秋生的離別

秋生
|
中秋節那天到診所確定真的有了BB,呆呆的有點感恩,心想真到我了嗎?身邊的朋友都已生小孩,明天的我就能做媽媽!跟朋友談湊仔經。還記得那天用whatsapp告知親密好友時,肩中雀屎,心想,一定是幸運的降臨!
不久,告訴了必要告知的友人們,因本人活動多,日後不能出席的活動必須提前交帶。期間也得到好友的提點,照顧及關懷,落樓梯時老公也輕輕扶住我走, 是有點跨張。一直我也很忍口,而且每天食一至兩隻烚蛋,但有時遇到嘔口很差真的會到M叔叔開心一下(一週最多兩次)。

到了8週3日到港安靳嘉仁醫生照超聲波,但照不到心跳,醫生建議照陰超,但結果一樣。
當時醫生有3項建議: 1. 寫紙去公立醫院再檢查一次; 2. 今日抽血, 四天後再抽血驗HCG值; 3. 過多一週再照;
我選擇了抽血。但醫生口氣是否樂觀的,有點像嚇人。我回家再看其他人對靳醫生的評語也負面多。
老實說, 我和老公都不太擔心,因上網看到有的9~10週才有心跳,但回家這兩晚都惡夢中驚醒,醒後更不能入睡。
好彩有朋友的支持及安慰才過到這四天,老公更看了很多相關網頁資訊。

好不容易到了8週7日,抽血驗HCG值做對比,8點到港安抽血,早餐過後待到10點見醫生。
醫生2份HCG值報告在我眼前,數值下降了3萬, 約下降了30% (21/10 HCG: 108981, 25/10: HCG: 75891)
我真的呆了,後面醫生說的都聽不見。醫生問我有無問題,我說沒有,只想快點離開。
老公問醫生HCG值會否下降後再回升,醫生說雙胞胎發生這可能性會較大。醫生問要否照多次超聲波,照時胎只7w4d, 比起4天前成長了2d。醫生寫紙給我到屯門醫院做人流,說是流產,但做之前會照多次確保胎真的要流才做。

我們當天就去屯門醫院,我跟老公說有些人10W才有心跳,要不再等多一週吧!但HCG值己是很清楚及理性的數據,而且老公聽了醫生說,如是流胎,留在母體越耐越危險,可能會有毒素產生或突然出血。
我們還是到了屯門醫院,私家寫了急症的轉介信,不用排很久,到了醫院=>分流=>上病房約兩個小時多。
因我上房時已過了探病時間,老公先回去幫我帶日用品5:30再來探我。

常聽人說屯門醫院醫療事故及服務差,但我當天真的沒感覺到。可能看人吧!我好彩護士跟醫生都很溫柔細心,
約3:00做內陰超,醫生好細心, 圍住都子宮照佐好耐, 仲照我睇下個胎。佢話個胎10mm, 其實over7mm都無心跳就係流產,當晚再驗血,第二日照多次確認無心跳先流。醫生仲安慰我叫我唔好諗自己做錯啲乜,其實胎無心跳好普遍好平常,每5個懷孕婦女都有1個會咁。醫生真係好好。

第二日再去陰超無咁好彩,個姐姐好惡咁叫我除褲坐上去,個醫生唔講野, 一野將支陰超捧隊入黎, 仲要係好粗魯個隻, 真係有啲痛。都唔洗30秒就話無心跳要流產,叫我返床等見醫生。
醫生同我講解流產既方法,我擇選塞藥。11:30塞藥瞓低半個鐘,返到屋企食啲野就瞓,約3點又痾又嘔,3:15就排左個胎出黎,不上黎個陣真係手都震埋,不過要攞返醫院化驗,頂硬上。
再上床休息無耐又黎肚痛,上肚下瀉,我不停咁抹=>沖厠=>痾=>嘔, 上床瞓多陣又肚痛又打冷震,無耐又黎抹=>沖厠=>痾=>嘔。 好想快啲停呀!第二日交埋個組織比故娘,總算告一段落。
呢段膽驚受怕既日子真難捱。

當日都排佐好多野出黎,唔知排幾耐先排清。
上網睇人地又中醫, 又飲花生湯, 又食木瓜黑木耳助排清,11月7日再返去照,排唔清就要刮宮,我想快啲調整好再生小朋友。希望唔洗刮宮啦!

p.s. 因中秋當日知到秋生既到來,所以叫秋生(老公24/9打趣的說)。

宜家目標係調理好先,希望不久將來可以在這交流懷孕心得=>分享做媽媽的苦與樂.


eva_blythe
|
秋生 發表於 18-10-28 10:03
中秋節那天到診所確定真的有了BB,呆呆的有點感恩,心想真到我了嗎?身邊的朋友都已生小孩,明天的我就能做 ...

樓主 加油好好休息
秋生執齊野,下一次會順順利利
唔好氣餒呀
jlht
|
加油, 我都係過來人, 好好調養好快就有, 我個女而家都7個月喇祝好孕
jlht
|
加油, 我都係過來人, 好好調養好快就有, 我個女而家都7個月喇祝好孕
musiccisum
|
秋生 發表於 18-10-28 10:03
中秋節那天到診所確定真的有了BB,呆呆的有點感恩,心想真到我了嗎?身邊的朋友都已生小孩,明天的我就能做 ...


google_hi
|
唔好氣餒,時刻準備好自己!等佢話黎就黎!
我要做媽媽
|
媽媽,加油亞,希望你可以快D調理好身子
秋生
|
回覆 eva_blythe 的帖子

多謝妳,我會積極忍口同聽中醫話,希望不久既將來會有好消息分享...
秋生
|
回覆 jlht 的帖子

想問呢位媽媽,流佐幾耐就再有?第二次有佐,有無心理壓力?
秋生
|
我要做媽媽 發表於 18-10-28 15:31
媽媽,加油亞,希望你可以快D調理好身子
多謝妳呀
bchuma
|
秋生 發表於 18-10-28 10:03
中秋節那天到診所確定真的有了BB,呆呆的有點感恩,心想真到我了嗎?身邊的朋友都已生小孩,明天的我就能做 ...

醫生講得無錯 每5個就有1個。我都試過,但係我而家已經係兩個小朋友嘅媽咪啦。你儘快調整好身體,秋生很快會回來你身邊
eva_blythe
|
秋生 發表於 18-10-28 22:47
回覆 eva_blythe 的帖子

多謝妳,我會積極忍口同聽中醫話,希望不久既將來會有好消息分享... ...

好好調理,我都係過來人
祝你日後一切平安順利
Cindy曾
|
秋生 發表於 18-10-28 10:03
中秋節那天到診所確定真的有了BB,呆呆的有點感恩,心想真到我了嗎?身邊的朋友都已生小孩,明天的我就能做 ...

樓主加油呀!其實很平常嘅真係好多人會自然胎停!
我十周時膀胱屙尿痛屯門醫院住院,五樓!超聲波醫生就幾好啊,太多OK!同房四個女人包括我 有一個流產一個懷疑宮外孕,身邊亦有親戚嘅女流過啦,表姐都二個半月胎停呀!
如果你冇刮宮流得乾淨利落,做月子補補,加上秋涼保暖好身體,新年過後繼續努力!一定會有一個健健康康的(emoji)(emoji)!
natra
|
加油
suzukimobaby
|
秋生 發表於 18-10-28 10:03
中秋節那天到診所確定真的有了BB,呆呆的有點感恩,心想真到我了嗎?身邊的朋友都已生小孩,明天的我就能做 ...

樓主 加油 好好休息
下一次會順順利利唔好氣餒呀~
加油(emoji)
jlht
|
回覆 秋生 的帖子

小產之後坐左2個星期小月子, 隔左個幾月就黎M, 黎左2次就意外有左O_O開頭自己都唔信..因為之前一直備孕左成年都冇消息, 一有小消息左冇耐就小產左...好唔開心
直到BB再次番黎我去到20週左右個心先定番..因為太怕再次失去既感覺..
Salad168
|
回覆 秋生 的帖子

好明白你感受,我都係剛剛經歷了這種傷痛。。。。你要坐小月好好調理身體呀,秋生一定會再回來你身邊的
祝我們下次順順利利,一起做媽媽,加油啊
carson1128
|
秋生 發表於 18-10-28 10:03
中秋節那天到診所確定真的有了BB,呆呆的有點感恩,心想真到我了嗎?身邊的朋友都已生小孩,明天的我就能做 ...

樓主加油,收拾心情,休息一下,BB一定會再來!
hamsterfung
|
秋生 發表於 18-10-28 10:03
中秋節那天到診所確定真的有了BB,呆呆的有點感恩,心想真到我了嗎?身邊的朋友都已生小孩,明天的我就能做 ...

加油 好好養身子 bb好快帶齊所有野返黎你身邊
RubyYu07
|
加油吖!秋生下次再健康回來你身邊,好好養好身體。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽