香港港安 開刀 長篇分享 胎盤前置 鼻血

Plm2000
|
本帖最後由 Plm2000 於 18-11-21 23:49 編輯

今胎在17周時有胎盤前置問題 經朋友介紹去中環跟左呢位醫生之後一切都好安心 雖然說話唔多 但講重點 原來胎盤早期前置唔代表之後都係 所以早期有呢個問題唔駛太擔心 我果陣係最嚴重既完全覆蓋 後尾都上番去!
懷孕期一直有每日流鼻血既問題 耳鼻喉科話係鼻膜薄 發炎生左一粒似芽 懷孕易充血 原本一直捱想生完先做手術 後來愈流愈嚴重 及呼吸唔到 最後決定36周時做手術切 過程好快 醫生手勢好 做完無任何腫痛
到38周係香港 港安醫院開刀 麻醉師好細心 超好解釋及陪伴 上一次我開刀時係有呼呼困難想嘔 差點以為自己會死 所以有陰影 今次完全無 好感動!醫生手勢都好好所一切好順利 三兩下手勢就話bb出左黎 聽到bb喊聲好興奮
今次不得不提既係惡露超少 醫生幫我清左好多 好乾淨 呢個係一個超大驚喜 因為本身我都係敏感皮膚 好怕血焗住
另外要提既係港安俾左好多配套 送左好大袋野我都仲未開 姑娘個個好好笑容 每次禁鐘都好積極過黎幫手 最開心係隨時可叫佢地推bb入黎 朋友黎探都唔駛隔住玻璃睇bb 唯一係三人房夾我係中間有d迫..
因為有乳頭短小問題 上一胎係另一間生無人教 今次可以係床度慢慢試 港安姑娘個個都好有心機幫我一直試喂人奶 佢地既耐性係100分 如果想喂人奶既可來港安 因為可隨時call bb過黎埋身 又有母乳指導員幫手
雖然開刀 谷奶 都好辛苦 但見到bb咁可愛真係乜辛苦都忘記晒 記得提埋媽媽生前去植眼睫毛 實在太有幫助 因為影相精神好多!最後祝各位都順順利利生產!


Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽