回流2年後的感想...

LIZHAPPYLIFE
|
本帖最後由 LIZHAPPYLIFE 於 18-11-21 16:39 編輯

最近先發現原來真係有咁多香港人想移民澳洲, 兩個地方我都住過, 但始終都是喜歡HK. 我曾住在悉尼18年, 因為老
公是當地人, 頭一兩年好唔慣, 經常要回港, 因為HK真係好方便,吃的又好味,去其他地方去旅行又近... 自己諗住慢慢

適應,但人住在外地耐, 就更加掛住自己土身土長的地方(我只是說我本人). 講真澳洲係風景靚, 但好單一,如果真係住

過澳洲的人應該明我講咩. 但空氣真係好好, 初時我回港最不適應的, 就是空氣. 但HK的氣候算是宜人, 你可能不同

意,但住過外地的人就會知外國很多地方一日溫差可以好大, 出街真係要洋蔥式穿搭.,不似HK早晚溫差不大. 而且澳洲

的夏天真的不是講笑, 閒閒地40度以上不出奇, 冷氣費貴到... 同埋澳洲太陽真係好曬, 如果唔搽防曬, 一定會好傷...

對於愛靚的女士是一個挑戰,同埋澳洲是一個極乾的國家, 所以會老得快過係HK住...(純粹個人看法). 所以回港後我再

冇投訢潮濕, 反而好enjoy每次沖涼後不用搽cream. 以前住在HK, 好多野都以為理所當然, 但當人在外地, 一諗起在

HK時可以換件衫,不用揸車, 就吃到熱騰騰的腸粉, 就覺得自己原來一直都好幸福...




jan0517
|
LIZHAPPYLIFE 發表於 18-11-21 14:49
最近先發現原來真係有咁多香港人想移民澳洲, 兩個地方我都住過, 但始終都是喜歡HK. 我曾住在悉尼18年, 因為 ...

多謝你講多d住落的感受..我地係香港..好易覺得外國月亮特別圓.但overall..想必你都同意澳洲係比較舒服.悠閒.有生活質素?尤其對小朋友來講?
旅行方面係好問題.澳洲去邊都好遠..又貴..其實一般家庭是否不會好似香港人咁多出遊?
如果一個年收入$80k三人家庭..是否連去長途旅行都好緊拙?

我覺得港人係用錢買享受.包括clubhouse,travel,fine dining.但有d好基本的eg 空氣/草地/空間卻缺少。



CFHung
|
回覆 LIZHAPPYLIFE 的帖子

我都有同感,你所說真的要在澳洲生活既人先可理解同,我也喜歡香港既方便,又可以搭地鐵,唔駛去邊到都揸車。但好處是來到澳洲可以接小朋友返學放學,係香港多數是菲律賓女傭代勞
Bella00000
|
香港如果少左班大陸人絕對係好好的居住環境,唔使迫唔使搶樓唔使搶生活用品
CFHung
|
回覆 Bella00000 的帖子

可惜,澳洲也有好多內地人
bigfriednoodles
|
Bella00000 發表於 18-11-30 08:06
香港如果少左班大陸人絕對係好好的居住環境,唔使迫唔使搶樓唔使搶生活用品 ...

同意至極,有說澳洲也很多大陸人,但在澳洲,起碼空間比香港大,香港已經細,仲有無盡嘅大陸人,太壓迫了
Monice
|
回覆 bigfriednoodles 的帖子

非常同意,之前住在元朗,住咗都18年,睇住佢一路轉變,而家周圍都係藥房,金舖⋯周圍都係大陸人⋯⋯條路就嚟冇得行,的人排隊排到出晒黎,尤其是係藥房,萬寧,價真棧,樓上燕窩莊,巴士站,好多人拖喼,亦都好多人打開個喼在路邊執嘢,甚至有小朋友在路邊小便,我更加見過有大人就咁抱住個小朋友在垃圾桶上大便,烏煙瘴氣。 食物價錢貴到唔合理,最慘係好多食物都從大陸進入,質素又差,價錢又貴。最最最慘嘅係最普通嘅屋企用水,都是來自嚴重污染的東江水,用過濾器都幫唔到幾多⋯
ltdcorp
|
回覆 Monice 的帖子

在10年前我們反大陸住了兩年,再返香港感覺已完全唔一樣, 周邊多咗很多講普通話的人,東西漲價很多,好彩我早小小生小朋友,有舊同事問我,去邊間私人醫院生好,因為很多私人醫院都沒有位俾佢生小朋友, 我話唔會掛嗰陣時有好幾間醫院比我揀個!之後終於有私家醫院有位比佢生仔但費用非常貴!普通的唔使100,000萬都要8萬,之後又有舊同事同我講買唔到奶粉比小朋友比BB,我又話唔會掛藥房實有啦再唔係萬寧貴少少都有啦!結果我就去嘗試幫佢地搵問咗屋企附近10幾間藥房屈臣氏都沒有BB嘅奶粉!要預定如有奶粉加了價好貴!究竟香港發生乜嘢事!連基本嘅生活都咁多憂慮!之後樓價漲升不停,就算中產階層都不能負擔樓價!出嚟做嘢工作壓力大,小朋友讀書壓力大!我對香港將來已經冇眼睇,也不敢想有什麼期望,做生意嘅就越做越有錢當然要睇吓什麼生意,打工仔越做越辛苦,我們後生時出來工作都好有信心為將來而努力, 努力工作買屋住,為生活好些!我八九民運都會出嚟遊行,現在對香港越睇越冇希望,就算一個大學生出來工作人工都不夠基本嘅生活!
好啦10年後嘅今天, 我們到澳洲生活, 雖然都看到很多華人,但由於這裏地方比較大感覺冇咁擠迫,去商場都有很多地方行走,工作和小朋友讀書壓力都沒有咁大,雖然收入比香港少交稅比香港多好多,身心愉快比起碼香港舒服很多,雖然購物不方便, 不像香港樓下已經是商場,但是我覺家庭生活體驗就要舒適安寧,不要像香港人多車多太擠迫了!在此希望各位無論在什麼地方生活都身體健康生活愉快!


Monice
|
100%認同,真係唔明香港發生左乜嘢事。 講真,邊個想離鄉別井,我媽媽同老爺奶奶都仲喺香港,唔可以孝順佢哋心裏好難過,搬來澳洲,要重新適應過生活,其實都唔容易。 但係睇返香港,都越嚟越適應唔到了,尤其是這幾年,簡直好怕出街,去到屯門市廣場,沙田新城市廣場呢啲大商場,度度都塞滿左大陸人同行李箱,連去睇醫生,都成堆大陸人⋯⋯我有親戚取笑我哋去外地做二等公民,但係我覺得留喺香港同做二等公民有分別咩?大家都有眼見,依家啲樓價,食物質素…而且我相信,唔使等到2047 ,大陸人一定多個香港人,我哋嘅香港已經一天一天地枯萎…
在香港,我仔女嘅學校(中學)都多咗好多大陸人,啲大陸人仲要求用簡體教學,好無奈,聽到嗰啲單非,雙非,爭床位,爭學位,第日仲要爭工作…嗰種壓迫咁,真係要生個小朋友先至明白。之前有個移民廣告,句標語係話:世界咁大,究竟邊度先搵到屬於自己嘅地方,這句說話感受好深,因為真係唔知邊度先找到屬於自己嘅地方。
arcer
|
我反而係愈來愈唔適應香港,每次返去嘅時間愈來愈短,又會掛住澳洲。香港人多車多,雖然方便,但去買野都要逼,連揸車都逼。加上覺得近年香港人嘅面口係差左,好小事就冇耐性要投訴。我自己慣左澳洲人連收個銀都打個招呼傾下計,我帶住同一態度返到香港,d收銀姐姐或服務生當我怪物咁。我住regional小鎮,冇乜華人,其實唔覺自己係二等公民。我生b時住公立,唔駛爭唔駛book,住單人房食足3餐又點餐,又催生又無痛又開刀,姑娘又nice,出院時一蚊都唔駛俾,我自己係度諗,依件事根本冇可能係香港發生。點解土生土長嘅香港人反而係自己地方變左二等公民,要爭床位爭學位爭奶粉?
至於放假去旅行,澳洲其實真係好多選擇,揸車近近地周圍去,一家人露營釣魚野餐都好開心,唔一定出國。反而係香港放假去旅行,都仲要拎住電話, 唔係忙住影相打卡,就係仲要做公司野覆email。係澳洲反而真係可以放鬆心情享受家庭。
其實香港人真係適應力好強,去邊都冇問題,香港澳洲各有好處,在乎心態同明白自己追求點樣嘅生活,咁去邊都可以活得開心。
ltdcorp
|
回覆 arcer 的帖子

我唔覺得什麼二等公民,或者我們多一個機會可以去外國生活是一多選擇,要入鄉隨俗去到每個國家都要遵守個規矩就好了!我唔反對國內人來香港,不要太多因香港太細了! 但他來了就必須要遵守香港嘅規矩,唔可以隨地吐痰,唔可以周圍大小便,是每個國家都有人犯罪香港人都會犯罪,但係整體來講香港環境真的差了!既然國內來到香港就要遵守香港嘅規矩,不要再說中國香港香港是大陸這些廢話!既然我哋去到外國國家就要遵守外國國家嘅規矩,就算出外旅行都會遵守當地國家嘅規矩,正如在澳洲開車要多禮讓,不要太心急,讓行人行先!
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽