小學雞問題,請大家俾啲意見

小蘋果2號
|
小兒3年級,學校係分組坐,今年開學時,小兒已經話同組有個同學仔頗曳,成日搞同組同學嘅文具,踢腳,撩鼻屎整落同學張枱等,我個仔當然都係受害者之一。

不過我見呢啲都係小事,只係提議亞仔揾老師,咁我就無多理。
小蘋果2號
|
(續)
過左個幾月,亞仔每日返唻都有講嗰個同學仔點曳,都係呢啲小問題,但我見開始影響亞仔心情,就建議佢認真同班主任傾,但亞仔話班主任好信呢位同學 (呢位同學連續3年做服務生,老師話唔乖唔會有得做),所以亞仔唔肯同班主任講,仲話如果同班主任講會俾佢話。

我初時以為自己個仔細膽,因為感覺呢位班主任不錯,應該唔會咁。點知早兩日得知亞仔同組有位同學和呢位服務生有少許言語衝突,班主任真係即刻話另外一位同學,仲話服務生為大家服務,叫呢位同學唔好再投訴。
小蘋果2號
|
(續)
再細問亞仔之下,佢話佢之前都試過。個服務生同學仔趁班主任不為意搞佢,仔出聲叫佢停,反被班主任叫仔要專心上堂唔好嘈。所以亞仔而家多數無視呢位同學嘅騷擾,免被班主任責罵。

不過,又唔係每位老師都咁偏愛呢位服務生,有啲老師都親眼見過佢嘅行為,會話佢,而亞仔而家就選擇會喺呢啲堂先投訴。
birdbird
|
小蘋果2號 發表於 18-10-20 08:44
(續)
再細問亞仔之下,佢話佢之前都試過。個服務生同學仔趁班主任不為意搞佢,仔出聲叫佢停,反被班主任叫 ...

你仔其實已經進化咗, 知道咩情況之下投訴才受理, 現在看来, 佢仍處理得到呢個同学。你只要繼續做聆聽者, 如情況有惡化去到有身體傷害, 你就要跟老師跟進。
小蘋果2號
|
(續)
問題係,班主任嘅堂最多,呢位服務生又好醒目,成日趁老師睇唔到先出手,但投訴嘅同學反被話,令到小朋友覺得不公和無助。

理想化地諗,梗係教佢要鼓起勇氣同班主任講,唔好怕事啦。但實際上我又覺得個仔咁做都無可厚非,明知班主任唔buy就避一避先,咁做又無話唔岩。

請問各位媽媽又會點教個仔處理呢?
小蘋果2號
|
birdbird 發表於 18-10-20 08:53
你仔其實已經進化咗, 知道咩情況之下投訴才受理, 現在看来, 佢仍處理得到呢個同学。你只要繼續做聆聽者, ...

慶幸呢位同學只係做啲小事去騷擾,未去到傷害,所以我先可以安心讓亞仔去處理。
Poyau
|
學校為社會縮影 早些面對雙面人未尚不好
Protea
|
有d同學係聰明絕頂, 老師忙亦未必事事清楚, 如果係我, 我會用電話同班主任聯絡, 詳細講呢d事比佢知, 只是同老師溝通等佢留意下唔係投訴。
點評
wcpcelia    發表於 18-10-20 17:12
BBG520
|
如果佢真係成日攪攪震,我會打比學校同班主任傾下,通常都會問返事發時旣學生,睇下亞仔返黎點講,如無改善就同訓導主任傾下
wan_sosin
|
我仔遇過幾類似的情況,扮乖學生明明是年頭大仔持住自己生得細粒扮乖巧扮可愛,老師好錫佢,幫到出面。於是成日整鬼同學仲要屈返同學轉頭話同學蝦佢。
呢種情況唯有小朋友自己執生,唔好諗住老師真係可以持平,實質好老師難求。
你囝囝已經好醒目,無視呢位同學就得,唔開心鼓勵佢返嚟同多D你講,總有調位的一天。人生好多時都不能選擇同咩人一齊,當學一課囉!不過小朋友係真係慘嘅!要多D關心下佢。
Amy1974
|
本帖最後由 Amy1974 於 18-10-20 21:10 編輯


。。。
小蘋果2號
|
Amy1974 發表於 18-10-20 09:14
回覆 小蘋果2號 的帖子

呢個提議都試過,好辛苦鼓勵個仔踏出一步去找老師,但另外兩位同學又唔肯去。

同樣地,有一位同學被班主任責備時,我都有叫個仔出聲,但亞仔話老師好惡,佢唔敢講。

我都唔知應該點建議好,一方面當然希望仔仔勇敢啲,點都要幫同學幫自己。但另一方面又擔心萬一佢出左聲但被忽視或甚責備,係咪應該讓佢先避一避呢?所以頭痛中
南丁媽咪
|
與人相處,社交技巧,是要磨合,是要學習
不如同小朋友一齊商量點處理點面對
好過直接介入


Jasmine-4711
|
小蘋果2號 發表於 18-10-20 09:21
呢個提議都試過,好辛苦鼓勵個仔踏出一步去找老師,但另外兩位同學又唔肯去。

同樣地,有一位同學被班主 ...

本帖最後由 Jasmine-4711 於 18-10-20 09:38 編輯

如三個家長打電話俾班主任,佢唔信就要求調组。

告訴她,如調组後,新的组員也投訴那位同學,咁要正視下個問題。

趁学期初快d做,大考前得罪班主任就冇運行。但如大考前已鐵証如山,她不可不理,不理就請所有被他蝦的同学之家長一齊打電話俾訓導主任。

小四或以後投訴就有危險。報中学要交中四至中六成績,包括操行。唔想個仔被蝦多幾年,小三仲可博一博得罪改卷的班主任。
小蘋果2號
|
南丁媽咪 發表於 18-10-20 09:27
與人相處,社交技巧,是要磨合,是要學習
不如同小朋友一齊商量點處理點面對
好過直接介入

我都係咁諗,尤其係班主任而家已經覺得係佢哋幾個小朋友夾埋蝦服務生,如果家長再介入,怕有反效果。

至於點處理件事,我都仲諗緊,所以先上唻問下意見。
小蘋果2號
|
wan_sosin 發表於 18-10-20 09:10
我仔遇過幾類似的情況,扮乖學生明明是年頭大仔持住自己生得細粒扮乖巧扮可愛,老師好錫佢,幫到出面。於是 ...

當初我都不以為意,因為都明白小朋友係鍾意投訴。但到而家眼見佢同啲同學開始感到無助,什至覺得講都無用,班主任唔會理,我就覺得要正視。你都講得岩,多聆聽可能都幫到佢,起碼令佢明白父母會支持佢。
yamaneko
|
你提過有其它老師都有留意到服務生間中頑皮的情況。如果家長去找那些老師提議一下,會不會好些?
小蘋果2號
|
yamaneko 發表於 18-10-20 09:43
你提過有其它老師都有留意到服務生間中頑皮的情況。如果家長去找那些老師提議一下,會不會好些?
...

但越過班主任會否不妥當?
Jasmine-4711
|
在社會,应付惡霸係要避,不是你兒子社交出問題。

但那兒是学校,除了成績,也要教德育。那位同学如永不被罰,人人退缩,他只會越演越烈,將來出去社會真的會成為惡霸。在学校裹出事,教育惡霸改邪歸正是老師及訓導主任的責任,這才是全人教育。
思澄爸爸
|
小蘋果2號 發表於 18-10-20 08:31
小兒3年級,學校係分組坐,今年開學時,小兒已經話同組有個同學仔頗曳,成日搞同組同學嘅文具,踢腳,撩鼻 ...

聽落老師頗偏幫呢位服務生。大家有關係?定老師本身知道呢位同學有問題例如過度活躍什麼什麼之類而想其他同學包容佢?!
除了叫阿仔主動向老師家人反映及適當地迴避佢,同學仔再進一步的話,可能你都要趁同老師講電話,家長日時同老師反映。d老師有時真係會得過且過hea咗小朋友提出嘅問題唔想處理。再無法容忍時,當有機會接觸到對家長時溫和婉轉反映一下。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽