吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 工人一年想放兩次大假

論盡家傭今日: 3|主題: 133700

收藏本版

發帖

返回列表

跳至頁

查看: 3356 | 回覆: 9

工人一年想放兩次大假

ncbbb

大宅

積分: 4064

發表於 18-11-14 11:04 |顯示全部帖子

我菲傭下年5月完第一個約, 佢話想續約, 傾到假期就多事, 問極唔比確實日子, 我話我哋都要請假, 太遲好難請。趨咗好耐, 佢先話想3-4月放(小朋友畢業), 之後12月再放(姊妹返國, 好耐無見)。請問大家有咩意見參考吓?

1) 原來呢兩段日子都係peak season, 貴機票。我哋只能比2張, 唔想比晒4張貴機票佢。

2) 如我哋一年內請咁多日假, 自己揍小朋友做家務, 咁變咗自己無多餘大假, 去出席學校活動, 考試溫書, 休息旅行等等。

3) 如果佢堅決自付另外2程機票, 咁合約前放假, 續約及簽證(自己搞, 因本身agent超貴), 12月的假期手續, 應該點做法呢?

4) 當時拒絕後, 佢一直悶悶不樂, 又冷待小朋友, 想盡快解決。

私人傳訊

shirley_chiang

伯爵府

積分: 16135

2023年兔年勳章 BB防敏心得分享勳章開心吸收勳章美好大世界2017勳章 DHA勳章陪月勳章 BK Milk勳章

發表於 18-11-14 14:02 |顯示全部帖子

ncbbb 發表於 18-11-14 11:04
我菲傭下年5月完第一個約, 佢話想續約, 傾到假期就多事, 問極唔比確實日子, 我話我哋都要請假, 太遲好難請 ...

1)她還未完成合約，所以下年3-4月時機票是她自付，放假日子只計算她已累積的大假，不能預支大假，簽定一張協議書，如果她不回來時，當自己辭職，僱主可以追討一個月人工。12月的機票先僱主負責，因欠一套完約機票，所以12月是工人延遲渡假回鄉，應該可到入境處申請，詳情可打去入境處問一問。

私人傳訊

ncbbb

大宅

積分: 4064

發表於 18-11-14 17:33 |顯示全部帖子

shirley_chiang 發表於 18-11-14 14:02
1)她還未完成合約，所以下年3-4月時機票是她自付，放假日子只計算她已累積的大假，不能預支大假，簽定一張 ...

乜原來要滿約先可以放, 唔係話做滿12個月就可以請假?

私人傳訊

shirley_chiang

伯爵府

積分: 16135

2023年兔年勳章 BB防敏心得分享勳章開心吸收勳章美好大世界2017勳章 DHA勳章陪月勳章 BK Milk勳章

發表於 18-11-14 17:51 |顯示全部帖子

ncbbb 發表於 18-11-14 17:33
乜原來要滿約先可以放, 唔係話做滿12個月就可以請假?

工人姐姐不是滿約先可放大假，只是按比例計大假。未滿約僱主不會負責俾機票錢，除非被炒或僱主想她放假回鄉。

私人傳訊

Solarflare

男爵府

積分: 7514

發表於 18-11-14 20:49 |顯示全部帖子

本帖最後由 Solarflare 於 18-11-14 20:53 編輯

樓主第一次請工人?
睇個勢好似比工人食住咁。

一年放兩次大假, 好多僱主都唔會比。尤其係雙職父母。
你個工人, 又要搵一份無王管既工作 (雙職父母)。又要 expect 僱主就晒佢放假 schedule. 你應該同工人講, 有得必有失。你想找啲一年可回一次鄉既工, 就最好找 ftm 老闆。放假方面會 flexible 啲, 但就會成日有個太太係屋企管住佢。

如果佢覺得自已可以找到份又係雙職父母, 又可隨時比佢放假, 歡迎佢走。

仲要同佢講你唔中意佢最近對小朋友啲態度。就算唔開心都唔應該找小朋友出氣, 呢啲係大人之間既問題, 希望佢處理問題可以成熟啲。

千萬不可以比工人食住。否則續完約有排你受。

P.s. 佢完一張約你只需要買一程機票比佢 (完約前佢回幾多次鄉都係自費)。如太貴, 找下早幾日或遲幾日, 我果時比姐姐早走一星期, 機票平成2000。

私人傳訊

ncbbb

大宅

積分: 4064

發表於 18-11-15 08:52 |顯示全部帖子

Solarflare 發表於 18-11-14 20:49
樓主第一次請工人?
睇個勢好似比工人食住咁。

平$2000咁多, 唔該晒你資料!

呢個係第二個工人, 因為第一個太太太差, 唔夠三個月就炒咗。等咗好耐先搵到呢個, 感覺實在可靠啲, 放心交小朋友比佢揍, 做嘢中規中舉, 間中失魂唔記得指示咁, 其他都無乜嘢。

剛剛發現, 佢冷待小朋友似乎係做比我哋睇, 私底下兩人仍然玩得好開心。

私人傳訊

Solarflare

男爵府

積分: 7514

發表於 18-11-15 09:18 |顯示全部帖子

ncbbb 發表於 18-11-15 08:52
平$2000咁多, 唔該晒你資料!

呢個係第二個工人, 因為第一個太太太差, 唔夠三個月就炒咗。等咗好耐先搵到 ...

本帖最後由 Solarflare 於 18-11-15 09:21 編輯

咁如果你好想keep呢個姐姐, 咁要睇下有冇得傾下年假 arrangement 了。我果時續第二個約都同我姐姐傾左好耐。結果我同佢講真係要放咁耐假的話, 你可能要找個新僱主了。佢先突然話唔使放咁耐了 (之前講到一定要放咁耐)。

如果佢一定要一年放一次假, 你地會唔會有長老可以幫住手先? 唔好比姐姐覺得你地無左佢會屎, 無左佢會唔得。咁係大忌, 比佢知道你地真係好想keep佢。幾好既姐姐都會變衰。因為佢會食住你。

而你又要諗, 如果黎緊你姐姐年年想咁樣放假? 你就得佢幾多次 (如無長老幫手)? 今次就左佢, 佢就 expect 你下次都就佢。唔通你每年都為左就姐姐放假 give up family trip? 諗清楚。

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章

發表於 18-11-15 11:53 |顯示全部帖子

一年放兩次大假, 好多僱主都唔會比。尤其係雙職父母。

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

發表於 18-11-15 13:38 |顯示全部帖子

我姐姐來了未夠2年, 都放左2次假, 一次no pay 自己比機票返菲, 因為有親人死了.......

第 2 次做滿一年, 話d 女生日, 佢想放7日 (做滿第一年的假期), 因為我d 細路大了, 我自己可以照顧, 所以比佢放, 佢自己出機票. 我只比假期.

到今年年尾, 約滿 (2年), 佢仲有7日假要放, 我就包佢來回機票, 聖誕期假, 返到佢home town 張來回機票都成4千6.

我姐姐見我咁都肯比, 而家做錯野就快左講sorry. 可能佢都以為我唔會續佢.

私人傳訊