小心慈雲山姓汪醫生!

JunKit
|
我個囡差不多3歲,咳和流鼻水3天,昨天因為睇開個醫生冇開,所以去睇汪醫生。

LEE 個醫生好冇醫德,睇症已經好HEA,入去唔夠一分鐘就出嚟,我同佢講我個囡冇發燒,鼻水係透明的,只好多咳,佢話要快D 清咗佢,唔好拖。


好啦,到攞藥時,姑娘同我講要收$150,我奇怪點解要收我錢,因為醫療咭應該包晒,原來佢開咗抗生素俾我個囡!!


我當刻冇問姑娘,因為我驚問完個姑娘,佢唔俾其他藥我仲衰... 但我真心覺得,你想收人錢,唔緊要,但要收得有醫德!一個冇發燒、冇黃鼻涕的小朋友,我唔覺得佢嚴重到需要食抗生素。


我最後當然冇俾我個囡食抗生素,只係食其他藥,但今次令我深深覺得,做醫生醫德好緊要,俾多少少時間,問清楚、睇清楚個病人,唔係隨便開抗生素俾病人收人錢叫人走就叫睇咗個病人!
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽