求救妊娠毒血症

菸兒
|
我就黎33週,剛診斷有初期妊娠毒血症,因血壓高又加上蛋白尿,依家已經入左院,好擔心又唔知點算好,醫生講到有點恐佈。醫生都冇話有D咩特別建議,只係留意D血壓請問有冇谷友好似我咁,有咩可以減低呢個風險,多謝各位!

YokiChan913
|
菸兒 發表於 18-10-23 23:28
我就黎33週,剛診斷有初期妊娠毒血症,因血壓高又加上蛋白尿,依家已經入左院,好擔心又唔知點算好,醫生講 ...

係咪住院住到 足月催生呀, 血壓有幾高呀 有冇驗血呀?
Baby_Gena
|
菸兒 發表於 18-10-23 23:28
我就黎33週,剛診斷有初期妊娠毒血症,因血壓高又加上蛋白尿,依家已經入左院,好擔心又唔知點算好,醫生講 ...

我在二十多週驗出有妊娠毒血症,果時都係血壓高及蛋白尿被安排入院觀察,肝腎功能未被影響。留院一週左右便回家休養,在隨後嘅懷孕期一早一晚自行在家驗血壓,超過某個數/出現其他病發症狀就要返醫院。果時我食得較清淡,後來被安排38週入院催生,吊防癲癇藥物到生完後廿四小時,因為我催生期間病發,即刻推咗入手術室,安排咗兒科醫生在場監察bb出生後情況,好快廿分鐘左右bb就出世喇。
其實你無野做到,多卧床休息,放鬆心情,因為你緊張會影響到血壓。果時我擔心bb未足月出世,所以迫自己放鬆,聽下歌睇下書,盡量比自己唔好拉得太緊。放心,我同bb依家都好健康快樂呀!加油
菸兒
|
回覆 Baby_Gena 的帖子

多謝你阿,我住左幾日醫院血壓都ok了,但尿報告仲未出,都好煩好擔心架
點評
JD930    發表於 18-10-24 11:33
菸兒
|
回覆 YokiChan913 的帖子

我入院時170幾,跟住之後慢慢下降,仲要留24小時小便,醫生又冇講要留到可以催生喎,我諗如果血壓同小便ok既話都可以出院,血就初入院時抽左1次就係話有初期妊娠毒血,多謝哂你
Baby_Gena
|
菸兒 發表於 18-10-24 07:56
回覆 YokiChan913 的帖子

我入院時170幾,跟住之後慢慢下降,仲要留24小時小便,醫生又冇講要留到可以催生 ...

本帖最後由 Baby_Gena 於 18-10-24 09:56 編輯

如果血報告出咗,腎同肝功能無惡化,血壓只要穩定應該都可以出院休養待產嘅!我果時第一份血報告,腎同肝啲指數都偏低,留咗院一星期指數無惡化,就比我返去,不過唔急得嘅,因為醫生除咗叫你放鬆其實都無野做到。我知道講係好易,但我係過來人,我明白呢個病對準媽媽嚟講係幾咁恐怖,你唯一可以做嘅就係點樣令佢可以喺肚到留耐啲。我諗你情況唔太壞嘅,有時候分泌都會影響有蛋白尿,加埋如果本身你有妊娠高血壓問題,就會緊張啲!我會咁諗,依家你都已經33週就算要出世,都會係一個健康寶寶,好多人七星仔依家一樣健康快樂!你寶寶一樣得!輕鬆面對!

菸兒
|
回覆 Baby_Gena 的帖子

真係好多謝你,我之前抽血話我腎血指數低,所以就要再抽,我諗之後果次應該冇問題。其實我想佢一足月就快D出黎,因為壓力太大
siuball
|
Baby_Gena 發表於 18-10-24 01:30
我在二十多週驗出有妊娠毒血症,果時都係血壓高及蛋白尿被安排入院觀察,肝腎功能未被影響。留院一週左右 ...

都係順產?

Baby_Gena
|
siuball 發表於 18-10-24 13:27
都係順產?

入院催生果日醫生話我血壓有少少高,但可以試下順產,所以幫我塞藥。係塞咗藥之後我開始血壓愈來愈高、嘔吐、頭暈眼花、睇野唔清楚,跟住就安排我落產房吊防癲癇藥,人手穿水,隔咗陣以上情況愈來愈嚴重同排唔出尿,咁醫生就話毒血病發,依家個腎功能開始有問題,好危險要即刻開刀叫我簽紙,一放低筆就推入手術室開刀。
RubyYu07
|
最緊要放鬆心情,無嘢可以做到,乖乖聽醫生講。
菸兒
|
回覆 RubyYu07 的帖子

多謝你,我既血壓已經正常返,只好乖乖咁聽話,都冇辦法
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽