請了一個只有幼稚園能力的姐姐回來, 我和C6搞盡腦汁教佢….

AWma
|
來了3星期,
原來一直唔知自己坐車係用左幾多錢 (叫佢寫低每天坐車費用, 才發現佢唔識睇地鐵出閘機上的金額)
有一次我C6同佢和女坐地鐵回家, 我C6同女由一個門落車, 佢自己隔離門落車, 都可以跟唔返我C6和女, 結果佢仲係荔景地鐵站搵左10分鐘先搵到出口返到上地面 (我終於明白原來係可以係地鐵站入面迷路)
上星期五帶我6歳女坐地鐵 (第三次)去學琴, 我女入左地鐵, 佢居然上唔切車. 結果同我女失散… 好彩地鐵上有位好心的叔叔帶左我女去地鐵站服務台, 姐姐失暈咁去接返我女. (以後都唔敢再叫佢帶女去學琴, 現在要同老師溝通調去星期六日等我自己放假帶)
上游水班 ,我親身帶過佢去, 去之前再講左兩次阿女入場由老師付費帶入去, 佢自己比自己入場費, 結果佢話因為當時職員叫佢入阿女入場的錢佢又照比錢. 佢話溝通問題所以照做… 我話佢可以打電話比我同職員解釋, (我以前3個姐姐溝通上有任何問題, 都不會亂比錢的, 一定來電求救的) (講真, 如果我唔係因為要參加學校家長日或學校活動, 我都會自己帶女去游水)
已經比左將八達通佢袋著用來坐小巴, 已經做左3星期, 結果佢昨天落街接阿女放學佢都仍然可以唔記得帶八達通, 又唔帶錢出街, 結果我女用自己八達通, 佢就坐左霸王車 (司機手勢示意比佢照上車), 結果我今天要係門口貼告示出門前記得帶KEY&MONEY
初來我家, 呢邊用洗潔精洗碗, 未煮的食物就咁放側邊, 比我講完再講終於改善.
砧板講過好多次生熟要分開, 佢都有混用, 不過好似終於記得.
唔可以一次講多過一個指令, 否則全部指令變空白, 全部失衡.
同佢講要顧著阿女的安全, 一定要拖實, 佢第二天又話我知佢好NERVOUS, 我話我仲NERVOUS
掠衫掠到一舊舊, 我問佢要掠幾多日先可以乾, 結果我要自己落手掠過.
成日話YES, 結果效果係’NO’
昨晚我放工放遲左, 我話我返來先幫女睇功課沖涼後才食飯, 結果我沖完涼出來, 我份晚餐已經入左雪柜.. 我問佢我份晚餐呢? 佢話係雪柜, 我仲問佢係我話佢知我唔食晚飯? 佢又話唔係, 知我要食, 但佢卻放入雪柜, 仲問我咁係唔係要REHEAT返比我食.. 我完全反白眼. 結果我又要等佢REHEAT先食得.

我其實第一個星期已經寫好每天要做的事項, 佢跟到一些, 未跟足晒… 我同C6都唔敢再加力比佢..買餸帶女學琴的都唔洗佢做, 現在佢只係在家清潔和煮下飯洗衫掠衫算了. 其他的都我和C6頂晒.
仲要挨多6年等阿女上中學就跟工人姐姐BYE BYE…
sassyqueen
|
AWma 發表於 18-10-23 16:10
來了3星期,
原來一直唔知自己坐車係用左幾多錢 (叫佢寫低每天坐車費用, 才發現佢唔識睇地鐵出閘機上的金額 ...

同我個個一樣
sassyqueen
|
AWma 發表於 18-10-23 16:10
來了3星期,
原來一直唔知自己坐車係用左幾多錢 (叫佢寫低每天坐車費用, 才發現佢唔識睇地鐵出閘機上的金額 ...

嘔血,抑鬱沮喪感受完全明白
lily-of-valley
|
完全知道, 有時一半一半, 一半真蠢, 一半扮。 扮乜都唔識, 博做少樣。
因我唔使睇小朋友。
以前件6日仙, 吸塵機唔識用, 地拖唔識用。 OK, 地拖唔識用, 比條布, 好似亞信咁趴地抹, 辛苦, 又識咩叫辛苦? 又識炸帝扮沖涼。
你有你教, 知道知道, 教到投降, 佢有佢錯。 教隻貓狗都教識, 佢地就照錯。
Poyau
|
失暈成咁 直情構成危險 考慮換人
2RRMUM
|
樓主真係教到嘔血!
wcpcelia
|
完全同意...

真係會教到發曬老皮的
AWma
|
sassyqueen 發表於 18-10-23 16:59
同我個個一樣

你最後怎辦? 忍佢?送佢走?
sassyqueen
|
AWma 發表於 18-10-24 10:32
你最後怎辦? 忍佢?送佢走?

你可以睇下我剛剛出post,佢玩野,好麻煩
AWma
|
sassyqueen 發表於 18-10-24 10:44
你可以睇下我剛剛出post,佢玩野,好麻煩

唉呀!!!一樣架
細姐姐
|
AWma 發表於 18-10-23 16:10
來了3星期,
原來一直唔知自己坐車係用左幾多錢 (叫佢寫低每天坐車費用, 才發現佢唔識睇地鐵出閘機上的金額 ...

你講工人以上錯處or 唔夠醒目地方,好多好多工人都係一樣,佢冇玩嘢,冇藐咀,已經可以了

我同工人(有Singapore, Saudi, HK 同台灣經验)去街,每次出閘問佢Octopus 仲有幾錢,都答不知道! 係問咗大半年,先識同我講仲有幾拾,要入錢

叫佢拎湯俾亞妺,不用上佢屋企,係MTR 等,不用拍Octopus, 晚上講一次,第二朝出門口再講,不過亞妹話佢出咗閘,返屋企問佢點解,忘記了!!


洗嘢,旁邊有食物,係要睥佢好多次,先會醒覺

所以,我都叫自己忍吓啦! 而家好難揾人做嘢呀!
lily-of-valley
|
可能工人有少少低低地, 唔識字架, 因件6日仙, agency比D印尼廣東話對照比佢, 佢睇都唔睇。 因我唔使佢睇鐘, 當時無為意。 但低極都識偷錢。
炒佢個日在agency比錢叫佢簽收, 佢只打2個圈。
AWma
|
細姐姐 發表於 18-10-24 12:33
你講工人以上錯處or 唔夠醒目地方,好多好多工人都係一樣,佢冇玩嘢,冇藐咀,已經可以了

我同工人(有Sin ...

唉, 所以我老公話炒左佢, 我又不想。。因為一個不如一個。真心希望佢有心學, 但唔知半年得唔得。
細姐姐
|
AWma 發表於 18-10-24 12:51
唉, 所以我老公話炒左佢, 我又不想。。因為一個不如一個。真心希望佢有心學, 但唔知半年得唔得。
...

上MTR 分開咗,我哋大人有時都會,你再三,每次長氣提醒,要拖實一齊上車,佢衰過一鑊,應該學到嘢掛

佢哋做嘢係冇heart 㗎!

我嗰個一樣,肯做,但不用心

剩係屋企嗰d 清潔用品,油鹽糖,而家做咗年半先識差不多冇,要出声話要買


AWma
|
細姐姐 發表於 18-10-24 13:11
上MTR 分開咗,我哋大人有時都會,你再三,每次長氣提醒,要拖實一齊上車,佢衰過一鑊,應該學到嘢掛

佢 ...

mtr事件, 我已經唔敢再駁, 今次好彩有人幫忙及在mtr內發生, 但如果係密雜的深水埗的馬路上發生, 我都唔知點算。所以唔洗佢再帶女去學琴。
家事唯有再嘔心些再教。。。但我都唔知可以忍佢幾耐。
AWma
|
lily-of-valley 發表於 18-10-24 12:51
可能工人有少少低低地, 唔識字架, 因件6日仙, agency比D印尼廣東話對照比佢, 佢睇都唔睇。 因我唔使佢 ...

我件菲其實都識字, 但唔明佢見唔到exit.行路係唔向前望, 只低頭行, 鬼睇到exit咩。。講左n次, 之後成功左一次佢就開心到拍手跳舞
lily-of-valley
|
AWma 發表於 18-10-24 13:40
我件菲其實都識字, 但唔明佢見唔到exit.行路係唔向前望, 只低頭行, 鬼睇到exit咩。。講左n次, 之後成功左 ...
鞋, 咁似一半蠢, 一半扮野。 拍手開心跳, 表示好開心。 扮做到啦。

以前大食bun vicky, 又係, 話happy, 大聲唱歌, 唱到鬼上身咁,食咗藥咁 feeling happy.
我叫佢keep quiet, Sir's sleeping.

I just feel very happy.

我揾youtube鬼上身比佢睇, 以後唔唱了。
aa06
|
回覆 AWma 的帖子

菲律賓姐姐都咁蠢? 有冇工作經驗? 煮飯餸可以嗎? 如果樣樣唔掂, 真係炒得.
AWma
|
回覆 aa06 的帖子


只可以講, 昨天翻查佢RESUME, 話有照顧3歳小朋友的經驗, 昨天再問佢, 佢先話其實係照顧佢AUNTIE的小朋友, 仲要係陪佢玩餵吓野食咁和清潔.. 我完全覺得我被騙了.
至於煮餸, 我其實好簡單了, 無要求, 蒸肉餅, 或蒸魚, 再加一碟灼菜.. 應該係叫超級簡單了吧, D餸仲要係我老公中午前幫佢入好晒一盒盒貼紙仔有埋配料, 叫佢換落碟蒸和菜要取出來洗... 結果只係蒸魚和灼菜共用了約40分鐘.. 真心唔理解佢搞咁耐..
比我, 10分鐘蒸魚和5分鐘灼菜就食得. 佢係用左10分鐘煮水, 然後10分鐘蒸魚,然後先再去燒2公斤的水去灼3人份量的菜.. 最後原來灼左15分鐘… 我因為返到家趕著睇功課無顧佢煮餸, 又9左野..
AWma
|
lily-of-valley 發表於 18-10-24 15:24
鞋, 咁似一半蠢, 一半扮野。 拍手開心跳, 表示好開心。 扮做到啦。

以前大食bun vicky, 又係, 話happ ...


我呢件都試過, 佢晚上自己一個係廚房唔開燈睇唔知咩圖片, 睇到笑到收唔到聲, 我同老公入去問佢咩事, 佢只係話好好笑. 笑足幾分鐘.有一次又唔知做咩鬼, 洗衣機洗緊衫, 佢坐定定眼定定咁望著個洗衣機轉
(大眼雞)..

Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽