媽咪好氣餒,3歳返學整傷同學仔

Kitwahlai
|
有冇媽媽自己既小朋友一玩到好肉緊或者同小朋友好近既身體接觸就會控制唔到自己咁用手指meet小朋友或指甲咪人?做媽媽既好氣餒同頭痛,最近成日都要同人地家長道歉因爲自己小朋友用指甲咪傷人地個小朋友!究竟係咩情緒病一種?或再大d會有改善?有冇媽媽可以分享?謝謝!
chanavis
|
之前有冇讀N班,係讀K1先係咁?之前我女讀N班時開頭都有,不過同佢講左幾次之後,就無再咁情況了
ricky0223
|
教佢下次興奮時改用手指摸小朋友,唔好用手指甲,勤力剪/修指甲。
有次我仔比個三歲妹妹用指甲揻到損曬又腫,半夜仲喊話好驚心痛死,真係要教好自己小朋友
點評
金牌阿四    發表於 18-11-14 16:32
李露眉
|
k1試過咬人,而家k3正常
Kitwahlai
|
李露眉 發表於 18-11-13 17:20
k1試過咬人,而家k3正常

做媽咪好氣餒,不停洗腦咁教咁講,已經主動出動埋老師幫手,每次佢整損小朋友我地都會主動帶埋小朋友去道歉,平時時時刻刻都會提醒佢,但真係好驚俾人投訴,好無助!我都聽過小朋友到k2/3就會正常返!
bchuma
|
Kitwahlai 發表於 18-11-13 14:21
有冇媽媽自己既小朋友一玩到好肉緊或者同小朋友好近既身體接觸就會控制唔到自己咁用手指meet小朋友或指甲咪 ...

我覺得好好教導就可以,唔屬於情緒病
點評
金牌阿四    發表於 18-11-14 16:33
cookingbaby
|
同佢講下:如果再繼續係咁,以後就無同學仔同佢玩嘅喇。
emmmacyk
|
有啲小朋友興奮得濟,又唔識控制同表達,就會有呢啲整到人的行為,例如:搣、推、攬、扯、拍打等等,其實係關情緒控制事。
係學校發生,家長真係冇乜可以做到,你已經事後處理得好好了,唯有請老師再多加留意。
平時放假帶小朋友出去玩時,可以多啲示範畀佢睇,教佢點同人玩,唔好淨係講,直頭做出嚟,然後請佢重覆做一次,如果無其他發展障礙,如自閉、adhd、社交遲緩等,情況應該會慢慢改善
Kitwahlai
|
emmmacyk 發表於 18-11-14 16:49
有啲小朋友興奮得濟,又唔識控制同表達,就會有呢啲整到人的行為,例如:搣、推、攬、扯、拍打等等,其實係 ...

謝謝你,我已經主動同老師同註校社工再加緊留意,放假都會貼身睇緊d自己小朋友,希望正如你所講大大下就會改善到!
幸福BB豬
|
開學頭半個月我都頭痛呢個問題,老師話我仔打人(因平時唔覺佢會主動打人,但就會想一齊玩唔識表達會拉扯到其他小朋友)我再同我仔講唔可以打人唔可以推人,之後連續幾日我仔返到屋企都話比人打頭痛痛有次眼角位瘀腫咗兩三日,當時又放假幾日,之後再同老師了解翻情況,其實邊個打邊個先都唔一定,咁細個又要分享玩具,老師見到都已經係開打之後,未必係事實真相.好彩之後無再有呢個問題。但就煩緊另一個問題,返學後個個月都病,請假多過返學
RubyYu07
|
ricky0223 發表於 18-11-13 17:07
教佢下次興奮時改用手指摸小朋友,唔好用手指甲,勤力剪/修指甲。
有次我仔比個三歲妹妹用指甲揻到損曬又腫 ...

我小朋友又係!係公園比細過佢既妹妹用指甲劃損塊面,兩條痕!
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽