[p=28, null, left]時下後生仔女興玩IG、FB呢啲社交網，就連70+1歲嘅汪明荃（Liza姐）亦跟得上潮流，近日終於開通個人IG帳戶同年輕人齊齊鬥In！唔係講笑，Liza姐一向出名做嘢勤力，估唔到佢就連出Post都好勤力，一日起碼出到兩、三個Post，仲要無限靚相大放送，內容豐富添！
日前，Liza姐出席盆菜宴活動，藝人朱咪咪、區瑞強、蔡康年等都有出席，之後Liza姐就喺IG晒出好多大合照，當然有順便Tag埋一班賓客啦。不過重點就嚟喇，網友發現Liza姐Tag人嘅方式好獨特，直接喺張相上揮筆寫大家個名，仲要細心加番個頭銜，睇嚟個人風格呢樣嘢…Liza姐真係高幾班。
有網友見到後就覺得好得意，並大讚Liza姐好有心，仲話如果遇着一啲冇開IG帳戶嘅朋友，都可以仿傚Liza姐咁樣Tag人呀！
之後，有份主持《#後生仔傾吓偈》嘅陸浩明同麥明詩亦即刻技能Get，紛紛學Liza姐嘅獨特Tag人方式，麥明詩留言：「台慶綵排，Liza姐教我哋tag相新方法😜 係愛嘅tag法😍！」
一般人都係咁Tag…左起：王君馨、Liza姐、王梓軒。
陸浩明（左一）作品。
Liza姐就諗到咁樣Tag，仲順便可以練埋書法添！
麥明詩（後排右二）作品。
發表於 
返回列表
