瑪嘉烈產前產後

Kohu
|
產後病房啲姑娘勁惡,㩒床頭叫人鐘永遠只會係呀姐嚟,講咩佢都叫你等陣先,換鹽水攞止痛針次次等一個鐘以上,你喊緊都唔會睬你,成日話好忙,但成11點幾姑娘仲要勁大聲傾偈吹水唔熄燈。
產前就好得多,啲姑娘有耐性啲,就算忙都唔會長期黑面唔理你,同一間醫院點會差咁遠
lam1017
|
產前好好!今胎直接去產房,真心覺得姑娘同醫生都非常好!不過產後啲姐姐係有啲衰,講野又粗聲粗氣,黑口黑面咁




CC.Blue
|
前幾日係瑪嘉烈順產,產後上到房有d姐姐都幾Nice,不過佢地真係好忙,有事想麻煩佢可能就轉頭無回事唔記得咗。派飯佢見到我餵緊人奶就叫我放低bb,自己食先,我都R哂頭
mandy_0523
|
CC.Blue 發表於 18-11-3 12:11
前幾日係瑪嘉烈順產,產後上到房有d姐姐都幾Nice,不過佢地真係好忙,有事想麻煩佢可能就轉頭無回事唔記得 ...

我早排都係瑪嘉烈生完,產後啲姑娘都OK呀,唔係想像中聽番黎咁惡,不過產前嗰啲姑娘係更好。
sakura888
|
我上年瑪嘉烈生完。產前房d姑娘ok啦,冇乜特別。我生完入咗ICU (因有妊娠毒血),ICU 姑娘超nice,我轉返去普通產後房果日 ICU d 姑娘仲寫咗張心意卡比我,好感動!
產後房就唔駛講啦,d 姑娘睬你都傻。但d 姐姐好多都nice嘅,有d仲好好傾。
yiphaulaam
|
Kohu 發表於 18-11-2 23:41
產後病房啲姑娘勁惡,㩒床頭叫人鐘永遠只會係呀姐嚟,講咩佢都叫你等陣先,換鹽水攞止痛針次次等一個鐘以上 ...

我今年生,之前試過唔舒服入院喺產前病房,嗰陣要吊鹽水,啲姑娘都好準時過嚟同我換,態度仲好好,我仲瞓咗差唔多一個星期 ,不過生咗之後,係產後病房,有一個姑娘好衰,好似係護士長嚟架,嗰時因為屋企問題,要畀社工見過屋企bb設備齊全,先俾我帶走bb,本身姑娘話要一個星期後先上到,最後改時間話叫我同e院姑娘講畀我喺度瞓多晚,點知個姑娘話唔得,仲要講啲難聽嘅說話,話好多人要嚟產後,仲話唔通你訓一個星期我又畀你瞓咩,所以唔俾,最後個社工就我時間,當日即刻見咗,就畀我帶埋bb走,如果唔係,我諗我坐月期間都好辛苦,因為我有喂人奶
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽