
|
會帶呀。走之前洗手。
人總會病嫁,咁搞法,遲早就要日日坐屋企
beehoneybee
|
古法:周街跑,就是更加要令小朋友變細菌人,百毒不侵。
cakii
|

Astra00
|
正常家長,多數借完書就走,就算借,都盡量選一本新淨來借。怕咁多野,咁所有公共設施都不用,咁就最好。
小華子
|
其實有啲書真係好污糟,裡面有鼻屎、痰漬我都見過,通常係連受歡迎嘅書出現率甚高。
所以我只會借少人借嘅書,感覺應該乾淨啲。
cattz288
|
點解唔用紫外光燈照下黎殺菌?
大力大力
|
appledai 發表於 18-10-20 00:20
這都驚,怎麼出門?

x 2
人類本身就有擴箘能力,睇下山區小童,亦腳滿腳泥濘通山走,一樣健健康康~

做父母太溺爱小朋友不是好事,尤其男孩從少便要訓練到好硬淨,以後才能在弱肉強食的社會生存,養妻活兒~
happybebebe
|
多餘
gracelam
|
幻想曲 發表於 18-10-20 00:17
大家是否經常帶小朋友去圖書館睇書?喺就留意呢篇報道:

公共圖書館地氈書本成細菌溫床 或會感染流感及腸 ...

其實唔止圖書館, playroom, 遊樂場, 泳池等多人多小朋友地方就多細菌,注意個人衛生, 除非唔出街玩。
點評
wcpcelia    發表於 18-10-21 17:11
Onlok
|
其實而家啲菌真你多過以前 不過,過分保護同緊張只會令自己小孩變得更脆弱。
諗起我親戚,生第一胎時緊到好似要保持無菌狀態咁,已經歲幾每次同個女出街一定帶一大個旅行袋,連去大家屋企都係咁。要帶私家餐,,私家餐具,私家熱水。掂下人哋屋企啲嘢要即消毒。叫佢唔好過分緊張,佢就話因啊女易病。叫佢去公園玩下曬下太陽,佢又話公園污漕 成日要睇醫生,未夠三歲連因為跌襯連腦都照埋。不過大家點講都無用,都費事講。
到後嚟生第二個,終於正常返,又話要接觸下出面先無咁易病,連用手攞嘢食都俾,.......。
小鳥兒
|
無咩好擔心,去圖書館係好開心既親子活動
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽