隔離登講緊窮人唔好生仔....

luckybaby2011
|
hhz 發表於 18-11-9 10:01
真?唔會漏嗎?

無帶時頂住先
淘心
|
我有個窮媽媽朋友,講明個女一出身賺錢,佢就會唔做野。要個女全數養佢,等佢去歎世界。個女起碼要比一半人工佢。

這就是窮媽媽的思維!
點評
wcpcelia    發表於 18-11-10 17:47
mint2014    發表於 18-11-9 11:03
mmya
|
同意呀 窮真係唔好生
自己都未搞得掂
前排節目先講
一家四口住劏房
講到幾慘幾慘
其實政府冇欠你㗎喎
生一個都可以接受
兩個真係自己攞嚟衰
tttt709394
|
我哋個年代,窮都可以靠自己出頭,宜家玩法唔同,窮人難向上流。窮養小朋友?唔好諗住佢可以脫貧繼而養埋你
littlecar
|
leungszeon 發表於 18-11-9 10:03
我認同呀,連自己都照顧唔掂,點照顧下一代﹖


我宜家都有D咁既感覺,好似有D力不從心,生仔既時候好難預埋物價同自己身體。 父母是但一方身體唔好,一個家庭就好大影響,又或者以前有D同學父母一離婚,生意失敗,又會好大轉變,做父母真係要三思。

Angel_Rose
|
樓主,咩野叫做靠北?

你講嘅第一點,我想起我在2012做伴娘時,朋友係月頭結婚,個新娘化妝師當日拎曬姐妹的電話,第2日打比新娘同我們話自已好窮,岩岩同老公離左婚,爭個女撫養權又輸左,叫我們借錢比佢,否則過吳到今個月,要偷個女啲綜援金用,新娘心軟借左幾千蚊比佢,第2日就係佢fb見到帶個女去迪士尼度玩,講到自己無錢過生活但又有閒錢帶個女去玩,我係個官都將個女判比阿爸啦,費事個女跟阿媽會學壞

講返自己,其實我果個年代基本上無窮人,我估我家不是窮,因申請書簿津貼被拒,但媽搞到成家人生活得衰過窮人,佢為左面子迫我同妹上好多興趣班,浪費曬啲錢,我要執堂哥啲二手衫著,小二時同學邀請我去生日會,媽話曬錢吳好去,我就比果班同學標葛到畢業,妹好啲,執我表妹(大我妹兩年)啲二手衫,咁多年黎得新年,同細叔結婚果日我先有裙著,因媽會特登買條裙,大時大節,媽成日話我同妹要上興趣班,搞到屋企好窮,我話咁你停曬我啲興趣班啦,我都不喜歡學,吳想曬你啲$,媽打左我一獲話我不思進取,身在福中不知福,我係佢個女,佢要我學我就要學,到我結婚時,妹同我想參與制作接新娘遊戲時,妹吳知講左啲咩,爸話媽好癲,當年為左要有舊錢比我同妹上興趣班同讀貴價幼稚園,食餐飯都好度縮,連帶佢帶飯返公司都無咩好送,成日將$掛係口邊,要大屋搬細屋,比爺爺麻麻以為我們屋企係咪出左事,例如爸失業,或者屋企破左產
tttt709394
|
newspaperhang 發表於 18-11-9 09:42
我路過搭咀,唔好介意。
見身邊有朋友既屋企係咁做法:父母供大既出國,大既供細既出國。而大既不需特別供 ...

你講嘅例子有難度,應該父母本身有一定經濟能力?或者舊公務員有津貼?兩個小孩年齡差好遠?
淘心
|
本帖最後由 淘心 於 18-11-9 10:23 編輯

你看看早晨在公園班大媽!個個養個仔十幾年,跟著就唔做野,朝朝晨運,群班唔做野的八婆是是非非。

窮媽媽就是看準這個回報,生,生,生。

她們不管子女多辛苦,只想自己可以得到甚麼好處! 窮媽媽,都不會是好媽媽
41009022009
|
我都係一個活生生例子。我單親。仲有一個家姐。阿媽份糧每月去到月尾已經清乾淨。
捱十日八日先出糧
中學時期。我得四十蚊飯錢。無零用錢。
所以好少食早餐。留錢食午餐。
所以我個時好羡慕d同學。小息可以去小食部食野。放學又可以去陣街。
Lunch見到同學仔打開銀包。又好羡慕入面有咁多錢。(其實百幾蚊。但我已經覺得多)
有年参加課外活動去st John 學急救。
最後因為都要用錢。玩左一年放棄。
因為每次上完堂。佢哋去M記食。我只可以走先。因為阿媽只比二-三十蚊我。當車錢用。
當年我都有怨我阿媽。無朋友因為我窮。
我個時係好羨慕同學仔。。
最後十六歲做M記揾零用錢
Astra00
|
momo06 發表於 18-11-9 10:06
你唔同,你地心知屋企唔系窮,祇系父母唔將資源投放系仔女度。同10蚊俾5蚊&10000蚊俾10蚊同理。
...
但做很多的事,說出來人地以為我們真的窮到咁。哎!如果我父母是十元用五元在仔女度,我不會有呢種感慨啦!m巾?自有m起,自己搞定,用零用錢省去買省去用。媽叫我們多點去快餐店取廁紙用。哎!所以我一夠歲數做兼職,省錢儲錢。成日會想有本事離開呢個屋企。到我成家立室,先覺得自己自由同成長。
greentea14
|
luckybaby2011 發表於 18-11-9 09:55
但好現實、而家後生邊邊幫到手有資源就親邊家

認同。 假設係女家出錢畀首期,好自然搬近女家,因為住得近容易見啲,接觸女家多個男家。 生埋仔女之後,小朋友接觸公公婆婆多過爺爺嫲嫲。(相反, 男家出首期, 就親男家)

中國人傳統思想, 女人靠男人天公地道, 但男人靠女人, 會傷害男人自尊, 同埋招人話柄。
Angel_Rose
|
ms_maybb 發表於 18-11-9 08:14
仲有,窮人生仔唔會諗得咁清楚,佢地有種思維就係生得多當博彩....
有印象呀,睇報紙話,個社工定記者去劏房訪問一個生左四個定五個細路的家庭,個媽仲大住肚,記者問佢點解吳夠資源仲生咁多個,受訪者話正正因為窮先要生多啲,吳夠資源就自動努力上進,讀好啲書考好啲成續,到時是但一個做到律師,醫生,就會帶曬全家搬去豪宅,有工人用,一命救全家,生多啲就多個人中標

但我覺得,樓價咁貴,都無可能做左醫生出完第一個月糧就即買到豪宅囉
Cara2006
|
本帖最後由 Cara2006 於 18-11-9 10:37 編輯

而家這世代,中產都叫苦連天,窮人小孩,真係好難上游。
有時唔係社會唔比佢地上游,
係佢地根本冇打算上游。
成日話 "平有平養",說穿了,是不想負責。

以前的人,由住木屋,到公屋,居屋,到買私樓。
一步一步向上,改善。但,要上游,要犠牲,要慳,要儲錢。
而家個個將身家放上身,名牌手袋名牌錶,住豆腐潤咁細也一屋 LC 煲,

而家,住公屋的,笑人買私樓係樓奴。
成個社會氣氛,係好大部份基層,安於做基層,安於食阿公,
自己冇本事,就笑人上游蠢。

在咁樣環境和心態的家庭長大,老實講,點會有出息?
但,我又唔同意,叫佢地唔生,
難聽 d 講,始終要有人係勞動階層,
佢地安於咁,又甘心比子女繼續做基層,我唔會阻佢地。
Angel_Rose
|
sunnymama2 發表於 18-11-9 08:43
冇錯,生女傳統上係唔需要比首期呢個思想。

但問心我唔會重男輕女,除非一方親家非常有錢啦。
出國讀書,我想起啲事,妹想出國讀書,佢係自己考到獎學金去,我大學同學,想去外國讀碩士但又考吳到獎學金,佢做左五年野儲夠錢先去外國
Gummama
|
sunnymama2 發表於 18-11-9 08:19
我最近都開始諗緊好唔好生第二個,我本身超喜歡小朋友,母愛爆棚。如果生兩個,經濟負擔冇問題,依然可以 ...

本帖最後由 Gummama 於 18-11-9 10:56 編輯

同你處境一樣,而家讀書係鬥資源,睇住以前家境不錯的朋友會考/高考失手,出國然後名U畢業,而家係專業人士高收入,仲有父母/夫家比首期,而我呢d屋企冇能力咪普通八大出黎捱世界 自己辛苦過,到而家為人父母,自然會比小朋友逃離填鴨讀直私,因應情況選擇出唔出國,考咩學制,etc.

集中栽培一個小朋友,佢成龍也好,成蟲也可以冇父累冇憂地過生活

mini1204
|
窮吾好生仔,千萬吾好
sangria
|
同意窮真係唔好生。
sweet__heart
|
某程度上,我係讚成窮係唔好生仔,自己都養唔掂,仲點照顧下一代


ricky0223
|
睇下窮到咩程度啦,如果同6299、姑仔姑奶叔仔大伯一起住,做全職媽媽又怨到樹都冧既就唔好啦!
李嘉誠當年夠窮啦,睇下本身個人係咩性格,做父母諗咁多就唔好生,做子女既亦唔可以怨咁多,就算出世有$,之後破產又點算?二十年後既野,邊話得埋?
我自己自問唔敢生兩個,寧願集中資源係一個身上。
yui1625
|
Cara2006 發表於 18-11-9 10:33
而家這世代,中產都叫苦連天,窮人小孩,真係好難上游。
有時唔係社會唔比佢地上游,
係佢地根本冇打算上游 ...

而家既時代根本冇得同當年60-70年代社會經濟起飛黎比
個陣既人, 肯做野就有糧出,儲到錢, 人人睇得到將來

而家買樓既價錢, 已經係AFFORD唔到
AFFORD得到既, 都係丁屎咁大間, 供幾廿年
唔係有父幹母幹既話, 點買?
我D朋友做BIG 4, 搵幾皮野一個月都買唔落手

以前公屋住咩人, 而家公屋住咩人?
點解D人一黎到香港唔使做乜都有?
呢位JM你都識話以前既人由公屋-->居屋 一步步咁上
而家搵咩黎上? 個起點係邊?
劏房都講緊6-7K一個月, 收入中位數都係得15K咋, 佔左一半喇差唔多
呢個社會K左型係事實






Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽