產後9個月情緒好差

Mamashum
|
生左第二胎差唔多9個月,一個人湊兩個好辛苦,大女4歲,勁痴身,又呻妹醋,成日有意無意整細妹,我成日要係屋企作戰狀態睇實個大。細妹都幾難湊,日頭唔訓覺,但成日扭,夜晚又一晚醒幾次。我精神狀況好差,成日唔夠訓,好攰,心又勞氣個大女,好辛苦。成日覺得好似抖唔到氣咁,心口好矮悶。仲成日發女脾氣。我應該要點做好,抑到我好辛苦。發脾氣時有唔想做人的念頭。
CounNet
|
您好。首先聽到你話家姐會呷醋。家姐而家四歲要佢接受一個新生命出現係佢生活,同其他人分享自己既父母係要一段時間適應。

另外,你既攰令你開始情緒唔太穩定,對你自己都造成影響。見到你好無助啊,而家會有唔少既托兒服務/鐘點保姆,或者你可以嘗試咁做,抽幾個鐘俾自己可以休息一下。你話你有D抑鬱,同想輕生,其實你係度講出黎已經好好架啦,母嬰健康院佢地都會有依方面既專業意見同方法幫助你。如果你有咩想分享都可以同我地講架~~
cedarcone
|
忠告!小心抑鬱惡化!
要搵方法抒緩下自己,娛樂下放鬆心情!
加油呀 !
Greenq
|
唔夠休息 ,嘗試找家人幫你 ,而且都要出去戶外吸收新鮮空氣 ,人都會有精神 。
4歲小朋友呷醋要慢慢適應 ,同教育佢「兩個都咁錫」既道理。

嬰兒休息時間可以慢慢調教 。如果唔訓 ,係咪唔夠飽或太飽、 體温適唔適合定訓得太多 、嬰兒精力過剩 ,要陪佢玩、 換左片咪 …舒服環境都會易入睡 。通常嬰兒沖完涼食飽最易入睡 如果下午一點沖完涼兩點食完奶三點開始訓 六七點起身玩, 到十一點先比佢訓 咁大人同小朋友既作息時間就接近些。希望你可以試下吧!


金牌阿四
|
Mamashum 發表於 18-11-8 14:00
生左第二胎差唔多9個月,一個人湊兩個好辛苦,大女4歲,勁痴身,又呻妹醋,成日有意無意整細妹,我成日要係 ...

你太人壓力了
chujai127
|
同感 搵人幫手湊雨啦
gilgil39
|
我當年都試過產後抑鬱,其實到而家都唔知有冇完全康復;你快啲搵人幫手啦,一打兒真係唔易㗎
ttkkhong
|
你好大機會係產後抑鬱
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽