自由講場

跳至

首頁
12345...7

尾頁
   11


大宅

積分: 3477


發表於 18-10-20 22:45 |顯示全部帖子
背景:大仔今年小一,細女3歲。女好愛哥哥,直頭當佢係偶像,哥哥都會同佢玩,但有時會蝦佢鬧佢。我一直覺得哥哥雖然有少少頑皮,情緒控制麻麻,但也是善良的,直到升小學後。。。

呢兩個星期我發覺哥哥越來越曳,成日講大話,又會指罵工人姐姐。

今日更加離譜,我一放工返屋企,姐姐立即投訴哥哥好曳,我未見過姐姐咁嬲,原來發生2件事。

一,姐姐去洗手間時,哥哥無端端話驚,妹立即去安慰哥哥,攬住佢叫佢唔好驚,之後哥哥就同妹攬埋一舊玩(CCTV睇唔到,只聽到過程),哥哥突然咬妹手臂,咬到少少流血。



大宅

積分: 3477


發表於 18-10-20 22:47 |顯示全部帖子
二,姐姐發現哥哥突然有張$100,懷疑佢偷錢,哥哥上星期喺我放coins嘅杯已經偷過$,我已經好嚴勵話&罰佢,所以姐姐一見佢有$立即通知我。

我一入屋就先處理佢&妹,佢開頭話妹曳,壓住佢,佢太嬲先咬妹。我當然知佢講大話,所以俾CCTV佢睇。當我話佢時,妹妹走過來叫我唔好鬧哥哥,因為佢唔小心,我果刻真係好心痛,點解哥哥咁唔懂事,之後一輪訓話後,要哥哥幫佢貼膠布,再攬返妹妹。



大宅

積分: 3477


發表於 18-10-20 22:47 |顯示全部帖子
然後,再處理偷$,我盡力控制自己,平心靜氣問佢張$100點得來,佢無講大話,話上星期喺我手袋拎,想小息買燒賣食,但又因為知道偷是錯,所以一直無用到。我用左半個小時去講偷$嚴重性,叫佢之後唔可以再做。

我無罰到哥哥,因為呢幾個星期,佢太太太曳,我狂罰佢,但發覺越罰越曳,所以知道未必work,所以我試下企喺佢立場去想,最後我仲同佢講,每個星期有$5零用錢,教佢點理財,希望從此建立佢對$正確觀念。



大宅

積分: 3477


發表於 18-10-20 22:48 |顯示全部帖子
我呢幾個星期真的好攰,好無助,唔知點解個仔上小學後點解會甘大轉變,更加唔知我應該從咩方向教佢有冇jm有類似經驗,指點下


最後,請各位高抬貴手,我已經負能量爆燈,純粹揾個地方發洩一下,唔好惡言相向,唔鐘意請路過



伯爵府

積分: 19425

BK Milk勳章


發表於 18-10-20 22:50 |顯示全部帖子
本帖最後由 appledai 於 18-10-20 22:51 編輯

冷靜,我剛才都在想如果可以重來,我一定不生,可是,沒有如果。。。
向學校,社工求助。我就是在絕望的時候打電話學校求助,學校有輔導主任。現在有社工幫助遊戲治療。媽媽加油


水晶宮

積分: 73495


發表於 18-10-20 22:53 |顯示全部帖子
真的幾難教,同時亦比較聰明,只能說忍耐比心機教!

點評

wcpcelia    發表於 18-10-21 16:38
自由太多會令世人失去平衡


珊瑚宮

積分: 113640

HiPP勳章(1) 2018父親節勳章 2018復活節勳章 畀面勳章 BK猜猜猜慶中秋 hashtag影視迷勳章


發表於 18-10-20 22:55 |顯示全部帖子
naigai 發表於 18-10-20 22:47
然後,再處理偷$,我盡力控制自己,平心靜氣問佢張$100點得來,佢無講大話,話上星期喺我手袋拎,想小息買 ...

我覺得你處理得好好,畢竟每個小朋友性格唔一樣,你好細心,亦好有耐性,加油呀


男爵府

積分: 6985


發表於 18-10-20 22:55 |顯示全部帖子

回覆樓主:

本帖最後由 YuiYeeMa 於 18-10-20 22:57 編輯

小一如果學校有小食部應該每天都要給零用錢,每星期五元一定不夠,他可能因其他同學可以買零食而被取笑或孤立,才把學校的唔開心帶了回家發洩。樓主,先和孩子談談學校生活,先了解他的需要吧


翡翠宮

積分: 90941

2024年龍年勳章 2018復活節勳章 畀面勳章


發表於 18-10-20 23:02 |顯示全部帖子
naigai 發表於 18-10-20 22:48
我呢幾個星期真的好攰,好無助,唔知點解個仔上小學後點解會甘大轉變,更加唔知我應該從咩方向教佢有冇jm有 ...

我好明白,因为每一個小朋友都獨特,其實無一定可行方法,有一個爸爸曾經同我分享自己細個係点教都唔聽,入咗男童院先識驚先知屋企好。 佢個仔似咗所以佢只係将男童院恐怖事講晒俾佢個仔知,之後佢就放手俾個仔自己行。 係好無奈,但佢話仔有時係咁,我地係女人未必明。


水晶宮

積分: 61450

2024年龍年勳章 2024勳章 2023年兔年勳章 虎到金來勳章 牛年勳章 HiPP勳章(1) 2018父親節勳章 2018復活節勳章 15週年勳章 畀面勳章 好媽媽勳章 醒目開學勳章 BK Milk勳章 hashtag旅遊勳章 hashtag影視迷勳章 認識瑞士牛牛第一回 認識瑞士牛牛第二回 認識瑞士牛牛第四回 最關心BB問題熱投勳章 Xmas吸收勳章 美好大世界2017勳章 開心吸收勳章 食得好勳章 笑得好勳章


發表於 18-10-20 23:05 |顯示全部帖子
問題應該從源頭做起,就係點解佢唔對你講真話?溝通出現問題?想買小食唔係問題,點解選擇偷都唔想直接問你取?大人好多時都用左大人做法去處理問題,咁小朋友除左怕之外就什麼都沒有,你多點企係佢角度想,亦叫佢多點企係妹妹角度睇,學懂互換角色睇事情,好多問題根本不是問題,放鬆一點,教仔無天書亦不止一條公式。加油!路雖慢長,但你不是孤單一人。


子爵府

積分: 10159


發表於 18-10-20 23:05 |顯示全部帖子
naigai 發表於 18-10-20 22:48
我呢幾個星期真的好攰,好無助,唔知點解個仔上小學後點解會甘大轉變,更加唔知我應該從咩方向教佢有冇jm有 ...

本帖最後由 章太郎 於 18-10-21 01:51 編輯


點評

appledai    發表於 18-10-20 23:21


翡翠宮

積分: 90456

2024年龍年勳章 2024勳章 2023年兔年勳章 虎到金來勳章 減齡達人勳章 牛年勳章


發表於 18-10-20 23:07 |顯示全部帖子
YuiYeeMa 發表於 18-10-20 22:55
小一如果學校有小食部應該每天都要給零用錢,每星期五元一定不夠,他可能因其他同學可以買零食而被取笑或孤 ...

我都覺$5 一星期太少
一日$5差不多
我細個講緊廿幾年前都$1日
呀仔返到學校睇住人地有得買野食自己on居居坐下行下又無得同其他小朋友分享零食,實好唔開心


子爵府

積分: 13500


發表於 18-10-20 23:09 |顯示全部帖子

回覆樓主:

我覺得你處理方法唔錯喎。可能小朋友需要時間去理解和接受。媽媽加油!


子爵府

積分: 14742

親子王國15週年勳章


發表於 18-10-20 23:16 |顯示全部帖子

回覆樓主:

本帖最後由 leecnine 於 18-10-20 23:17 編輯

上小一係一個小轉變,我都明白男仔好難教,鬧之餘,我會揾日同佢去食麥當勞,或者佢好鍾意食的餐廳,同佢傾計,輕鬆d,問下佢嘜野原因偷錢,叫佢大膽d講,講明一定唔會鬧佢罰佢,等佢肯同你講真心話。當然聽左之後唔好怪佢鬧佢,用平常心,平和語氣,跟佢講道理。
努力呀jm,老人家講得岩,學壞3日,學好3年,迫不得,同仔相處,真係要成日傾計,比佢感覺,你信得過,建立信任,日後,有嘜事,佢都會同你講。


侯爵府

積分: 23673


發表於 18-10-20 23:18 |顯示全部帖子

回覆樓主:

我又覺得你處理得好好喎!男仔係不斷有啲衰嘢激下你,提意比啲任務佢,例如出街時保護妹妹,幫媽媽買嘢時格價慳錢。。。


珍珠宮

積分: 31100


發表於 18-10-20 23:18 |顯示全部帖子
naigai 發表於 18-10-20 22:47
二,姐姐發現哥哥突然有張$100,懷疑佢偷錢,哥哥上星期喺我放coins嘅杯已經偷過$,我已經好嚴勵話&罰佢, ...

我自己都學習中,但有冇了解過系學校同同學相處既情況,會唔會有啲咩唔開心既事,又冇同你講?而自己又唔知點應付,就發洩左系阿妹度?哥哥未上小一前同妹妹既關係系咪咁樣?
另外,一星期5蚊又真系小左啲⋯可以了解下佢系學校小息鍾意買咩食,去衡量下每日比幾多錢佢


男爵府

積分: 5614


發表於 18-10-20 23:23 |顯示全部帖子

回覆樓主:

你處理得唔錯喇,但5蚊真係太少,唔係每日都要買零食但5蚊一星期先食到一次,你仔都係曳,但你而家開始多啲溝通了解佢思想,唔好沮喪,加油


男爵府

積分: 5147


發表於 18-10-20 23:27 |顯示全部帖子
就咁睇, 哥哥同妹好比較, 哥哥頑皮D, 妹妹乖D?
2個小朋友, 大人會照顧細果個多D, 對大果個要求嚴D,
但係, 在小朋友眼中, 就會覺得大人錫細果個多D,
又會諗同一件事, 阿妹做就無野, 自己做就俾人鬧,
為左吸引大人注意, 可能就會更曳.
今年上小一, 各方面要求高左,
佢本身都可能有D情緒.

試下多D抱下佢錫下佢,
俾佢感受下你係錫佢既.
同佢解釋下點解對佢同妹妹既差別待遇.
(我仔7歲, 女5歲, 前2年我問阿仔,
知唔知媽媽最鍚邊個? 佢會答阿妹)

至於偷錢, 其實佢都無咩機會使錢,
可能真係小息見人買野食, 自己都想有D錢,
想買既話可以買.
(亦唔排除人地有錢買, 佢無,
所有有D俾人比下去的感覺,)
俾D零用錢應該有幫助,
不過$5/星期可能太少, 試下問下佢夠唔夠用,
如果唔夠試下問佢覺得幾多好?
同佢商量下. (我覺得$2-3/日好D)


用戶要求終止服務

積分: 37634


發表於 18-10-20 23:28 |顯示全部帖子

回覆樓主:

本帖最後由 happybebebe 於 18-10-20 23:30 編輯

我小朋友小五都未有零用錢
從來沒有帶零食
我諗增加零用錢可能未咁適合(年紀小,好易以零用錢同同學比較、在小息吃太多,午餐就無胃口)
我諗先停止帶零用錢回校,零用錢只限在你可觀察的情況下使用,例如儲起買文具。改為自帶零食,同埋叫佢唔好用咁多時間排隊買嘢食,小學小息好多嘢玩(借書、玩呼拉圈、學校活動....)先習慣校園生活先


男爵府

積分: 9525


發表於 18-10-20 23:29 |顯示全部帖子

回覆樓主

佢好明顯係上了小一,大轉變,有壓力啊媽媽!

首頁
12345...7

尾頁

跳至