你地相信有類固醇反彈嗎?

熱狗媽
|
我就信了。

之前開左好多post講自己濕疹爆發。終於係出院>西醫>中醫>再入急症>終於搽左五日類固醇,但搽到第五日,原來頭兩日搽左平復左嘅地方,全部一次過打回原形!!!

之後繼續keep住流水、痕、然後有晚上網睇左段片,關於一個女仔,戒斷類固醇。我睇到佢d相,同我情況一樣(最後個女仔用左9個月先好番)。而我亦join左一個戒類固醇嘅群組。係果度我覺得原來香港有一班人,都經歷緊我而家面對嘅,而且我算叫做“好”,只有腿同pat pat下面爛晒,但係群組有d人係全身,真係好慘。

經過今次,我真係唔敢再掂類固醇。我本身唔係天生濕疹,之前已經堅持唔搽,但最後都搽左。
熱狗媽
|
我d同事,個個都叫我戒口,聽醫生講,甚至有同事叫我去紙紮店查日腳。我而家d 皮膚望落好似二級燒傷,我每日食魚油丸,有定時睇中醫,有去運動。睇到網上一個一個個案,我不要問,只要信,信自己會好。

我已經唔係長期類固醇人,但都爆成咁。睇中醫,我轉左兩個,今次呢個中醫講左一個情況,佢話點解一定要11:00前訓呢?醫師話,中國人以時辰去計,一日裡面,最後一個鐘係11:00。如果12:00先訓,已經係第二日嘅開始,第二日咩都未做先嚟訓,係違反生理。


issactmaria
|
我雖然無濕疹,但只覺得西醫治標不治本,而類固醇反應後遗症更大。戒類固醇過雖然辛苦,但長遠要治根源!努力!加油!
熱狗媽
|
issactmaria 發表於 18-11-17 19:39
我雖然無濕疹,但只覺得西醫治標不治本,而類固醇反應後遗症更大。戒類固醇過雖然辛苦,但長遠要治根源!努 ...
我係認為,如果忍到嘅,所有風癩、蕁麻疹、濕疹,睇中醫吧。食一個星期中藥唔work, 即轉。

西醫比果d抗生素,我食足一個月,醫生話無問題,但身體最誠實,我呢個月成個人攰到不得之了。中醫一睇就話,我再食抗生素,遲早神經衰弱。佢話想皮膚好,就要多休息。我同佢講我訓唔到,佢話唔好理,11:00前訓落床,每晚都係 就好似小朋友mult痰罐,mult mult吓就識去大。
神奇地尋晚我11:00訓,半個鐘訓到今朝7:00
issactmaria
|
熱狗媽 發表於 18-11-17 19:47
我係認為,如果忍到嘅,所有風癩、蕁麻疹、濕疹,睇中醫吧。食一個星期中藥唔work, 即轉。

西醫比果d抗生 ...

其實感冒我已經戒吃西藥兩年了,用一些自然又有香味取自植物的精油,就算睇我也盡量睇中醫,因為兩者都是取自植物,理念較為相似!這兩年無可否認身體越來越好,無以前噤容易病!
jolly_bear
|
加油呀!!!
真係要停用類固醇先得~

我N年前臉皮膚炎, 之後變敏感...
睇醫生搽藥膏... 皮膚變得越來越敏感...
搽咗 5年先知係類固醇....

停用後當然都係勁敏感發紅...(已經變成玫瑰痤瘡)
我用豬油膏素肌一段時間....
之後要靠激光先康復

濕疹...我呢D 天氣, 手 & 背都起濕疹..
日日搽木瓜膏, 瞓時 仲用膠布 & 廁紙包住....
以前偶然會起濕疹, 搽過類固醇後,
皮膚弱咗易起濕疹...
Keep 住搽 body lotion
我覺得vaseline 白色for 敏感skin 個支ok~
沖涼唔好用太熱ge 水
點評
wcpcelia    發表於 18-11-18 11:10
crystal媽咪
|
熱狗媽 發表於 18-11-17 19:23
我就信了。

之前開左好多post講自己濕疹爆發。終於係出院>西醫>中醫>再入急症>終於搽左五日類固醇,但搽到 ...

唔識乜嘢類固醇反彈,之前有少少濕疹,都好困擾。不過早瞓身體抵抗力好咗係好啲嘅
我唔受得中藥,最嚴重我都焗住要食類固醇同搽藥膏,不過好彩已經好番
熱狗媽
|
crystal媽咪 發表於 18-11-17 20:55
唔識乜嘢類固醇反彈,之前有少少濕疹,都好困擾。不過早瞓身體抵抗力好咗係好啲嘅
我唔受得中藥,最嚴重我 ...
醫生通常只會話用類固醇用得多,皮膚會變薄。

所謂嘅反彈,就係當皮膚有問題時,照搽類固醇,但係無效,甚至會一大片紅色(因為血管擴張),無限地流水,痕(果種痕係唔能夠控制,會無啦啦自己勁抓)、甩皮、勁乾燥。

如果有勇氣,可以上網打類固醇反彈,就會知道有幾嚴重
crystal媽咪
|
熱狗媽 發表於 18-11-17 21:23
醫生通常只會話用類固醇用得多,皮膚會變薄。

所謂嘅反彈,就係當皮膚有問題時,照搽類固醇,但係無效,甚 ...


知道,多謝回覆。我睇過你之前post張腳相,希望你快啲好返,搵到適合嘅方法
熱狗媽
|
jolly_bear 發表於 18-11-17 20:39
加油呀!!!
真係要停用類固醇先得~
係,當再搽同一款藥膏,但已經無效,再睇醫生,醫生就會比隻藥性更重嘅藥膏。

上兩星期我去醫院覆診,我同醫生講,患處仲流緊血水,腳又再腫。醫院醫生話,最多都只能夠比類固醇藥膏同埋豬油膏。

我無要醫院d藥,之後轉中醫,食中藥其間皮膚勁出水,甩皮甩到乾裂。我自己輕輕一禁,皮膚已經好似榨橙汁咁出晒水,ba ba聲咁流。但第二日就乾晒。呢個情況重複出現幾次,但係我覺得,出水出血嘅地方,根本無濕疹。而且每次復發完,雖然乾裂到爆,但係續次有少少改變。無再腳腫。

熱狗媽
|
crystal媽咪 發表於 18-11-17 21:29
知道,多謝回覆。我睇過你之前post張腳相,希望你快啲好返,搵到適合嘅方法
...
You are welcome.

如果你睇完我上次post張相,我想講,之後類固醇反彈果d相,比我之前post果張更血腥更恐怖。


crystal媽咪
|
熱狗媽 發表於 18-11-17 21:35
You are welcome.

如果你睇完我上次post張相,我想講,之後類固醇反彈果d相,比我之前post果張更血腥更恐 ...


記得戒口,盡量保持心境平靜
ii2003
|
有呀 我都經歷過
個陣不段睇外國既論壇,見住人每個人記錄自己慢慢好先有信心捱過,整個過程都年幾最尾好返左
金牌阿四
|
咁可怕
issactmaria
|
之前我都睇過類固醇上癮資料,也想提你!但我始終唔係濕疹人,無說服力!
熱狗媽
|
issactmaria 發表於 18-11-18 08:28
之前我都睇過類固醇上癮資料,也想提你!但我始終唔係濕疹人,無說服力!
...
謝謝。

後來有睇中醫,話我係急性濕疹,不過無辦法,當時因為腳腫,成對腳都係疹,又甩左好大塊皮,係咁出水,就入左醫院。

其實唔係完全話唔應該搽類固醇,但係自從知道我後來有嘅狀況,係類固醇反彈,同埋係群組亦有人講過,有時候有d話自己無類固醇成份嘅藥膏,其實可能有,又或者我地見到佢包括寫0.1%,但係我唔知道果支膏,可能係最重藥裡面嘅0.1%
cbeyond
|
本帖最後由 cbeyond 於 18-11-18 08:58 編輯

現在腳已經無出水嗎?
搵到夾你的中醫, 好好調理, 仲有心情都到調理。
自己健康最重要, 其他事唔好諗咁多。
熱狗媽
|
cbeyond 發表於 18-11-18 08:58
現在腳已經無出水嗎?
搵到夾你的中醫, 好好調理, 仲有心情都到調理。
自己健康最重要, 其他事唔好諗咁多。 ...
係呀,今次呢個中醫食左佢d藥感覺好d, 但係我知道我係面對緊類固醇反彈反應,多於濕疹。類固醇反彈係因為類固醇,就算睇中醫都幫唔到。
cbeyond
|
熱狗媽 發表於 18-11-18 09:02
係呀,今次呢個中醫食左佢d藥感覺好d, 但係我知道我係面對緊類固醇反彈反應,多於濕疹。類固醇反彈係因為類 ...

咁就好 , keep住睇一排中醫先
腳仲痕&乾嗎?多做補濕, 密d搽野
熱狗媽
|
點知道自己係類固醇反彈反應?

一直以為係濕疹影響,所以又紅又腫又出水,後來搽第一次類固醇,第二日好左70%,咁打算再搽,搽到第5日(每次薄搽,每日一次),見到之前第一日搽左乾左嘅濕疹再出番,第6日全部慢慢再係相同地方出番晒,患處摸落係好熱、勁紅 ,佢地果種痕係控制唔到,訓訓吓會不自覺抓到出水出血。

有時候皮膚會無啦啦紅晒,禁吓佢會勁出水,然後附近皮膚會出好多一粒粒好似起雞皮咁,但唔紅嘅,不過會痕。已經戒糖、海鮮,全素,麵包豆腐豆漿都唔食,佢地照發出嚟。

然後洗水地方會自己收水,收水之後就勁乾,乾到好似人地牛皮癬咁有d白色係患處上面,之後就勁痕,又係一種忍唔到嘅狂抓,之後甩出一堆雪花(皮)。有時候仲會甩頭髮。

以上重複好多次之後,就會慢慢見到轉好。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽