三家姐心慧個樣順眼過心穎和心美
藝人黃心穎三家姐黃心慧今日喺澳洲墨爾本結婚,全家仲飛過去見證添!心穎尋晚就率先喺社交網上載同三家姐合照,並留言:「我親愛的三家姐明天要出嫁喇。莫名其妙有d(啲)緊張。」而作為大家姐嘅黃心美亦有晒出妹妹上頭相,仲話自己眼淚不自覺係咁流!
今日心美再喺Instagram update,佢拎住兩封利是,話已準備好妹妹同妹夫斟茶畀佢,仲晒出佢哋玩新郎嘅相,又有威士忌又要用wasabi刷牙,似乎姊妹團呢關都唔易過呀!之後佢就直擊婚禮盛況,見到二家姐黃心妙三個小朋友做花仔花女,而新郎哥等緊新娘出場時明顯有啲緊張,之後一對新人就錫錫,非常浪漫!
最後,一對新人喺一片花海下接受賓客嘅祝福!而心穎就做姊妹,跟喺新娘後面幫手整理婚紗,不過就未見男友馬國明蹤影,佢喺社交網留言:「姊妹唔易做呀喂!」有網民就乘機追問佢哋幾時結婚呀!
[p=28, null, left]及後,心穎再於社交網晒出一張佢同馬國明攬實一對新人嘅合照,直頭一家人咁喎!睇嚟馬國明好似已融入心穎家中,希望快啲到佢哋拉埋天窗啦!
黃心穎(左)三家姐黃心慧今日結婚喇!
五朵金花,真係勁溫馨!
新郎雙眼帶着期待!
黃心穎做姊妹,幫新娘整理婚紗!
又多個家人喇!
尋臨最後一夜玩到癲!
到咗玩新娘環節,又酒又wasabi!
新娘終於出場喇!
佢笑言姊妹唔易做!
幾時到心穎同馬國明結婚呢?
今朝大家姐黃心美準備好利是畀妹妹同妹夫!