其實葉建源議員對朗思的解決辦法是?

oasis18
|
本帖最後由 oasis18 於 18-11-15 11:28 編輯

教育界立法會議員葉建源指涉事學校非公立學校,學生若安排到公立學校繼續上課,課程不銜接外,家長亦未必接受,而目前本港國際學校學位緊張,未必有足夠學位接收受影響學生,當局亦不能強制學校收生,促教育局處理學生安排。



[p=35, null, left]【本報訊】朗思國際學校涉未經註冊於長沙灣崇正中學校舍違規辦學,中、小學部逾200名學生至昨天已停課3日,高小學生今天將於朗思界限街校舍復課,但中學部由於大部份教師拒絕與崇正重新簽訂合約,課程或要停辦。約40名家長昨與教育局官員會面,有家長在會後表示對教育局回應感到失望,強調希望能在原校復課,不希望要轉校。據悉,教育局代表在會上解釋,要原校復課有很大的困難,法例上根本難以做到。







家長憂太擠迫礙質素











[p=35, null, left] 教育界立法會議員葉建源表示,昨與40多名家長在政府總部與教育局副秘書長胡振聲、首席助理秘書長李錦光等會面近兩小時,家長覺得未能解決問題對此感到失望,學生現時被迫停學,中、小學都有複雜問題未能解決,他與家長都提出意見請教育局考慮,望教育局盡一切努力解決問題。

家長林小姐會後稱,局方表示朗思小學部共有294人,而該校舍可容納311人,但過去正因為界限街校舍太小,才將高小遷至長沙灣,現時每班約16至18人,局方估計遷回界限街校舍後約27人一班,她擔心太擠迫和影響教學質素。林續稱,作為家長不會知道法例要求,現時學校管理和教育局監管出了問題,最後受苦的是家長和小朋友,認為情況不可接受。

朗思昨日舉行家長會,校方確認全數小學部學生明日於界限街校舍復課,有家長表示鬆一口氣,家長葉先生批評教育局推卸責任,希望教育局提出折衷辦法,為學生提供臨時校舍,以免所有學生都要在界限街校舍內上課。

中學方面則復課無期,崇正中學校長董福昨表示,10名教師當中有7名拒絕續約並計劃離港,預計中學課程有機會要停辦,受影響的約60名學生若願意,可轉讀崇正與牛津國際公學合辦的IGCSE課程,有需要時校方會增聘教師。

另外,《明報》昨報道朗思界限街校舍天台鐵皮屋涉嫌僭建,屋宇署回覆查詢時稱,署方昨派員視察,發現有關僭建物及相關樓宇並無明顯危險,但根據現行對僭建物的執法政策,該僭建物屬於須予以取締類別,署方將會向有關業主發出清拆令,着令其清拆該僭建物。

教育局發言人表示,局方人員與40多名家長會面,清楚解釋局方行動是基於法律考慮,以及要確保學生的利益,重申學生必須在註冊學校上課,局方不能對涉嫌違法辦學的情況置之不理,更不能把違法行為「合法化」,權宜地容許未經註冊的學校以任何形式繼續營運絕不是可取的做法。教育局稱會繼續探討可行方案,並與家長保持溝通。
[p=35, null, left]








oasis18
|
點解無話校長唔啱 ? 只叫教育局攪掂, 是否暗示可以繼續經營學校? 唔明點代表教育界, 其他正常依法的學校是否錯的?
DoReMi媽媽
|
睇唔到葉建源有提出解決辦法
tinlong22
|
佢最想咪就係教育局拿拿林發個牌俾個間無牌學校, 咁咪一天都光晒囉
點評
wcpcelia    發表於 18-11-15 15:45
mandy952
|
oasis18 發表於 18-11-15 10:54
教育界立法會議員葉建源指涉事學校非公立學校,學生若安排到公立學校繼續上課,課程不銜接外,家長亦未必接 ...

唔可以因為家長唔想轉校或搵唔到學校就發個牌比佢地架,咩羅輯黎架,咁仲成世界嘅?仲話代表教育界,不知所謂
artroboy
|
呢個辦學團體好有問題,教育署應該揸正黎查,否則將來個個辦學團體照碗煮碗咪死?害死d 學生。
boaangel
|
好有問題議員

另外,朗思個校長好有問題,原來已經唔係第一次非法辦學,2011已經未註冊便辦學,好離譜。教育局係咪應該取消佢校長資格呢?
三棵樹
|
其實最大問題係個辦學團體/校長,擺明違規,應該係佢地自己要擺平啲家長&學生。
家長自己都有責任,唔知佢地係明知學校違規都照報 ? 定俾學校矇騙 …………
wantaima
|
boaangel 發表於 18-11-15 13:22
好有問題議員

另外,朗思個校長好有問題,原來已經唔係第一次非法辦學,2011已經未註冊便辦學, ...

呢個代表教育界既議員不嬲都好有問題
jtw_ki
|
三棵樹 發表於 18-11-15 13:41
其實最大問題係個辦學團體/校長,擺明違規,應該係佢地自己要擺平啲家長&學生。
家長自己都有責任,唔知佢 ...

家長唔知學校冇牌嘅,事件爆發先知。但睇報紙朗思兩年幾前有申請學校轉名,但轉咗兩年幾都未轉到,唔知係教局問題定崇正一路交唔齊資料(照道理轉名應該幾個禮拜就搞掂),朗思校長又衰心急,可能佢以為好快搞掂就開辦學院先,點知拖咗兩年幾,到最後崇正又突然單方面取消轉名,仲疑似投訴埋去教育局。

朗思校長的確有錯,但教局都應該懲罰埋崇正,我唔覺佢地唔知情。個17日校長仲話咩都唔知,大佬,校舍持有人點會咩都唔知呀,想將責任推得一乾二淨,唔怪得班家長唔想轉過去

利申,有親戚仔女讀朗思

jtw_ki
|
本帖最後由 jtw_ki 於 18-11-15 14:57 編輯

其實點解中學班家長唔想轉過去,除咗覺得崇正麻麻、對佢地有保留外,係真係覺得朗思教得好。撇除校長(我唔知佢整件事點樣,因為佢冇發表過聲明),其他老師、副校長都好好,我親人(佢係朗思家長)話學校d老師好有愛心,對小朋友好好,小朋友好鍾意佢地,而且讀書讀得好開心,雖然校舍麻麻,但師資、教學真係好,所以佢地先唔想轉校,因為唔捨得。佢同我講即使發生咗咁大件事,但都暫時中小學冇家長想轉校。講真,而家最無辜係班老師、家長同學生,所以都無謂踏多幾腳,輿論壓力只會害到佢地而唔係校長,而家政府應該尋求解決辦法先,settle down d小朋友後,再追究責任都未遲

Charitymami
|
係辦學團體問題,
偷雞唔到蝕把米,
教育署要秉公辦理
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽