2018 OCT-2019 各大媽媽會 產前講座分享 (持續更新中)

Ziyumami
|
本帖最後由 Ziyumami 於 18-11-18 15:55 編輯


相信各媽媽對媽媽會 產前講座都唔陌生啦
真係有左先知道原來咁多講座 同媽媽會可以參加
除左有野拎之外,我覺得D講座對新手媽媽真係好有幫助架
我都係一直上網參考人地既POST
但見到有D都好耐了,所以就打個近期D既出黎同大家分享下啦
======================================


媽媽會篇
媽媽會我係上GOOGLE 搵,有會就入,多數都要提供懷孕證明,
懷孕證明要即時UPLOAD/WHATAPPS 俾佢地.然後等返1-3個星期就會收到(多數要拎卡去郵局自取)
因為有D我都冇影到相,就靠文字啦

****入媽媽會好重要呀,特別有講座個D,佢會主動EMAIL俾你話你知有得參加講座,有時又會SEND D優惠資訊俾你****


以下係已經收到既媽媽會禮物,如果之後有會再UPDATE
------------------------
2018 10月份


MERRIES: 毛巾仔一張,尿片S SIZE試用

雅培: A4 FILE 1個+COUPON 1張

強生: 80片濕紙巾一包,要去旺角自取

雀巢: FILE一個,紗巾一條,媽媽書一本(圖後補)

迪士尼美語世界: ABC 英文字母學習CD一張

美素佳兒: 牛牛被一張 ,暖心食物壺 分別去拎2次,收到SMS後去旺角自取 (圖後補)
-----------------------------------------------------------------------------------------------------------
CHEERBABY:
尿片試用,玩具,BB 維他命D(6-12m) ,大小紗巾 等等如圖
仲有D COUPON ,一張ABC字母POSTER 同一隻迪士尼CD(要自己去拎)
*呢個要自己去佢網站禁時間約上去佐敦拎,比較難約 建議月頭個幾日先約多D位



--------------------------------------------------------------------------------------------------------------

美贊臣: 如圖,呢本書唔錯,出面書局買都要錢

--------------------------------------------------------------------------------------------------------

HUGGIES : 尿片試用, 買一送一COUPON X4

----------------------------------------------------------------------------------------------------------
雀巢: 紗巾,口水肩,媽媽書,會員卡


----------------------------------------------------------
安滿:媽媽奶粉4包,紗巾一條




------------------------



同場加映:迪士尼美語世界禮品活動

我係係FACEBOOK 見到申請的,唔需要去聽講座只係簡單填資料(去佢地FB搵就會見到)
好快幾日後已經收到信 有一隻ABC CD,仲有換領信要去旺角換領



本身以為得好少野但係一上到去換 真係眼前一亮
係指定時間上OFFICE換,會叫你抽一張卡仔睇下中咩禮物,
然後就會拎俾你就走得...不得了
佢會有3份係迪士尼既贈品,我抽中左ABC學習卡,DIY 詞彙紙,同埋粉紅色米妮紗巾一條
然後竟然仲有一支原裝女性清潔泡泡,雅培心美力4號900G 一罐,一盒膠布,袋仔,CHICCO,NUK,威潔,思詩樂,GOON尿片試用,一盒泥膠仔,DRR.KONG環保袋 等!!十分吸引,媽媽們快D去申請,我都唔知幾時完





Ziyumami
|
本帖最後由 Ziyumami 於 18-11-6 15:08 編輯

講座篇入左D會之後就會開始收到講座EMAIL
除左各大奶粉商等會有講座外,仲有好多地方都會舉辦一D講座
如果媽媽們想收到多D資訊,可以LIKE 埋佢地FB : 醫護聯盟,UBABY,MIDes,KINETICS


===========================
2018年10月份 美素佳兒:
呢個係我第一次去聽既講座,抽左一次就中左,事前都好緊張因為未聽過,專登拉左媽媽陪我去
夠鐘去到後媽媽們要係門口做登記,然後就可以入去,去3個攤位做活動拎小禮物,其中一個可以試飲個媽媽奶
佢會俾份野你入面有一張問卷,填完完場後交返就可以拎到三角枕
然後就可以坐低,會場係排排坐形式,想留心聽既可以坐前D,想聽完快D拎野走可以坐後D


講座內容有2PART,
PART 1: 由營養師講解媽媽懷孕時所需既營養,點樣吸收,食咩好食咩唔好唔,對於我呢個新手媽媽黎講好有用,最緊要拉埋老公/長老去聽,我媽媽聽完返去都俾我食海鮮了美素佳兒有媽媽奶粉但全程冇HARDSELL,幾好!


中間有10分鐘休息,呢個時候可以去前台問營養師問題,我都見到有媽媽去問左.

PART 2 : 講同BB沖涼,內容好有趣生動,仲會搵2個爸爸上去互動,大家都睇得好開心

禮品:三角枕,媽媽奶粉3包,吸汗巾,育兒書同COUPON美素佳兒係入會已經知會送一張被同埋食物壺,比起其他牌子既禮物已經豐富好多,
講座呢個三角枕都非常有用,可以俾媽媽用黎枕腳/枕肚訓覺,我自己就留左俾BB用






===========================
2018年10月份 雅培講座

雅培又係好多媽媽話一定要去既講座,我去完都不能認同更多,真係好好
今次係我自己一個去,會場比美素佳兒細,但環境都好好,係尖沙咀舉辦.
雅培唔需要玩遊戲,但都可以係門口試飲同埋有雅培隻熊仔可以影相
一樣都係入場俾個FILE你,有好多傳單仲有疊KINETICS COUPON ,填問卷後完場交返有禮品包

講座都係兩個鐘分兩PART,
PART 1: 由醫生講下順產,開刀生產既流程,圖中會有生產圖片,驚既媽媽小心D,資訊唔算好有用,不過講完後會有問答環節,醫生好好咁答左好多問題 聽到醫生講食雪糕成個場都好興奮


中間會開始SELL 下BB奶粉呀,可以試飲晒咁多隻奶粉 ,可以接受,我聽完都想買然後有問答環節,舉手答,有精美玩具送共3份

PART 2: 由助產講媽媽用品分享 一開頭好HARDSELL 大家都靜晒,但後來講返重點就好好多了,有講媽媽生前,入院,生後有D咩用品需要,點樣選購

禮品: 勁豐富既禮物,

熊熊被一張,女性清潔泡泡原裝一支,BB護膚試用一SET,探熱針套
最重要係: 有原罐既4號奶粉(冇影到俾左人),原罐媽媽奶粉換領卷(去萬寧拎,都俾左人)
仲有一張卷要過一排去KINETICS 診所拎,有2罐400G BB1號奶粉 超正!



===========================
2018年10月份 雀巢講座

雀巢都係係旺角舉辦,登記時會安排好台號,入場後會有個遊戲可以玩,會送SET BB護膚.

佢係去飲咁大家坐係圓台舉行.開始就講明有2架BB車可以抽.嘩,BB車喎

咁就分左3 PART
PART 1: 營養師講下媽媽要咩營養咁,因為已經聽過呢D就冇咩特別,同埋冇美素佳兒個個講得咁好,但為左B車都好用心聽.完左呢到會叫你填答案落張紙,再分享點幫BB防敏,寫完交俾工作人員,佢地會簡2個送BB車,個人覺得用抽/舉手答好D,咁樣送都幾唔透明.
PART 2 : 會有陪月/營養師/助產等人士 去到每一台坐底一個,可以直接問問題傾計,呢個環節都唔錯,可以問下你想知既野.仲有曲奇餅可以食.
PART 3:好短咁由助產講BB沖涼,真係好短,十分鐘度就完

禮品: ,女性清潔泡泡原裝一支,,BB護膚試用兩SET,思詩樂試用一SET,奶樽,衣物清潔試用4支




===========================

十月份就係參加左呢3個講座,因為本身都冇打算影相分享,都係事後憑記憶執返出黎影
所以可能禮物圖片都影唔齊,大家唔好介意,之後個D會齊整D






Ziyumami
|
本帖最後由 Ziyumami 於 18-11-18 16:17 編輯

2018 年11 月講座:
黎緊會去以下講座,到時再UPDATE

MIDES X1
KINETICS

===================================

2018年11月雪印講座

雪印一抽就中左,之前睇其他媽媽分享都幾多試用會送,仲有媽媽袋都算實用所以報左
入到場會有小遊戲,係上FACEBOOK LIKE 完答3條問題就可以有BB指甲鉗送
然後見到會場優惠 好抵喎可以送I-ANGEL 揹帶不過我睇中左第款所以冇買到



講座會有3 PART
第一PART 係營養師講解,都幾悶..可能因為已經聽左好多次所以都冇專心聽
第二PART 會講媽媽可以做咩運動,點拉筋,爸爸可以點幫手,呢PART幾有用,我都有跟住做
中間會有休息時間係會場換媽媽奶粉曲奇同購買時間,好多人買呢!
第三PART就係講坐月,都講得悶,但分享左好多食譜,好多人影低左

禮物: 完場時送既禮物轉左做雪印BACKPACK ,仲正過之前個媽媽袋,LOGO都改左做英文!
冇大大隻字雪印,真係可以拎黎成日用!!入面仲有一大堆試用(如下圖),好開心呀,聽到好多媽媽都對個袋好滿意
我老公都好驚訝有個BACKAPCK送






========================================

2018年11月醫護聯盟: 嬰兒健康小百科 (位元堂 +AQ )


呢個講座唔算係產前,出左世既一樣可以申請去
因為係十分HARDSELL的,不過禮物都十分豐富
我當初係衝住AQ 優惠去既,好吸引,亦到做好去到會好悶既打算

講座內容分左4PART
PART1: 講BB清潔衛生(連接下面AQ)
PART2 :AQ HARDSELL
PART3 :位元堂HARDSELL
PART4 : 講幫BB按摩同拍痰 (聽到呢到終於清醒D)

禮品: 位元堂開奶茶,七星茶,熱痱水,各牌子試用,DR.KONG 環保袋,保露絲COUPON
(AQ 得支試用,相對下弱好多,但會場優惠真係好吸引!!!所以我都係買左好幾支既)




========================================

2018年11月 美贊臣產前講座

佢地有2種講座,產前先係送U型枕,媽媽們報個時要留意呀
入場前有即影即有 有D小道具可以排隊影,想影既可以早D去
場地好大,遲黎坐偏廳就要睇螢幕了
場地2個廁所都暫時改左做女廁,又幾細心

內容分兩PART
PART1: 婦產科醫生講解生產過程,有問答環節
中間會有15-20分鐘休息,有甜品可以出去拎黎食
PART2: 兒科醫生講解,會講下D常見皮膚病都幾有用

禮品: 媽媽U型枕(好大個),圍兜,護膚試用SET




==========================================
2018年11月 UBABY 坐好月攻略及嬰幼兒語言發展

今次講座算係不定期舉行,唔同奶粉商個D一個月一次,媽媽們想報要留意返佢地FACEBOOK
去科學館演講廳,就坐得比較好啦,坐後面都可以睇得好清楚

講座分2 PART
PART1 : 陪月講點坐月,之前都聽過都差唔多,媽媽們可以分開搵奶奶老公陪,坐月可以洗頭呀!!!

PART2 : 由迪士尼美語世界講下1-6個BB可以點同佢地玩,有D誇張但我有D都同意既,可以去聽下

最後原來有個抽獎遊戲,D獎品好豐富,有眼仔CAM,BB SET,仲有DNA TEST 成6千幾蚊!!
佢係入場每人個張問卷有個NUMBER,即場抽中左答個問題就可以拎走~~不過我就冇咩運氣啦哈哈!!
完場都有D即場優惠,迪士尼美語,UBABY月子餐個D

禮品: NUK(入場LIKE UBABY FB),威潔試用,美素佳兒媽媽奶,原盒裝媽媽補充劑,6粒DHA 試食,GOON 2片等




==========================================

2018年11月 MIDES -母乳餵哺攻略分享會

MIDES 佢有分幾個分享會,今日上既係母乳班,佢地形式唔似係其他講座咁幾百人排排坐聽,
係得20-30人上,排好晒一張張台,仲有BB公仔放係台面實習下,
好似上堂聽分享咁,所以點解叫分享會唔係講座
不得不讚,呢1.5 HRS學到好多野,講者講得非常好,會不停互動,又可以係咁問問題,
都加深左我好多對母乳既認識,0 HARDSELL,聽得好開心.
媽媽們有時間真係一定要去聽下


禮品: MIDES 手套仔,和尚袍各1, MIDES 紗巾X3
+完場時即時係陳列室買任何一件貨品就可以JOIN埋會員啦(我其實都買左好多MIDES既野,所以送呢D真係非常實用兼開心)





==========================================

JD930
|
Thanks
muzii
|
有冇人都係報左美X臣11月25個場?
麻每吉
|
Ziyumami 發表於 18-11-6 11:48
2018 年11 月講座:
黎緊會去以下講座,到時再UPDATE

我miss左雪印
KarenC
|
muzii 發表於 18-11-6 13:35
有冇人都係報左美X臣11月25個場?

有報呀
Nikitang1111
|
謝分享
xqtjimmy
|
Ziyumami 發表於 18-11-6 11:47
講座篇入左D會之後就會開始收到講座EMAIL
除左各大奶粉商等會有講座外,仲有好多地方都會舉辦一D講 ...

請問去KINETICS 診所拎,有2罐400G BB1號奶粉,仲有無其他嘢?會sell嘢嗎?直接上去拎贈品就走得?
Ziyumami
|
回覆 麻每吉 的帖子

下個月再報
Ziyumami
|
xqtjimmy 發表於 18-11-6 17:16
請問去KINETICS 診所拎,有2罐400G BB1號奶粉,仲有無其他嘢?會sell嘢嗎?直接上去拎贈品就走得?
...
冇其他野了,就咁上到去俾張卷佢 佢會俾個一頁問卷你填,交返就拎奶粉走得
|
美贊個個上年有聽,都幾多禮品送
Ziyumami
|
[email protected] 發表於 18-11-6 18:31
美贊個個上年有聽,都幾多禮品送
今個月去聽拎U型枕個個
下個月再報拎充氣櫈個個
Ziyumami
|
有冇人收到HIPP email
Ziyumami
|
雪印禮物都幾好
charliesin
|
今日剛去完美贊臣@旺角,一心想拎U型枕,但最後竟然只有一張充氣學習座椅&寶寶圍兜,好失望

Ziyumami
|
charliesin 發表於 18-11-11 16:48
今日剛去完美贊臣@旺角,一心想拎U型枕,但最後竟然只有一張充氣學習座椅&寶寶圍兜,好失望

...

佢有分兩種架
產前先係拎u型枕
下個月可以再報
dunuknow_ww
|
多謝樓主分享 好詳細
Ziyumami
|
今個月HIPP冇搞,好想去
Ziyumami
|
更新左兩個啦
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽