BK 的姐妹成日推崇私家生仔,真好笑

thankyou201020
|
我有睇那POST,其實又無好多人"推崇",只是當你有能力就想搵"舒服D",正常都知無一定,只是有些人唔識講野,我好彩,兩次都只有兩次都是2人住4人房,就算私人你訂時都講明有可能發生的。但政府辛苦就一定。
TATEYAMA
|
本帖最後由 TATEYAMA 於 18-11-14 14:27 編輯

我住私家二人房,好在大家香港人,生完大家都有人探,但唔嘈又唔多人探,住左成五日好舒服休養得好好!如私家單人房-定仲好(但貴)我諗住私院政府都係睇同房既人自唔自律!
xela
|
thankyou201020 發表於 18-11-14 14:21
我有睇那POST,其實又無好多人"推崇",只是當你有能力就想搵"舒服D",正常都知無一定,只是有些人唔識講野 ...

唉~ 大家都太理所當然了。

果個post 只不過係一個觸發點啫,你睇下呢度各位JM, 一有事個個都話係公立問題,講乜野「私家實無事」 / 「好彩我去私家咋,如果唔係我阿仔實生唔出」等等

啱啱個四子之母個case 就係好好嘅鑑戒,私家一有事,就會叫你去公家。只係煲私家嘅好,唔考慮其他因素,我覺得係太多偏見了。
Sumjac
|
chillimom 發表於 18-11-14 14:13
可以自己選醫生,一個醫生跟足成個產檢和接生。不需給公家新手醫生搞⋯⋯已經huge difference! 你唔識野唔 ...

十分同意呢點,私家生可以由自己的醫生跟返,公立有睇彩數成分

我有朋友係公立生,由實習醫生聯線,聯線後因方法錯,要拆線再聯,佢話痛過生仔,之後傷口發炎,痛左個幾月,好辛苦

當然,好彩的話,在公立生也沒有問題,醫療設備也很好
lingfu
|
xela 發表於 18-11-14 14:15
其實我都係user, 我有請一個星期假日日朝8晚10咁駐場照顧太太,所以我先講得出「其實唔係想像中咁靜」

我 ...
我覺得樓主你太著重感受既非理性
但女人就係感受為主
"我覺得XXX"已經係一個理由
講性價比同危機率,plan for the worst
你同對牛彈琴冇咩分別
佢地可以連唔係私院可能唔知發生咩事都講得出
就知道佢地係唔會理個客觀事實
或者咁講呀
有幾多個鍾意私院媽媽個bb係入過加護/NICU?

lingfu
|
xela 發表於 18-11-14 12:32
多謝你認得我,係呀,我係男人 XD

老婆同阿B都係我屋企人,一齊幫手做決定,所以先知咁多野。一切順利的話 ...
一個字:爽
兩個字:舒服
三個字:有得嘆
四個字:有人服侍
Gomme
|
xela 發表於 18-11-14 11:11
呢句又係BK 姐妹最鍾意講嘅,我真係唔明,點解私家醫院生係叫愛佢呢?

我老婆係私家生係因為有醫學原因, ...

你話prepare for the worst, 點解唔去公立生?
你話私立不會接complicated case, 但你太太又有醫學原因,私家醫生又會接你個case?

我感到有d予盾
小豬澄
|
我二胎都係公院生 私院跟本就唔收我

不過我住咁多次院 雖然私院有私家電視睇

不過再入院我去番政府 因為個病房太嘈
成日無得訓 反而公院訓得仲舒服
pinkochang
|
本帖最後由 pinkochang 於 18-11-14 14:45 編輯

私家好處係可以簡醫生
同埋簡開刀(唔洗陣痛咁耐)
住院伙食好D

公立好處係平
有限探病時間 (對我嚟講係好處, 大家休息就休息,唔洗俾人車輪轉煩住)

我自己兩胎都係公立生, 唔係無錢,
而係我唔怕痛, 一心想順產,
醫院近我屋企(5分鐘腳程)
對伙食無要求,反正都係住一兩日,
有錢都想留俾D細路

同埋兩胎所有醫生同嬸嬸都超好, 但佢哋係好忙好忙, 無乜事我都唔會煩人,
但有事按鐘叫佢哋一定會正正常常客客氣氣幫手,
有時聽到D人話醫護態度唔好, 我都會有所保留,
因為齋聽投訴人講, 你係唔知當事人既態度如何,
有時D野係相向的
我兩胎都餵到全人奶(一滴奶粉都無飲過), 都係靠公院幫手而且佢哋都會幫我照顧bb,俾我好好訓下, 夠鐘食奶先俾返我,
我話傷口痛換唔到片, 又會幫我同教我,

唔好話個老公錫唔錫自己而俾唔俾錢老婆去私家,
自己將為人母, 如果本身唔係大戶人家, 應該諗下D錢點洗,
有時唔係有錢就=可以亂FING,
就嚟做人媽媽, 顧全屋企同BB既財政係好重要,
你要老公錫你, 咁你又有冇為BB同屋企著想?

唔好唔記得, 有乜奇難雜症都係送你返公院
如果為求生仔痛少D、有幾日好服務、有幾日好伙食,
就要俾400倍價錢 (我記得我生兩胎埋單都係$250, 私院見D人落樓10萬左右)
我寧願留返D錢日後想點Relax就點relax,
最後我同c6就係將呢d錢左慳埋右慳埋買咗依家既安樂窩
chillimom
|
xela 發表於 18-11-14 14:20
是的,可以㨂人。都係幾大分別,信都係信開刀醫生。自然分娩就信阿B多啲 :)

但我想問touch wood 有 emerg ...

就係weigh 過仍然咁選。你又憑什麼去質疑人哋嘅選擇唔夠你理性?

如果講機率,我會比實習醫生同唔係我揀嘅醫生接生,呢個機率係百分百。而邊個接生嘅factor 係我個formula 佔4 out of 10。BB出世有重症嘅機率可能係0.5%,係我個formula 佔6 out of 10。計埋都仲係去私家個分高啲。其實邊一個範疇佔比重幾多本身已經係主觀,生仔係一個好個人嘅經歷,點解唔可以感覺行先?上面條算式有客觀數字但係一定有個人選擇嘅weight。

你自己本身已經有一個嚴重嘅邏輯錯誤。
小豬澄
|
xela 發表於 18-11-14 14:28
唉~ 大家都太理所當然了。

果個post 只不過係一個觸發點啫,你睇下呢度各位JM, 一有事個個都話係公立問 ...

我識有個媽媽係私院生完 點知個BB有事 即轉院去政府 差點救唔番

個媽媽話 再生點都去公院 佢真係嚇怕左

產檢各樣都好正常 但世事係無常
Gomme
|
Sumjac 發表於 18-11-14 14:28
十分同意呢點,私家生可以由自己的醫生跟返,公立有睇彩數成分

我有朋友係公立生,由實習醫生聯線,聯線 ...

我有d朋友係公立生,case 會有
1. 2個朋友係廣華食全餐,陣痛冇笑氣
2. 朋友係QE生完下體發炎,之後用在$7000去私家睇傷口
3. 廣華食全餐朋友開刀後生肉芽
4. 朋友順產失敗,之後緊急開刀,係打直開
5. 同事老婆係瑪嘉烈生,由於產房無位,佢老婆差d係架lift 入面生左呀b出黎
6. 屋企人同事老婆係QE生妊娠毒血,最後救唔返,新聞有報


相反,多數朋友係私家生平平安安
raicherry
|
我兩胎都係公院生,冇錢冇得揀,但都係住幾日,公院私院都好,都唔夠屋企舒服
xela
|
lingfu 發表於 18-11-14 14:30
我覺得樓主你太著重感受既非理性
但女人就係感受為主
"我覺得XXX"已經係一個理由

OK you win~ 係我認真左(同女人講理性都係磡頭埋牆花式自殺行為)

我都知我咁樣開po 會出事,但我又唔介意講下,講真,大家上來都係想傾下聽多啲意見,先做決定,咁我講一啲理性嘅說話不為過丫~

Gomme
|
chillimom 發表於 18-11-14 14:43
就係weigh 過仍然咁選。你又憑什麼去質疑人哋嘅選擇唔夠你理性?

如果講機率,我會比實習醫生同唔係我揀 ...

我之前去QE,canteen 入面食飯d 醫生全部好young , 全部2x歳
YuiYeeMa
|
樓主,男人老狗,你管你老婆去邊到生就夠啦, 其他媽咪關你什麼事, 男人之家唔該唔好仲麻煩過啲八婆
Jasmine-4711
|
生個陣有complications係冇人預計倒嘅。產檢一切正常都有可能生產時出事。割個朱苦力瘤都可以冇命(RIP),可況是生仔,涉及兩條人命。有些產婦因血崩而死。

我當年產檢係一切正常,但個Bb生出來巳缺氧要入NICU吸氧氣罩。翌日佢就出番来,但過兩日因黄疸又入NICU幾日。

所以公立雖然嘈d,但出事的話,公立有NICU安全d,亦不會失預算。
傻蛋蛋
|
我陀b時身體有事,寧願公立生,至少bb既醫療設備比私家齊全。

各有選擇各有所需,最緊要係對媽媽及bb好
xela
|
chillimom 發表於 18-11-14 14:43
就係weigh 過仍然咁選。你又憑什麼去質疑人哋嘅選擇唔夠你理性?

如果講機率,我會比實習醫生同唔係我揀 ...

你呢個計數方法無問題呀,我無話過去私家生係錯⋯⋯

你認真啲睇下BK 呢度啲post, 好多人一睇到生仔出事,就會回應「去私家啦,去左就唔會出事」,事實又係唔係咁呢,樓上都有講下,私家公立都會有各自嘅好或壞

所以我先開呢個post, 私家唔係信心嘅保證,唔好係咁一味叫人去私家生。

好似咁丫,私院一入院時會問你食邊隻奶粉,用唔用杯餵。有無諗過?

如果媽媽想全人奶,但去左私家食開奶嘴,出左院又要再train 過BB埋身,有無諗過點處理?

又或者,公立無下下有老公服待,你頂唔頂得住?比如知道自己盤骨較細,咁你都可以諗直接開刀,咁可以skip 公立,去私家⋯⋯等等
xela
|
YuiYeeMa 發表於 18-11-14 14:58
樓主,男人老狗,你管你老婆去邊到生就夠啦, 其他媽咪關你什麼事, 男人之家唔該唔好仲麻煩過啲八婆
...

Sor, 我都覺得自己煩
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽