求救:中學生問點解放學後唔可以留在校玩?

wingyeeee
|
當年初中真係日日留係學校打波,傾計到學校關門先走,趕住返屋企果d同常會約埋打機,好宅嫁
女皇駕到
|
唔知樓主女間學校校風係咪好差所以擔心,但我覺得如果真係留校,總好過唔出聲出朋友出校外玩。

留校既學生多數會較乖,壞既一放學就走晒去玩。
CatEgg
|
中學生,唔好再當/叫佢小朋友,佢會反感
睇落你同女的關係唔太親密,青春期的少女,你壞管佢越反抗,要諗下點改善母女關係
btw,我今日係麥記見到兩個讀麻麻地學校的女生,嘰哩咕嚕亂吹水。點知佢兩個食完個包就開始好認真溫書做功課!
yubaba
|
諗返以前, 放學都係唔返屋企住, 一係在學校hea, 一係兜下商場先返。好彩校風Ok, 身邊同學壞不到哪裡, 但宜家做咗人地呀媽諗番都真係幾衰女包。
detox6066
|
yamaneko 發表於 18-11-13 19:09
我最唔開心係佢唔肯定幾時遲走,因為要等朋友,玩即興,又唔講比我知。次次都係我回家不見人,才打電話給 ...

下,我中學時鍾意幾點返屋企都得,最夜咪7點,最緊要平時係自制咪得囉。放學好多野攪,傾project, 去唔同晚學會玩活動,校隊練波啦,好多姿多彩,雖然我讀書中規中矩,但我原校升到中六中七ga
我d 8A同學仔日日放學唔係打波就玩drama⋯

佢都咁大個,都要放手比佢做想做既野
myaisha0435
|
yamaneko 發表於 18-11-13 18:39
求救!

家中的初中生成日都想留在學校玩,唔想返居企,佢話因為想面對面同朋友傾計。係留到學校關門,大約 ...

放學唔同d同學吹下水玩下, 阿仔好快變邊緣人....
lovemisha
|
其實好正常,以前多數係學校小休,轉堂時間就做哂功課,學校放6點,我從學校返屋企的距離需要1個半鐘,所以返到去都成7點半!一開始我會即刻返屋企,屋企冇人,冇人同我溝通,我都只可以打開部腦同網友傾計打機,到左夜晚屋企人返黎見到我對住部腦,而唔係對住本書就會覺得我一返黎就打機對住部腦,初出口角,但未繼而動武既,不過久而久之,關係咪差囉,真係會覺得佢地唔理解我亦唔關心我,唔會問我原因,一黎就話你,哦你咁樣。

後來加入左排球隊,我就差不多放學6點就落操場打波,打到學校趕人走,大約7點~8點,lunch又習慣唔食野,變左一路到8點鐘都冇野落肚,就乾脆同d波友一齊食啲野先返屋企,結果又係俾人鬧

上面講左咁多野我只係想講,其實會唔會你屋企果位初中生覺得咁早返到去都冇野做,細佬妹又細個,冇計傾,大人又唔明白佢,所以同你講多句都廢事?

我以前真係覺得因為同屋企人講極都唔明,只係識指責我,話我不是,從不關心我每一件事都事出有因都算,當我嘗試解釋又reject我,耐左我就廢事出聲了。
我以前讀果間學校校風都唔係話好架,又有黑社會果d喎(係咪真就唔知),但一個人要學壞都唔一定係人地帶壞,有少部份係俾屋企人逼迫造成架,俾返d空間佢,唔好一味要收,都要識放
panyeung
|
睇你D對答,你好似當佢小朋友咁
amypekkle
|
yamaneko 發表於 18-11-13 19:24
我的問題係點玩呢個信任?我唔想安GPS,佢學校雖然不在鬧市,但放學會經過。本來學校放學要啪卡,但唔啪卡 ...

「本來學校放學要啪卡,但唔啪卡都無人理喎」~
同仔商量,如放學後唔拍卡,又唔打電話/Whatsapp 將行踪通知你,佢會擔心。試下定個時間,例如7:00前回到家就不用特別通知,預計返唔到就要盡早通知。同埋叫佢放學要做返拍卡。
siumak
|
yamaneko 發表於 18-11-13 18:39
求救!

家中的初中生成日都想留在學校玩,唔想返居企,佢話因為想面對面同朋友傾計。係留到學校關門,大約 ...

我以前中學﹐
三點幾放學﹐
五點操場唔准再用要清場﹐
咁你小朋友留校還好﹐
周街行仲煩;

哩D情況要找其他人出聲點解媽媽想佢有交帶﹐
父母要求唔係好聽架喇。

MariaTsui
|
本帖最後由 MariaTsui 於 18-11-14 08:50 編輯

我以前放學都唔鍾意立刻回家,喜歡跟同學打波,吹水,做功課,溫習,學校5點關門,我們就4:55pm走,因為5pm走要簽名,通常6pm才到家,亞媽又無罵,又無問。現在回想都很享受校園生活,所以時常鼓勵一對仔女參加多一點學校活動,好好享受校園生活,學校不是只是一個讀書的地方,還有其他成長經歷的。
super_aries
|
yamaneko 發表於 18-11-13 19:18
佢問點解要交帶,好老土又麻煩,不如當佢日日遲返。

得罪講句……
媽……你真係好煩!
7時前回家就可……
仔的學校生活……媽你吾鐘意……那又如何?!
cara.mak
|
學校會比無活動的學生留咁耐? 不如同班主任傾下,留意下佢地係咪真在校內,是否做正經事
whyyou
|
yamaneko 發表於 18-11-13 19:44
多謝咁多人留言,我知道我都麻煩,唔肯放手,哩樣唔得,果樣又唔知。
我都想放手,但小朋友唔肯親近我,又 ...

樓主你自己有冇讀過中學?你當年一放學就返屋企,完全冇同同學去玩?你父母有冇好似你管你個女咁管你?如果冇,你又有冇變壞?唔好賴而家社會唔同咗,呢啲只係你為你嘅控制慾找藉口,其實同你個女約法三章,要佢六點前返屋企已經得,冇需要做直昇機家長
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽