Beauty媽媽初體驗。(非讚美也非抹黑-純感受)- 長文慎入!

kikokikolee
|
今日個人好得閒,又咁岩陀bb陀到條腰好痛,上網search下孕婦按摩,呢間公司個名係彈得最多出黎既。
見佢試做價幾吸引($188-90分鐘)儘管試下,當然去得都預左佢會有sales 成份,所以早有心理準備如果感覺良好係會買package,始終條腰真係攰到想斷咁滯。

首先Facebook inbox 問下先:
我- 想問即日會唔會有位嫁?
B - 有機會有位嫁,視乎你想預約既分店同時間,可以呢度留電話俾我地,會有同事聯絡你。
我- 即俾左電話,貴姓同想預約既分店佢
B - 請稍等,同事好快會聯絡你
kikokikolee
|
kikokikolee 發表於 18-10-24 01:38
今日個人好得閒,又咁岩陀bb陀到條腰好痛,上網search下孕婦按摩,呢間公司個名係彈得最多出黎既。
見佢試 ...

電話響:
B - 請問係咪xxx? 係咪想預約今日xx分店?
我- 係。
B - 我頭先幫你睇過,果間分店仲有個位係今日晚上7:30。你得唔得?
我- 無問題呀。
B- 咁我而家幫你打去分店double confirm再覆實你呀!
我- 好呀。 唔該。

電話再響:
B - 麻煩你xxx.
我- 我係。
B - 幫你confirm左啦。已經book 左今日晚上7:30。但想問返小姐會唔會可以早15分鐘,即係7:15分去到?因為都有少少資料要你填返。
我- 哦。無問題呀。
B- 咁好呀,我轉頭會send 返個wtsapp俾你寫返時間同分店地址俾你。
我- 好呀。唔該晒你。

kikokikolee
|
kikokikolee 發表於 18-10-24 01:39
電話響:
B - 請問係咪xxx? 係咪想預約今日xx分店?
我- 係。

7:15pm:
準時到達,發現佢係用緊其他美容公司既場。所以門口唔係寫佢地名既,只係有長A5 size 印有佢地公司名既貼紙貼係門口。(對我黎講都預左,因為網上都睇到一d comment 有提過呢樣野)

員工A- 無睇佢叫咩名,title 寫住Manager,我講完我電話號碼,佢搵到我資料就叫左我去間玻璃房啦,再擺低左張form叫我填下,再略略講話幫我按得既員工一定係有cert. 會清楚晒大肚婆有咩地方唔按得既。講完填好form,就可以出返去梳化仔等啦。

kikokikolee
|
kikokikolee 發表於 18-10-24 01:40
7:15pm:
準時到達,發現佢係用緊其他美容公司既場。所以門口唔係寫佢地名既,只係有長A5 size 印有佢地公 ...

7:25pm:

員工A- 小姐,不如帶你去房先呀。
我- 好。唔該晒。
員工A- 你換左衫先,記住唔好訓上床住,因為張床有個窿,你換好坐係呢邊既梳化仔先。(邊講邊擺底一條紙底褲同一條毛巾)
我- 好呀,唔該晒你。

由於book左7:30pm既關係,我都快快手換衫坐定。

7:45pm:
已呆等15分鐘。又除晒衫,無理由衝出去問。唯有打預約電話問究竟我要等幾耐。
B- 你好。有咩幫到你。
我- 你好,我預約左7:30,已經除晒衫等左15分鐘,想問仲要等幾耐?(我承認我既語氣係有唔耐煩既)
B- 因爲我地呢度只係做預約,我幫你打返去分店,搵返員工問呀。
我- 明白。唔該晒你。
kikokikolee
|
kikokikolee 發表於 18-10-24 01:41
7:25pm:

員工A- 小姐,不如帶你去房先呀。

7:53pm:
按摩姐姐拍門。
按摩姐姐- 你好。等左好耐呀?
我- 係。我book七點半,聽你地講七點三黎到,等到而家我見到你。(我承認我語氣略帶嬲豬咁答)
按摩姐姐- 下,咁早黎到呀?唔好意思要你等咁耐。(同時佢係呢一刻至開始慢慢慢慢咁鋪床,鋪左5分鐘度啦)

8:00pm:
按摩姐姐- 你可以訓上去啦。
我- 好呀,麻煩你。 呀,一陣你按到9點就得,唔洗按足90分鐘。(事緣我買左飛睇戲,要預返時間)
按摩姐姐- 好。

讚美位:按摩姐姐按得好舒服,按到我訓著左。過程中佢好努力想同我講野,同原來佢唔知我黎左。 我係後悔頭先略帶左一次嬲豬答佢野,因為唔係佢問題。
kikokikolee
|
kikokikolee 發表於 18-10-24 01:41
7:53pm:
按摩姐姐拍門。
按摩姐姐- 你好。等左好耐呀?

9:00pm:
鬧鐘響。
按摩姐姐- 小心,我扶你起身。
我- 好呀。麻煩晒你呀。

讚美位:按摩姐姐好好人。
奇怪位:按摩過程既呢一個鐘,中間試過有員工無啦啦開門,發現有人用緊間房就拿拿聲關門。另外成個按摩過程都聽到門外員工開開心心談笑風生既嘈雜聲。

kikokikolee
|
kikokikolee 發表於 18-10-24 01:42
9:00pm:
鬧鐘響。
按摩姐姐- 小心,我扶你起身。

著好衫出房,即有另一講廣東話唔正既員工(就叫佢員工C)叫我返去玻璃房飲杯暖水先(我當然預左佢係想講package)。
kikokikolee
|
kikokikolee 發表於 18-10-24 01:43
著好衫出房,即有另一講廣東話唔正既員工(就叫佢員工C)叫我返去玻璃房飲杯暖水先(我當然預左佢係想講pac ...

員工C- 按成點呀。舒唔舒服?
我- 姐姐按得好好呀。好舒服。
員工C- 咁會唔會諗住再定期返黎按下?
我- 唔會。
員工C- (即時變樣再加寸聲出場)哇,咁決絕呀?
我- 係。
員工C - 我地做得唔好?(繼續寸聲)
我- 其實我book左7點半,你地叫我預早黎,我都做齊晒。但我仲要完全唔知原因同無人同我講過咁得條毛巾包住坐係度白等左20分鐘。
員工C- 因爲姐姐佢地要做完對上果個客至可以黎幫你做。(零覺得有問題)
我- 等唔係問題,但你地都同我講聲要等幾耐好d,而唔係就咁叫我係房除晒衫白等。

kikokikolee
|
kikokikolee 發表於 18-10-24 01:44
員工C- 按成點呀。舒唔舒服?
我- 姐姐按得好好呀。好舒服。
員工C- 咁會唔會諗住再定期返黎按下?

員工C - 其實我睇返你呢個係即日既預約,所以我地至會預唔切人手。
我- (內心著左火)係我問你地即日有無位,你地話有我至confirm,仲要叫我早15分鐘黎。我都有配合。唔通你地果d就係時間,我果d就唔係時間?
員工C - (繼續寸聲)咁呢度真係唔好意思我地會同同事溝通返。(黑面出場,同時拎返張form出黎)你係下面簽返名證明做完就得。多謝你$188。

讚美位: 員工C完全唔似其他做服務業既人,佢完全唔會隱藏佢既內心,會好好俾你感受到佢既想法。

奇怪位:原來千錯萬錯都係我即日預約既錯,係我令到佢地人手調配唔到。
kikokikolee
|
kikokikolee 發表於 18-10-24 01:45
員工C - 其實我睇返你呢個係即日既預約,所以我地至會預唔切人手。
我- (內心著左火)係我問你地即日有無 ...

結論:
(1)$188 試做。咁既價堅抵。
(2)體驗既野,各有不同,呢個只係我既體驗講返俾大家知,同只係某分店。
(3)唔係有d咁奇怪體驗,我好肯定我係會買佢package,雖然唔知幾錢,但俾佢按完真係好舒服
小驚
|
讚美位:真係好詳盡嘅分享,謝謝你
奇怪位:點解要分開咁多段打post 感覺好奇怪
kikokikolee
|
小驚 發表於 18-10-24 01:55
讚美位:真係好詳盡嘅分享,謝謝你
奇怪位:點解要分開咁多段打post 感覺好奇怪
...

因為每個post有字數限制呀。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽