吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 生完8個幾月都仲係會控制唔到情緒

心聲留言今日: 2|主題: 17310

收藏本版

發帖

返回列表

跳至頁

查看: 13512 | 回覆: 34

生完8個幾月都仲係會控制唔到情緒

udonmom

別墅

積分: 514

發表於 18-11-16 16:51 |顯示全部帖子

我個女已經8個幾月，依家就同6299住既，但係啲生活習慣，衛生，語氣態度我覺得好差，尤其個女開始大，又成日依依啊啊，我真係好怕佢學哂佢地啲黑人憎語氣。所以我會間唔中就返娘家休息下放鬆下，但係一返到唻，我爸媽真係乜都攪掂哂，我明白有人幫手係好，但係佢地幫到我連抱個女都冇抱過咁濟…一去到呢啲時候，我一係就暱入廁所喊下（不過唔敢有聲），一係就落街hea，我一諗到個女好似冇我都得，我就有一下想衝出馬路/搵個地方跳落去。就算同身邊既人講，講既時候人地咪會安慰話：唔係咁架，唔好亂諗，佢始終係你個女。但係當真係發生呢啲情況既時候，偏偏就唔會有人理我感受

私人傳訊

cedarcone

男爵府

積分: 7167

發表於 18-11-17 00:25 |顯示全部帖子

理解樓主感受 ! 有苦自己知 !
好多上一代6299就係咁，難聽就叫好心做壞事!
落力幫手超越界限，有好有唔好。

間接好似取代新一代父母地位，莫視主角存在。
佢地唔明親子關係既意義 ! 亦冇細心顧及身邊人!

同佢地和氣商討下喇，任務崗位分配問題，
但又唔好自己攞返晒來做，否則老人家又少氣!

留意自己有冇患上產後抑鬱??
靜雞雞咸係唔值得囉！放開心情，培養靚靚情緒準備未來!
努力 !加油 !

私人傳訊

udonmom

別墅

積分: 514

發表於 18-11-17 03:27 |顯示全部帖子

cedarcone 發表於 18-11-17 00:25
理解樓主感受 ! 有苦自己知 !
好多上一代6299就係咁，難聽就叫好心做壞事!
落力幫手超越界限，有好有唔好 ...

多謝你啊～其實我都會問自己究竟喊乜，但係真係好忍唔住。我都覺得自己有啲癲癲地…我亦都清楚，經常同自己講啲老人家係錫孫先會咁，但不過我就覺得自己好似冇左個女咁。認真，我好努力叫自己唔好諗埋一邊，但係真係搵唔到可以傾訴對象，個女變得唔需要我，我唔知自己仲可以做啲咩…但係生完咁耐，就算產後抑鬱都好應該唔會就唻9個月都有啩~

私人傳訊

cedarcone

男爵府

積分: 7167

發表於 18-11-18 01:17 |顯示全部帖子

傻喇！點會無咗個女呢！等佢大啲識得叫媽媽時，你就會感覺好窩心咖！
將來有好多親子活動，保證你同個女難分開添!

而家暫時有人幫你手，但未必長久，呀囡成長階段都需要媽媽的。
幼稚園至小學，你就會大把野做，例如學校家長日，溫書教功課……
好多野要媽媽親力親為 ! 你地位好重要! 俾啲信心自己 !

產後抑鬱潛伏會長達一年或以上，
希望你既係情緒病，但如果成日谷埋谷埋，都有機會升級變抑鬱。

努力 ! 加油 !

私人傳訊

pnylw

別墅

積分: 904

發表於 18-11-18 11:31 |顯示全部帖子

雖然我未有小朋友, 不過大概可以想像照顧小朋友既壓力有幾大...也很明白有了小朋友後整個世界變得圍住佢轉. B女8 個月大, 相信你為左佢努力足8 個月. 你要為自己既努力俾掌聲自己..愛她之餘也要愛自己.

喊, 是因為心情鬱住鬱住太大壓力吧.

不如問下自己, 如果有一小時break, 你會想點慰勞自己? 食返夠本? 行街買衫俾自己?

別忘記對自己好先識得對人好啊...

私人傳訊

udonmom

別墅

積分: 514

發表於 18-11-18 22:00 |顯示全部帖子

cedarcone 發表於 18-11-18 01:17
傻喇！點會無咗個女呢！等佢大啲識得叫媽媽時，你就會感覺好窩心咖！
將來有好多親子活動，保證你同個女難 ...

我已經經常同自己講，我比起好多人好好多架喇，有自己阿媽同奶奶幫，但係就係唔知點解突然之間情緒到，就覺得好似個女唔係我既，我個女唔會好痴我，唔會扭我抱，我覺得自己唔識做人阿媽

私人傳訊

udonmom

別墅

積分: 514

發表於 18-11-18 22:05 |顯示全部帖子

pnylw 發表於 18-11-18 11:31
雖然我未有小朋友, 不過大概可以想像照顧小朋友既壓力有幾大...也很明白有了小朋友後整個世界變得圍住佢轉. ...

其實我同奶奶住都算多自己時間，只不過就算落街買野，個心都好想快啲返去見個女（當然亦有唔放心成分），老公帶我出街，我睇唻睇去都只會睇佢兩父女既野，自己野點都睇唔上眼，我生完果陣都覺有啲唔妥，但唔算嚴重，只係冇諗過咁多個月後仲會咁

私人傳訊

spikenard

水晶宮

積分: 64086

發表於 18-11-18 22:29 |顯示全部帖子

回覆樓主:

反健康院做評估，你有產後抑鬱傾向哦～

私人傳訊

udonmom

別墅

積分: 514

發表於 18-11-18 23:08 |顯示全部帖子

spikenard 發表於 18-11-18 22:29
反健康院做評估，你有產後抑鬱傾向哦～

咁都屬於產後抑鬱

私人傳訊

Bear27

複式洋房

積分: 137

發表於 18-11-23 17:33 |顯示全部帖子

udonmom 發表於 18-11-18 22:00
我已經經常同自己講，我比起好多人好好多架喇，有自己阿媽同奶奶幫，但係就係唔知點解突然之間情緒到，就 ...

我都係6299幫手湊b，佢地係好錫好錫bb，個程度係去到我放工返屋企，佢地都繼續抱住阿b唔放手，我主動話要抱一陣之後佢地又要求抱番，d人話有人錫你個bb咪好囉，身在福中不知福，但我真係好想放工後獨佔阿b，覺得阿b好似俾人搶走左咁，經常悶悶不樂，有時諗會唔會係自己問題，都怕有產後抑鬱，之後我同個朋友傾，原來佢都有類似嘅情況，當時佢唯有好努力主動咁要求想抱想陪bb玩，漸漸佢6299可能feel到我個朋友咁樣，有時都會主動俾番我朋友抱，所以我而家想抱就會主動講，6299都明白，所以家人溝通其實好緊要，總之記住有咩事講出黎就ok喇，好過估估下，咁樣好大壓力架

私人傳訊

udonmom

別墅

積分: 514

發表於 18-11-24 02:13 |顯示全部帖子

Bear27 發表於 18-11-23 17:33
我都係6299幫手湊b，佢地係好錫好錫bb，個程度係去到我放工返屋企，佢地都繼續抱住阿b唔放手，我主動話要 ...

因為我係同6299住，平時都係自己湊女，返到娘家我爸媽就會抱住個女唔願放手，所以我又唔想好似霸住個女唔比佢地咁（加上我個女都中意公公婆婆）所以我成日都要自己天使同魔鬼掙扎…其實我覺得佢唔會同公公婆婆陌生係好架，但係又會覺得個女唔需要我，自己好似冇左個女咁，好失落…但我好似控制唔到叫自己唔好咁諗

私人傳訊

Bear27

複式洋房

積分: 137

發表於 18-11-24 14:28 |顯示全部帖子

udonmom 發表於 18-11-24 02:13
因為我係同6299住，平時都係自己湊女，返到娘家我爸媽就會抱住個女唔願放手，所以我又唔想好似霸住個女唔 ...

我而家唔係同6299住，不過遲些會搬番去，其實我之前同你諗法差唔多，我見到6299咁鍾意抱阿b，若果我都搶住黎抱，好似唔係咁好，又怕6299唔鍾意，但我個心真係好想抱，但又唔可以表現出黎，一直去到有一次...同6299c6一齊出去酒樓食飯，6299全程都抱住阿b，完全無意識俾阿b我同c6抱，c6 feel到我有d唔開心，所以就主動向99話想抱阿b，咁我同c6就抱左阿b出去睇海鮮石斑咁，睇左一陣返埋位，62已經表示要抱，我不情願咁俾62抱番，62一直抱到搭車離開時先俾番我地，我當晚向c6發脾氣，我同c6夾埋抱左唔超過10分鐘

私人傳訊

Bear27