[聖誕親子好去處]沙田:親子餐廳X童話書打卡位X合家歡音樂劇

情報員
|
聖誕假期就快到,今次就一次過介紹幾個動靜皆宜嘅好去處,俾各位媽媽參考吓 親子餐廳集中地,有得食有得玩石門京瑞廣場早兩年先開業,最矚目嘅就係一間大型親子餐廳,有繩網、模擬超市、波波池等小朋友至愛,等緊嘢食都唔怕悶。

(圖片來源:網上) Facebook專頁:https://www.facebook.com/kingswingplaza1.2/

期間限定!化身Alice走入Rabbit Hole聖誕各大商場都會有搞作。沙田新城市今年帶大家走入兔子洞,置身愛麗絲夢中。
(圖片來源:網上) 日期:2018年11月27日至2019年1月13日Facebook專頁:https://www.facebook.com/newtownplaza/
合家歡舞台劇,文具世界歷險之旅
成日同小朋友入戲院都開始入到悶,舞台劇就係一個幾好嘅選擇。上年聖誕初次接觸舞台劇,就係睇「一路青空」劇團嘅《魔法豆腐花》(勇氣重演)。由於係音樂劇,小朋友可以跟住一齊唱,睇得好投入;為人父母嘅大人去睇都會覺得好感動、好有共鳴,同想像中嘅兒童劇非常唔同。



自此就一直留意有咩適合一家大細去睇嘅話劇,今年聖誕一路青空揀咗以文具為主題,同樣係音樂劇嘅《擦擦奇俠》帶小朋友進入文具世界。睇劇團嘅故事簡介,呢班文具除咗有擦膠,仲有鉛筆、原子筆、毛筆等等角色,佢哋仲會展開一段驚險刺激嘅尋找同伴之旅,諗到一班文具識行識走,都覺得搞笑呀!劇團希望藉此鼓勵小朋友欣賞每個人嘅不同之處,學會包容同接納同伴。

臨近聖誕,好多親戚朋友都會送新文具俾小朋友,有時難免造成浪費。劇團身體力行,透過「銀の文房具」嘅「文具銀行」向觀眾收集二手文具,將文具轉贈畀有需要嘅人,藉住呢個機會等小朋友學識分享同珍惜。
日期:2018年12月22日至30日票價:成人$280/學生:$140地址及交通:沙田大會堂文娛廳(沙田站步行約5分鐘)Facebook專頁:https://www.facebook.com/the.radiant.theatre/
網上購票:http://www.urbtix.hk/internet/zh_TW/eventDetail/37010


tsung
|

Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽