bb唔肯自己瞓。。

veronicalee9685
|
本帖最後由 veronicalee9685 於 18-11-15 22:13 編輯

bb初生頭幾個星期餵完奶掃完風就瞓,放低都會繼續瞓無咩問題。。
但依家就黎兩個月大,開始一放低就醒,同埋好似痾屎唔出咁叫,然後就開始喊。。


夜晚打側瞓係床度餵人奶,食完即刻瞓着,推佢去隔離張bb床(我買左張可以貼住大人床嘅bb床,可以放隻手係bb身上安撫佢)但都係會無幾耐就醒同喊,摸佢頭同背唔得,放佢側身瞓都唔得,要抱佢返黎身邊攬住先瞓返。。。


依家餵完奶攬住由得佢瞓就瞓得好好,仲一教瞓到第二朝。。但d人話母嬰同床唔安全,我都好驚壓到bb搞到佢窒息唔知。。


我自己覺得bb仲細唔忍心由得佢係度喊。。老公要返早bb不停喊又搞到佢瞓唔到。。點樣可以令bb瞓返自己床?

sfcbb
|
veronicalee9685 發表於 18-11-15 22:10
bb初生頭幾個星期餵完奶掃完風就瞓,放低都會繼續瞓無咩問題。。
但依家就黎兩個月大,開始一放低就醒,同 ...

我個仔之前都係咁,大概兩個月突然要抱住訓,一放低就大喊。我嗰時就會抱一陣,等佢訓冧左就放低,但大概要重複3-4次先成功到。有時佢都會依然喊下,但我就由佢喊一陣,唔係大喊就ok。喊喊下跟住佢自己又訓番。到左宜家,佢已經好左好多,一次就放得低。

你都可以試下用包被包實佢,佢要抱可能係冇安全感。同埋有冇用奶咀?有時比奶咀佢都會訓得好啲。
veronicalee9685
|
回覆 sfcbb 的帖子

佢唔肯啜奶咀,試左幾次都失敗。。。
等我試下包被睇下得唔得

你仔仔依家幾大?
sfcbb
|
veronicalee9685 發表於 18-11-16 03:39
回覆 sfcbb 的帖子

佢唔肯啜奶咀,試左幾次都失敗。。。

3個月多啲。

加油,佢地日日都有啲唔同,大個啲又會好啲架啦!
freshrose
|
我BB 食奶嘴仲開心過我攬住佢訓, 佢自己咬下咬下奶嘴就會訓得好好
sugarmama37
|
我果個剛滿月,每晚都玩我,放底十分鐘左右一定喊,日頭飲完奶瞓又唔會咁喎,係夜晚先唔肯自己瞓!
haha748494
|
可能缺乏安全感,試下用被包實BB.
cookingbaby
|
我個以前都係咁,自己又唔忍心佢喊窩,后嚟我就將BB床擱置了,同佢一齊訓。
我要做媽媽
|
我都係覺得佢冇安全感亞,佢想癡人,你試下包實D佢,或者買個玩具之類陪佢,等佢習慣
veronicalee9685
|
試左包被,瞓到半個鐘又醒。。。有無餵人奶媽媽嘅bb會食奶咀,我試極佢都係嘔出黎。。。
samanthayip124
|
veronicalee9685 發表於 18-11-15 22:10
bb初生頭幾個星期餵完奶掃完風就瞓,放低都會繼續瞓無咩問題。。
但依家就黎兩個月大,開始一放低就醒,同 ...

我bb都係2個月時候先訓練返佢自己訓bb床,因為我就黎返工,唔放心佢日頭同爸爸一齊訓,開始訓練返佢係bb床訓,同時亦要訓練埋佢自己訓,開頭佢會喊,我會係隔離陪住佢,一隻手捉住佢手仔,另一隻手就係咁拍拍佢,亦會唱歌俾佢聽,佢喊左大約5日到,就變左佢飲完奶,我就放佢落床,同佢玩一陣,佢就會訓。到而家4個月基本上佢係床仔到er...er..幾聲就會訓左。夜晚開頭我都係訓係度餵,後尾我覺得我好似變左人肉奶咀,所以之後我都係夜晚抱起佢飲,冇再訓係度餵。
Jaylee0415
|
veronicalee9685 發表於 18-11-20 19:59
試左包被,瞓到半個鐘又醒。。。有無餵人奶媽媽嘅bb會食奶咀,我試極佢都係嘔出黎。。。:ig ...

我個仔初初用包被訓得好d,之後包佢唔住,從此佢就訓3個鍾就醒,跟住我買左love to dream比佢,初初都唔得,試多幾次,佢又可以由10點半訓到7點! 同埋奶咀你可試下Philips Avent中間有個洞個隻,我個仔唔食其他奶咀,近排我買左呢隻諗住試下,竟然佢扎醒我塞比佢,佢係咁啜,跟住訓得番!
aimee0225
|
veronicalee9685 發表於 18-11-15 22:10
bb初生頭幾個星期餵完奶掃完風就瞓,放低都會繼續瞓無咩問題。。
但依家就黎兩個月大,開始一放低就醒,同 ...

同我女女一样,唔好同一张被睡就得啦。
man0504
|
samanthayip124 發表於 18-11-20 21:02
我bb都係2個月時候先訓練返佢自己訓bb床,因為我就黎返工,唔放心佢日頭同爸爸一齊訓,開始訓練返佢係bb床 ...

請問媽媽妳訓練bb自己訓床仔,果時bb有冇2個月? 同埋訓練果時間,佢係床仔喊有冇15分鐘? 其間喊有冇抱起佢? 我都想佢自己訓到床仔就好了
samanthayip124
|
man0504 發表於 18-12-6 20:45
請問媽媽妳訓練bb自己訓床仔,果時bb有冇2個月? 同埋訓練果時間,佢係床仔喊有冇15分鐘? 其間喊有冇抱起佢 ...

bb二個月,初初有喊15至30分鐘都有,而且我係由佢訓醒朝早第一餐奶先開始訓練,我試過夜晚訓練佢喊到拆天,不過喊得好勁我會抱一抱等佢收聲再放返低,基本上係頭三日會喊得勁啲,不過我bb床係拍住大人床,我會訓係隔離一隻手捉住佢手,一隻手拍下佢,等佢喊都知道我係佢隔離陪住佢,當佢肯自己訓之後,我就係飲完奶就放佢落床,佢就會自己訓,而家四個月抱住佢唔會訓,一放落床佢就眼訓
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽