幾時先可以渡過Trouble 2?誠心求教仔方法

mj830
|
未夠兩歲時其實都算乖2歲開始真係開著左trouble 2個掣咁做乜野都要唱反調,講野能力比同期小朋友差,問親佢想點都係講唔出,擰頭,dum地,lur地,喊,尖叫例如夜晚夠鐘食飯,同佢講,一齊執玩具洗手食飯,唔肯,死lur要繼續玩

試幾種方法1. 講道理,唔食飯會肚餓喎,餓就無力玩車車,聽唔入耳,一味喊2. 唔理佢,大人自己食,佢就照企原地喊,喊到攰就自己發脾氣坐地下,氹佢就仲喊多兩錢重3. 攞佢最鍾意既公仔黎氹佢,扮公仔聲氹佢,唔理,一掌打走個公仔

最後係佢應該自己覺得肚餓,老公心軟望下佢,就自己主動埋枱食,但唔知係咪喊得攰冇胃口食得唔多以上既情況只係換做
沖涼/刷牙/出街/訓覺/搽cream不停每日loop甚至因為佢咁尖叫發脾氣喊,我同佢鬥耐性,真係街都唔出立即取消行程,為既只係唔想一味鬧同打,威迫佢做野想請教咁多位,我做既究竟啱唔唔啱?定係其實應該順下佢意,由佢,就下佢,大啲自然會好?真係好攰⋯⋯
bchuma
|
對付呢挺bb一定唔可以心軟,唔可以就唔可以。一定唔可以。通常我仔只會咁典佢爸爸,因為佢爸爸就係比佢典成功。我話唔得就唔得。佢清楚,明白
我要做媽媽
|
我都覺,真係唔可以心軟,心軟既話就等住仲有下次...
mj830
|
bchuma 發表於 18-11-11 20:23
對付呢挺bb一定唔可以心軟,唔可以就唔可以。一定唔可以。通常我仔只會咁典佢爸爸,因為佢爸爸就係比佢典成 ...

態度強硬,鬧佢係會聽,但關係就變得好差,所以想睇下大家有冇其他方法
mj830
|
我要做媽媽 發表於 18-11-11 22:41
我都覺,真係唔可以心軟,心軟既話就等住仲有下次...

係⋯一心軟就比佢食住上
haha748494
|
其實BB好醒架,知道家長錫,就要食住你,我會繼續狠心落去。
bchuma
|
mj830 發表於 18-11-12 10:24
態度強硬,鬧佢係會聽,但關係就變得好差,所以想睇下大家有冇其他方法
...

唔係個種硬,就係講過唔可以食物飯前飲奶就係唔可以。一定唔可以俾。佢會扭,扭一排知道扭無用,就唔會扭。
我要做媽媽
|
mj830 發表於 18-11-12 10:25
係⋯一心軟就比佢食住上

我都係咁樣過黎,覺得自己都做得唔夠好。有時候真係好需要耐性
hana_hana
|
其實小朋友未識表達自己,心急起上嚟會用行動表示自己不滿。我首先自己會吸啖氣,忍住唔好發火先,之後回帶諗一諗有乜嘢剛才刺激到佢。比如係佢冇得玩個玩具:
一:我收佢玩具前會同佢倒數時,三分鐘、一分鐘、最後十秒,預備好佢嘅心情,你諗下,大人都一様,俾人忽然拎走你啲嘢你都呆一呆啦!
二:收走時同佢講,個玩具好好玩,聽日媽咪再俾你同佢玩,同玩具拜拜,再收拾玩具,要有一個儀式俾小朋友完結,同埋俾佢知道有下次。做到要讚佢。


hana_hana
|
三:初頭可能唔肯做二,會大喊lur地,呢個時候你嘗試講出佢嘅感受,比如:媽咪知道你好鍾意個玩具,依家要出街冇得玩好唔開心好唔捨得,媽咪應承你回來再玩;俾小朋友知道你明白佢嘅感受佢會快好多收聲。

但如果你唔知佢喊乜,咁我會問幾條問題,係咪冇得玩具唔開心?係咪唔鍾意著呢件衫出街?問到佢答係,之後用方法三嘗試誘導。

純粹個人意見,頭幾次未必work,但教小朋友一定要堅持先見到成果。小朋友兩歲好想自主,平時俾多啲機會佢地自己作選擇,例如今日帶呢本書定果本出街,等佢知道你尊重佢,會幫助到過渡自主期。
RubyYu07
|
我個仔反而唔可以同佢硬碰硬,只服軟,要好聲好氣同佢溝通,然後交換條件。
RubyYu07
|
hana_hana 發表於 18-11-13 00:22
三:初頭可能唔肯做二,會大喊lur地,呢個時候你嘗試講出佢嘅感受,比如:媽咪知道你好鍾意個玩具,依家要 ...

多謝分享,我都學到嘢,其實同小朋友溝通都係大人EQ提升既過程
aidan08
|
我覺得教佢哋要立場堅定不退讓,但又要忍住唔可以發火唔好惡,係要firm但不動氣。要試多幾次,佢哋其實試緊大人底線,要佢知道鬥唔過你佢先明白扭係無用,所以唔可以妥協。但又要適當比佢哋知道我哋係錫佢。係好難,媽媽加油!
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽